humanrights.ge

ანტისანიტარიაში მიტოვებული დევნილები

აფხაზეთიდან დევნილი 28 ოჯახი წლებია, ზუგდიდის რაიონული საავადმყოფოს მიმდებარე ტერიტორიაზე არსებულ დასახლებაში ცხოვრობს. თუმცა, მათი საცხოვრებელი ფართების პრივატიზაციის პროცესი ჯერაც არ დაწყებულა. ამასთან, უკვე 2 თვეა, წყალგაყვანილობიდან მუდმივად ჟონავს წყალი და ფეკალური მასები, რის გამოც შენობაში მომრავლებულია მწერები. უსიამოვნო სუნის გამო თითქმის შეუძლებელი დერეფნებსა და ოთახებში გაჩერება.

დევნილებს მარიამობა ელექტროენერგიის გათიშვით „მიულოცეს“

სენაკის ე.წ. სამხედრო ქალაქი, სადაც 621 დევნილი ოჯახი ცხოვრობს, დასავლეთ საქართველოში დევნილთა ყველაზე დიდი დასახლებაა. აქ 1828 დევნილია აღრიცხული. 27 აგვისტოს „ენერგო-პრო ჯორგიამ“  მათ ელექტროენერგიის მიწოდება შეუწყვიტა. წინა დღეებში დევნილებმა კომპანიის განცხადებებზე ხელი არ მოაწერეს და სწორედ ამიტომ დაისაჯნენ.

დევნილთა ნაწილი დამწვრობის ცენტრში შესახლებაზე უარს ამბობს

თბილისში, ოფთალმოლოგიისა და ნევროლოგიის ეროვნულ ცენტრში უკვე წლებია, აფხაზეთიდან დევნილი  60-მდე  ოჯახი ცხოვრობს.  2007 წელს  აღნიშნული შენობა  „პსპ ჯგუფში“ შემავალმა კომპანიამ „ნიუ ჰოსტიპალმა“ შეიძინა  და ახალი მრავალპროფილიანი სამედიცინო კლინიკის მშენებლობა დაიწყო. ამის გამო დღის წესრიგში შენობის ერთ ნაწილში მცხოვრები 39 დევნილი ოჯახის გამოსახლების საკითხი დადგა.

ფოცხოეწერის მდგმურები - რეპორტაჟი გადასახლებიდან

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ ყოველგვარი დიალოგისა და  გაცნობიერებული არჩევანის გაკეთების საშუალების მიცემის გარეშე, თბილისში რეგისტრირებული 12 დევნილის ოჯახი ფოცხოეწერის დასახლებაში ჩაასახლა. ამ იძულებით სპეცოპერაციას გადასახლება უფრო ერქვა, ვიდრე ჩასახლება. ამ დროს დევნილებს შორის იყო ორი ორსული, სამი ძუძუთა ბავშვი,  ექვსი არასრულწლოვანი და ცხრა ავადმყოფი.

დევნილების გამოსახლების გამო, საქართველო კრიტიკის ქარცეცხლში მოექცა

საქართველო უფლებადამცველი ორგანიზაციების კრიტიკის ქარცეცხლში მოექცა, ომის დროს იძულებით გადაადგილებული ასობით ადამიანის სახელმწიფო შენობებიდან ძალით გამოსახლების გამო. სახელმწიფოს ამ შენობების გაყიდვის იმედი აქვს.

შავი ძაფით გაკერილი პირი

ათამდე ადამიანი მეორე დღეა დევნილთა სამინისტროს წინ შიმშილობს, აქედან ოთხს პირი აქვს აკერილი. სამინისტროში ხელმძღვანელი თანამდებობის პირები შვებულებაში არიან.

,,ბასიშვილის კლანი" ერთი ოჯახის წინააღმდეგ

დევნილთა და გარემოვაჭრეთა აქციაზე ოპოზიციის აქტივისტები დააკავეს

19 თებერვალს, ფერიცვალების დღეს, ოპოზიციონერების დაკავებით დასრულდა დევნილებისა და გარემოვაჭრეების ერთობლივი საპროტესტო აქცია. პოლიციამ  „ხალხის პარტიის“ ერთ-ერთი ლიდერი, ალეკო შალამბერიძე და ახალგაზრდული მოძრაობა „არას“ დამფუძნებელი ლევან ჩიტაძე დააკავა. ისინი „კონსერვატიული პარტიის“ წევრის, ლაშა ჩხარტიშვილის დაკავებასაც ცდილობდნენ, მაგრამ აქციის მონაწილეთა წინააღმდეგობის გამო, ვერ მოახერხეს.

სახალხო დამცველი კობა სუბელიანს დევნილების გამოსახლების გარკვეულ ასპექტებზე ყურადღების გამახვილებას ურჩევს

სახალხო დამცველი იზიარებს დევნილთა გრძელვადიანი განსახლების აუცილებლობას, რაც დამტკიცებულია საქართველოს მთავრობის განკარგულებით (იძულებით გადაადგილებულ პირთა – დევნილთა მიმართ 2009-2012 წწ. სახელმწიფო სტრატეგიის შესაბამისად). თუმცა, ომბუდსმენი მიმართავს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრს, გამოსახლების პროცესის გარკვეულ ასპექტებზე ყურადღება გაამახვილოს.

ხელისუფლება დევნილებს აწიოკებს

„დევნილთა ბართლომეს ღამეები“ - ასეთი შეფასება მისცა მედიამ თბილისში კომპაქტურად ჩასახლების ადგილებიდან დევნილთა მასობრივ გამოსახლებას. არაპოპულარული პროცესისათვის ხელისუფლებამ პოლიტიკურად ყველაზე პასიური თვე - აგვისტო შეარჩია. ოპოზიციური პარტიების ლიდერთა უმეტესობა ამ დროს სხვადასხვა კურორტებზე ისვენებს, ისევე როგორც რიგითი მოქალაქეები - საპროტესტო აქციების ცოცხალი ძალა. ამიტომაც ამ პერიოდში თბილისში მასობრივი საპროტესტო აქციების მოწყობა პრაქტიკულად შეუძლებელია.

ცხოვრება „სასტიკ პირობებში“

„საქართველომ „მინიმუმზე“ მეტი უნდა გააკეთოს, ბოლო ოცი წლის განმავლობაში ომების გამო იძულებით გადაადგილებული პირების საცხოვრებლით, სამუშაოთი და ჯანდაცვით უზრუნველსაყოფად. დევნილებს იმაზე მეტი სჭირდებათ, ვიდრე მათი სახურავით უზრუნველყოფაა“, - განაცხადა გასულ კვირას გამართულ პრესკონფერენციაზე საერთაშორისო ორგანიზაცია „Amnesty International“ - ის ევროპისა და ცენტრალური აზიის პროგრამების დირექტორმა ნიკოლა დაქვორთმა.

გარემოვაჭრეებთან და დევნილებთან საბრძოლველად ხელისუფლებამ პოლიტიკურად „მკვდარი სეზონი“ შეარჩია

აგვისტოს სიცხეებმა თბილისში პიკს მიაღწია. 40-დან 50 გრადუსამდე სიცხეში მზის გულზე გამოსულს ვერავის ნახავთ, თუ არ ჩავთვლით პოლიციას, რომელმაც ქართული პოლიტიკის „მკვდარ სეზონზე“ დრო იხელთა და გარემოვაჭრეებს და დევნილებს შეუტია. საპირისპიროდ გარემოვაჭრეები და დევნილები საპროტესტო აქციებს მართავენ, მაგრამ საზაფხულო ხვატში მათ მხარს ბევრი არავინ უჭერს, თუ არ ჩავთვლით ლაშა ჩხარტიშვილს „კონსერვატიული პარტიიდან“ და ალეკო შალამბერიძეს „ხალხის პარტიიდან“, რომელთა გვარები დღის სიახლეებში ყველგან ჩნდება, სადაც კი გარემოვაჭრეთა დარბევასა და დევნილების გამოსახლებაზეა საუბარი.

„როცა კოდორს ვკარგავდით, უკვე ვიცოდი, რომ დაბრუნება გაჭირდებოდა“

ზუსტად ორი წლის წინ რუსეთისა და აფხაზ სეპარატისტთან ჯარებმა ჩხალთაში სეპარატისტების დროშა ააფრიალეს. მანამდე კოდორის ხეობა ჯერ მოხუცებმა და ბავშვებმა დატოვეს, მოგვიანებით კი, იქაურობას ყველა სვანი გაეცალა. უკვე ორი წელია, ზემო აფხაზეთი ოკუპანტების ამარაა დარჩენილი. კოდორელი სვანები კი, დღეს მხოლოდ მოგონებებით ცხოვრობენ.

დევნილების ახლადგარემონტებული შენობის სარდაფში წყალი დგას

რუსთავში ლომურის ქ.#6-ში მცხოვრებ დევნილებს ოთხსართულიანი შენობა გაურემონტეს. გამოცვალეს კარ-ფანჯრები, კოსმეტიკურად შეაკეთეს  შენობა გარედან, ოჯახებს ინდივიდუალურად მოუწყვეს საპირფარეშოები. ეზოში ბავშვების გასართობი საქანელები დადგეს. შენობა ვარდისფრად შეღებეს. მოკლედ, თამამად შეიძლებოდა გვეთქვა, რომ დევნილებს ადამიანური ცხოვრების პირობები შეექმნათ, რომ არა თითქმის ნახევარ მეტრ სიმაღლეზე დაგუბებული წყალი, რომელიც განახლებული შენობის სარდაფში დგას.

„სამშობლოდან“ გამოსახლებული დევნილები მოთხოვნას არ ცვლიან

196 პოლიციელი 84 დევნილზე

გურჯაანში, კურორტ „ახტალის“ კორპუსებში მცხოვრები აფხაზეთიდან დევნილები გამოასახლეს. გამოსახლებაში მონაწილეობას კახეთის თითქმის ყველა რაიონის პოლიცია იღებდა, სულ 196 პოლიციელი. გამოსახლებას კახეთის პოლიციის უფროსი დავით ქოქიაშვილი ხელმძღვანელობდა. პოლიციის თანამშრომლებმა დევნილების ლეიბები, კარადები და სხვა საგნები პირდაპირ სართულებიდან გადმოყარეს. დევნილები ლტოლვილთა და განსახლების სამინისტროს მიერ შეთავაზებულ საცხოვრებელში გადასვლას არ აპირებენ.

„დაგვემუქრნენ, სპეცრაზმით გაგათრევთო“

ინფორმაციის დამალვის სამინისტრო

ეკომიგრანტები დამეწყრილ აჭარაში გარბიან

„მაღალმთიან აჭარაში მეწყერმა სახლი დამინგრია. 700 კილომეტრიდან წამოგვიყვანეს და აქაც დანგრეულ სახლში შემასახლეს. მახსოვს, ღამით მოგვიყვანეს და ვერაფერს ვარჩევდით, შუქი არ იყო. დაგვპირდნენ, ევრორემონტიანი სახლები გექნებათო, მაგრამ ჩემს სახლს იატაკიც არა აქვს და კედლებიც ინგრევა. ორი დღის წინ იატაკი ჩატყდა და საწოლიანად პადვალში ჩავვარდი, სიკვდილს ძლივს გადავურჩი“, - ამბობს ეკომიგრანტი ჟუჟუნა გოგიტიძე, რომელიც ახლა ახმეტის რაიონის სოფელ ქორეთში ცხოვრობს.

„ჩვენ აქ დავრჩებით და ასე უფრო შევინარჩუნებთ ახალგორს, ვიდრე წეროვანში უქმად ჯდომით და სააკაშვილისთვის ტაშის დაკვრით“

უკაცრიელი, აბალახებული შარა-გზები... ბოქლომებით ჩაკლიტული სახლები და ირგვლივ გამეფებული სიცარიელე... ერთ დროს ხმაურიან-აჟრიამულებულ ახალგორში ახლა სიხალვათე და მოწყენილობაა. მიუხედავად იმისა, რომ აქ თითქმის ვერსად დაინახავთ სამხედრო ტექნიკას ან ავტომატმომარჯვებულ სამხედროებს, ახალგორის ქუჩებში ისეთი სიწყნარე შეგეჯახებათ, თავდაპირველად, შესაძლოა, შეგეშინდეთ კიდეც.