პორტალი ადამიანის უფლებების შესახებ

პატიმართა წამება და ცუდი მოპყრობა საქართველოში მთავრობის შეცვლამდე, ხარვეზები კანონის უზენაესობაში და სასამართლო დამოუკიდებლობის ნაკლებობა, ასევე შეკრებისა და გაერთიანების თავისუფლების უფლების შელახვა, კერძოდ, ოპოზიციისთვის, აშშ–ის სახელმწიფო დეპარტამენტის მიერ 19 აპრილს გამოქვეყნებულ ადამიანის უფლებათა შესახებ ყოველწლიურ ანგარიშში იმ ყველაზე მნიშვნელოვან პრობლემებად არის დასახელებული, რასაც 2012 წელს ჰქონდა ადგილი.

საქართველოს მართლმადიდებლური ეკლესიის ბათუმისა და ლაზეთის ეპარქია ციხისძირში სამხედროებსა და ადგილობრივებს შორის მომხდარი ინცინდენტის გამო მწუხარებას გამოთქვამს. განცხადებას, რომელიც ეპარქიის ოფიციალურ ვებგვერდზე განთავსდა.

გორის რაიონული სასამართლოს ყოფილმა მოსამართლემ ქართლოს სულაბერიძემ 4 წლიანი პატიმრობა თითქმის სრულად  2012 წლის ბოლოს  მოიხადა.  ვარდების რევოლუციის შემდეგ ის ორჯერ დააპატიმრეს. პირველად სამსახურებრივი გულგრილობის, მეორედ კი,  მოწმის  მოსყიდვისთვის.

ზურაბ გიგუაშვილის წინააღმდეგ სასამართლო პროცესი შეწყდა.  16 აპრილს გამართულ სასამართლო სხდომაზე  პროკურატურამ ბრალდებაზე უარი განაცხადა და დააყენა შუამდგომლობა, გიგუაშვილის წინააღმდეგ  საქმის გამოთხოვის შესახებ. მოსამართლემ ბრალდების მხარის შუამდგომლობა დააკმაყოფილა.

ყოფილი თავდაცვისა და შინაგან საქმეთა მინისტრის, ბაჩო ახალაიას სასამართლო სხდომაზე ბრალდებამ ერთ-ერთი მთავარი მოწმე, ყოფილი სამხედრო მოსამსახურე დათუაშვილი დაკითხა.  მოწმე იმ ეპიზოდზე საუბრობდა, სადაც ბაჩო ახალაიას და მასთან ერთად ბრალდებულ კიდევ რამდენიმე პირს, გამოძიება წამებისა და არაადამიანური მოპყრობის მუხლით ედავება.

დაცვის მხარის განცხადებით,   იუსტიციისა და განათლების ყოფილი მინისტრის, ნიკა გვარამიას და ენერგეტიკის ყოფილი მინისტრის ალექსანდრე ხეთაგურის სასამართლო სხდომაზე დაიკითხული მოწმეების ჩვენებები არ ადასტურებენ მათი დაცვის ქვეშ მყოფთა ბრალეულობას.  ბრალდების მხარე კი, აცხადებს, რომ მათი მოწმეები სწორედ  ბრალდებულთა დანაშაულს ადასტურებენ.

12 აპრილს ყოფილი თავდაცვის მინისტრის დავით კეზერაშვილის სასამართლო სხდომაზე მხარეებმა თავიანთი შესავალი სიტყვები წარმოადგინეს. გამოძიება კეზერაშვილს  ქრთამის აღებას  და ორგანიზებული ჯგუფის წევრობას ედავება. ბრალდებული სასმარათლო სხომებზე არ ცხადდება და მასზე ძებნაა გამოცხადებული.

საკონსტიტუციო სასამართლომ დააკმაყოფილა ადამიანის უფლებათა ცენტრის მიერ მომზადებული სარჩელი  „საქართველოს საარჩევნო კოდექსის“ 116-ე მუხლის მე-7 ნაწილის ერთ-ერთი სადავო დებულების არაკონსტიტუციურად ცნობის შესახებ.