02:08, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მართლმსაჯულება

აირჩიეთ წელი: 2019 2018 2017 2016 2015 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2009-06-30
„ლომიძე ადვოკატის გარეშე დაკითხეს და აღიარება ზეწოლით მიიღეს“
შს კახეთის სამხარეო მთავარი სამმართველოს გამომძიებლებმა რესპუბლიკური პარტიის წევრის და „ალიანსი საქართველოსთვის“ ყვარლის რაიონული შტაბის უფროსის, ვანო ლომიძის მიმართ გამოძიება დაასრულეს. ლომიძეს ბრალი ცრუ დასმენასა და თაღლითობის მომზადებაში ედება, რაც 8 წლამდე თავისუფლების აღკვეთას ითვალისწინებს. წინასწარი გამოძიების დროს ლომიძემ დანაშაული აღიარა. მან განაცხადა, რომ საკუთარი ავტომანქანა პიარის მიზნით დაწვა, თუმცა ჩვენთვის ცნობილი გახდა, რომ ლომიძე ამჟამად დანაშაულს არ აღიარებს და ამის შესახებ განცხადების გაკეთებას სასამართლო პროცესზე გეგმავს. ბრალდებულის ადვოკატი ვაჟა ვარადაშვილი ვარაუდობს, რომ გადაწყვეტილების შეცვლის მიზნით, მისი დაცვის ქვეშ მყოფზე, შესაძლოა, ზეწოლა მანამდე განხორციელდეს, სანამ ყვარლის სასამართლო მის საქმეს განიხილავს.

2009-06-26
კოტე კაპანაძე ოპოზიციის მხარდაჭერისათვის იდევნება
შემოსავლების სამსახურის საგამოძიებო დეპარტამენტის კახეთის სამმართველოს თანამშრომლებმა საბაჟო-გამშვები პუნქტი „სამთაწყაროს“ უფროსი ინსპექტორი კოტე კაპანაძე დააკავეს. კახეთის საოლქო პროკურატურა კაპანაძეს, 2007 წელს, თელავის საგადასახადო ინსპექციაში მუშაობის დროს, სახელმწიფოსთვის 208 ათასი ლარის ოდენობის ზიანის მიყენებაში ადანაშაულებს. კაპანაძეს თელავის რაიონულმა სასამართლომ აღკვეთის ღონისძიების სახით გირაო შეუფარდა, 20 ათასი ლარის ოდენობით. ბრალდებულის განცხადებით, ის და მისი ოჯახი ოპოზიციის მხარდაჭერის გამო იდევნება.

2009-06-25
ყოფილი დირექტორი განაჩენის მოლოდინში
ბათუმის წყალკანალის ყოფილი დირექტორი - ვლადიმერ მიქელაძე გაწეული სამუშაოებისთვის 2007 წლის ივლისში ქების სიგელით დააჯილდოვეს. ჯილდოს მიღებიდან ერთ თვეში კი მის მიმართ სამართალდამცავებმა სისხლის სამართლის საქმე აღძრეს. ბრალდების მტკიცებით, ვლადიმერ მიქელაძემ იცოდა წყლის დაბინძურების შესახებ და მოსახლეობას ინფორმაცია არ მიაწოდა, ანუ ადამიანების სიცოცხლე საფრთხეში ჩააგდო.

2009-06-24
16 წლის მოზარდს დანაშაულის აღიარებას მუქარით აიძულებენ
14 ივნისს, გორში, პოლიციელებმა 16 წლის მოზარდი, დავით გორდელაძე დააკავეს. მას ბრალი ქურდობაში ედება, როგორც თვითონ ამბობს უსაფუძვლოდ. გორდელაძე ამბობს, რომ ძალოვნები მისგან აღიარებითი ჩვენების მიღებას მუქარის გზით ცდილობდნენ. გორში სახალხო დამცველის წარმომადგენელი ნინო დალაქიშვილი ირწმუნება, რომ მოზარდის დაკავების დროს ძალოვნებმა კანონის მრავალი ნორმა დაარღვიეს.

2009-06-23
უკრაინელ მოქალაქეს თბილისის საქალაქო სასამართლომ 23 წლით პატიმრობა მიუსაჯა
უკრაინელ მოქალაქე ორესტო ბოხონკოს, თბილისის საქალაქო სასამართლომ 18 ივნისს, 23 წლით თავისუფლების აღკვეთა შეუფარდა. საქართველოში სტუმრად ჩამოსულ ბოხონკოს, ნარკოტიკების შეძენა-შენახვა და ქვეყნის საზღვრების შიგნით, უკანონოდ შემოტანა ედება ბრალად.
2009-06-23
ოპოზიციის წარმომადგენლებს ხობშიც დევნიან
„კონსერვატიული პარტია“, იოსებ ქებურიას დაკავებას აპროტესტებს და ხელისუფლებას ოპოზიციის პოლიტიკური ნიშნით დევნაში ადანაშაულებს. 
 
ქებურია ოფიციალური ინფორმაციით, 17 ივნისს, ხობში, ქუჩაში გააჩერეს და ნარკოტიკის შენახვა-მოხმარების გამო დააპატიმრეს.
2009-06-22
ძალოვნებმა დაკავებულთა დედების განცხადებაც კი არ ჩაიბარეს
დღეს თბილისის პოლიციის მთავარ სამმართველოსთან დაკავებული ახალგაზრდების დედებმა აქცია გამართეს. მათ აქციის მსვლელობის დროს მიიღეს გადაწყვეტილება შსს დროებითი მოთავსების #2 იზოლატორის უფროსის ვალერი კაკაურიძის სახელზე განცხადება დაეწერათ. თუმცა მათი განცხადება შინაგან საქმეთა პოლიციის მთავარი სამმართველოს კანცელარიაში არ ჩაიბარეს.

2009-06-19
სასამართლო ჟურნალისტების დარბევის საქმეს არ იხილავს
14 ივნისს საქართველოს პრეზიდენტი მიხეილ სააკაშვილი საპარლამენტო უმრავლესობას შეხვდა. შეხვედრის დროს პრეზიდენტი პოლიციელების მიერ ჟურნალისტებისთვის მუშაობაში ხელშეშლის ფაქტებსაც შეეხო და განაცხადა, რომ შენიშვნა მისცა სამართალდამცავებს, არავითარ შემთხვევაში არ შეზღუდონ ჟურნალისტების მუშაობა. პრეზიდენტის ამ გამოსვლის შემდეგ დაზარალებულ, ნაცემ ჟურნალისტებს ბოდიში სხვა ჩინოვნიკებმაც მოუხადეს. შს სამინისტრომ კი პოლიციის სამ თანამშრომელს უფლებამოსილება შეუჩერა. მიუხედავად იმისა, რომ ჟურნალისტებისთვის პროფესიული მოვალეობის შესრულებაში უკანონოდ ხელშეშლა კანონით დასჯადია, სისხლის სამართლის პასუხისგებაში ამ დრომდე არცერთი სამართალდამცავი არ მიუციათ.
2009-06-19
გორში კიდევ ერთი აქცია გაიმართება
"ალიანი საქათვლოსთვის" წევრის ზაალ გუდაძის და ამავე პარტიის მხარდამჭერი თამაზ ტლაშაძის და დაკავების გამო, გორში, დღეს 16 საათზე მორიგი საპროტესტო აქცია გაიმართება. “ალიანსის” წევრები აქციის გამართვას გორის თეატრის ეზოში აპირებენ. ადგილობრივი ორგანიზაციის წევრები იმედოვნებენ, რომ აქციას თბილისიდან შეუერთდებიან თანაპარტიელები თინა ხიდაშელი და დავით  ბერძენიშვილი.
2009-06-16
თავდასხმა მედიაზე
გუშინ პოლიციის მთავარ სამმართველოსთან მომხდარი ინციდენტის შედეგად აქციის მონაწილეებთან ერთად ჟურნალისტებიც დაზარალდნენ. დაზარალებული ჟურნალისტები ყვებიან, რომ ძალოვნები მიზანმიმართულად სდევნიდნენ მედიის წარმომადგენლებს და განსაკუთრებული სისასტიკით „ნადირობდნენ“ მათზე, რათა არ დარჩენილიყო დარბევის ამსახველი კადრები თუ ფოტომასალა. ამ მოტივის დამაჯერებლობაზე მეტყველებს ისიც, რომ შინაგან საქმეთა სამინისტროს მიერ მოგვიანებით დაბრუნებული ფოტო და ვიდეო კამერებიდან დარბევის ამსახველი კადრები წაშლილი იყო.

2009-06-16
გორში პოლიტიკური დაჭერები გრძელდება
გუშინ ღამის 11-დან 12 საათამდე "ალიანსი საქართველოსთვის" წევრი ზაალ გუდაძე და ამავე ალიანსის აქტიური მხარდამჭერი თამაზ ტლაშაძე დააკავეს. “ალიანსის” გორის ორგანიზაციის ხლმძღვანელი დავით რაზმაძე აცხადებს, რომ ზაალ გუდაძეს, ხელყუმბარები "აღმოუჩინეს", ხოლო თამაზ ტლაშაძეს სუბოტექსის ნატეხზე ედავებიან, თუმცა სუბოტექსის ნატეხი მტკიცებულებად საქმეში ჯერ არ დევს.

[1] 2
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC