პორტალი ადამიანის უფლებების შესახებ

ადამიანის უფლებათა ცენტრს რუსთავის მე-16 სასჯელაღსრულების დაწესებულების პატიმართა ახლობლები დაუკავშირდნენ. მათი თქმით, მე-16 საპყრობილის პატიმრებმა კოლექტიური წერილი მოამზადეს და გადასცეს სახალხო დამცველის აპარატს. წერილს 1 500-ზე მეტი პატიმარი აწერს ხელს და მათი თხოვნაა, წერილი გახდეს საჯარო და გამოქვეყნდეს.

28 სექტემბერს ადამიანის უფლებათა ცენტრმა განცხადებით მიმართა საქართველოს მთავარ პროკურორს, მურთაზ ზოდელავას და სასჯელაღსრულების, პრობაციის და იურიდიული დახმარების მინისტრს, გიორგი ტუღუშს. ადამიანის უფლებათა ცენტრი ზოდელავას და ტუღუშს ატყობინებს, რომ იგი იცავს მსჯავრდებულებს, რომელთა მიმართაც სასჯელაღსრულებით დაწესებულებებში განხორციელდა წამება, არაადამიანური მოპყრობა.

21 სექტემბრიდან 26 სექტემბრის ჩათვლით, პოლიციის თანამშრომლებმა კახეთში კოალიცია „ქართული ოცნების“ 14 აქტივისტი დააკავეს. დაკავების მიზეზი ძირითადად „ქართული ოცნებიდან“ მაჟორიტარი დეპუტატობის კანდიდატების საარჩევნო პლაკატების გაკვრა გახდა. სასამართლომ 12 აქტივისტს პატიმრობა შეუფარდა. უმეტეს შემთხვევაში პატიმრობის ვადა 40–დან 60 დღემდე მერყეობს.

უმუშევრობა, ჯანდაცვის სფეროში არსებული პრობლემები, განათლება, შიდა გზების პრობლემები, სოციალური დაცვა, კომუნალური გადასახადები, წყალმომარაგება - ეს ის აქტუალური პრობლემებია, რაც მოსახლეობას ყველაზე მეტად აწუხებს. საქართველოს ახალგაზრდა იურისტთა ასოციაციის ქუთაისის ფილიალი   პროექტის „ჩემი ხმა პარლამენტში“ ფარგლებში პირველადი კვლევის შედეგებს აქვეყნებს.

საფრანგეთის საგარეო საქმეთა სამინისტრომ 25 სექტემბერს განაცხადა, რომ საქართველოს ხელისუფლების მიერ „ქართველ ოპოზიციონერსა და საფრანგეთში მოქმედ ქართული წარმომავლობის კრიმინალურ ჯგუფებს“ შორის შესაძლო გარიგებაზე მასალების გამოქვეყნებას, რისი ნებართვაც ფრანგულ მხარეს არ გაუცია, „შეუძლია არჩევნების ნორმალურად ჩატარებაზე იმოქმედოს“.

23 სექტემბერს ფოთში „ქართული ოცნების“ ორი აქტივისტი - გიზო ცაცუა და გოდერძი შონია პოლიციამ ადმინისტრაციულ სამართალდარღვევის ბრალდებით დააკავა. დაკავების ფაქტთან დაკავშირებით „ქართული ოცნების“ ფოთის მაჟორიტარობის კანდიდატმა, ეკა ბესელიამ საგანგებო ბრიფინგი გამართა, სადაც ხელისუფლების მხრიდან დაგეგმილ პროვოკაციებზე ისაუბრა.

„ქართული ოცნების“ წევრებსა და მხარდამჭერებს მთელი ქვეყნის მასშტაბით იჭერენ. ამის გამო „ქართული ოცნების“ მხრიდან კეთდება განცხადებები, რომ ხელისუფლებას ვითარების დაძაბვა სურს. ამ მოსაზრებას ექსპერტთა დიდი ნაწილიც იზიარებს და არ გამორიცხავენ, რომ ხელისუფლების მიზანი არჩევნების გადადება იყოს.

სასჯელაღსრულების, პრობაციისა და იურიდიული დახმარების ახალი მინისტრის, გიორგი ტუღუშის ინიციატივით, დღეს ჟურნალისტები, მათ შორის „ინტერპრესნიუსის“ კორესპონდენტი გლდანის #8 სასჯელასღრულების დაწესებულებაში იმყოფებოდნენ.