ლტოლვილები / დევნილები

აირჩიეთ წელი

აირჩიეთ თვე

დევნილების გარემონტებული საცხოვრებელი იტბორება

29 ოქტომბერი, 2010

„ვიცი, როცა ჩემი გვარ-სახელი მედიაში კვლავ გაჟღერდება, იკითხავენ - ეს კაცი კიდევ არ მომკვდარა, ცოცხალიაო? ამას იმიტომ იტყვიან, რომ ამ შენობაში შემოსახლების დღიდან, სულ ერთსა და იმავე პრობლემებზე ვსაუბრობ და დახმარებას ვითხოვ. რა ვქნა, ის პრობლემები, რაზეც მე და ჩემი მეზობლები დღეს გესაუბრებით, ახალი არაა. 2009 წლის აგვისტოს შემდეგ ჩვენთან ვითარება უფრო გაუარესდა და რა დღეშიც ვართ, ალბათ ხედავთ“, - ასე დაიწყო საუბარი „ადამიანის უფლებათა ცენტრთან“ აფხაზეთიდან დევნილმა ვაჟა მონიავამ.

ჩინოვნიკების უგულისყურობამ დევნილი თვითმკვლელობის მცდელობამდე მიიყვანა

28 ოქტომბერი, 2010

27 ოქტომბერს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წინ აფხაზეთიდან დევნილმა ნანა ფიფიამ ბენზინი გადაისხა და თვითმკვლელობა სცადა. ის ამჟამად დამწვრობის ეროვნულ ცენტრში იმყოფება და როგორც ექიმები ამბობენ, ამ ეტაპზე პროგნოზის გაკეთება რთულია. დევნილს სხეულის 30 პროცენტზე მეტი აქვს დამწვარი, რაც მე-2 მე-3 ხარისხის დამწვრობად ითვლება.

დევნილებმა ხმა ვერავის მიაწვდინეს

27 ოქტომბერი, 2010

ხობში სახოკიას ქ.#12 „შარაგზამშენი 1“-ის შენობაში აფხაზეთიდან დევნილი რვა ოჯახი 1994 წლიდან ცხოვრობს. შენობა ავარიულია, სახურავი დაზიანებულია და ოთახებში წვიმის დროს წყალი ჩადის. კედლები დაბზარულია და ნესტიანი. მაცხოვრებლები საკუთარი ხარჯებით ვერ ახერხებენ სახურავის გარემონტებას და ზამთარს შიშით ელოდებიან. ისინი ადგილობრივი ხელისუფლებისგან ელემენტარულ ყურადღებას ითხოვენ.

კობა სუბელიანს „თავისუფალი დემოკრატები“ მინისტრისთვის შესაფერისი უნარ-ჩვევების შესწავლას ურჩევენ

26 ოქტომბერი, 2010

თინა ხიდაშელი: „დევნილებს 28-ლარიანი დახმარება მოუხსნეს“

26 ოქტომბერი, 2010

დევნილებს ახლადგარემონტებულ ბინებში წყალი ჩასდით

22 ოქტომბერი, 2010

ხონში ე. წ. სამხედრო დასახლების ტერიტორიაზე კომპაქტურად ჩასახლებული 1500-მდე დევნილი ცხოვრობს. აქ 17 ოთხსართულიანი ბინა დგას, რომელთა სარემონტო სამუშაოები 2008 წლის მარტში დაიწყო. სამუშაოს დამკვეთი მუნიციპალური განვითარების ფონდია. შესასრულებელ სამუშაოზე ტენდერი სამმა სამშენებლო კომპანიამ მოიგო. სამშენებლო კომპანია „აქსისმა“ 4 ბინის შეკეთებაზე აიღო პასუხისმგებლომა, შპს „დაგმა“ - ხუთზე, ხოლო „ნიუ ენერჯის“ 8 კორპუსი უნდა გაერემონტებინა. სამივე სამშენებლო კომპანია თბილისშია რეგისტრირებული და სათაო ოფისებიც თბილისში აქვთ. ხონში მიმდინარე სამუშაოებს მათი წარმომადგენლები მეთვალყურეობდნენ.

დევნილი მოხუცი სამშენებლო კომპანიას ელექტროენერგიის მოპარვაში ადანაშაულებს

21 ოქტომბერი, 2010

ქალაქ გორში ცხინვალის გზატკეცილზე სტუდბინაში მცხოვრები სამაჩაბლოდან 90-იან წლებში დევნილი, მარტოხელა 81 წლის სიმონ ფეხშველაშვილი, ელექტროენერგიის გარეშე ცხოვრობს. მეორე სართულზე მდებარე მისი ბინიდან მეზობლის ბინაში პირველ სართულზე წყალიც ჩადის.

„ერთადერთი გზა დაგვრჩა: აქ უნდა ვიდგეთ, ვიწვეთ, ვიფორთხოთ და მოვითხოვოთ“ - აფხაზეთიდან დევნლები ისევ ღია ცის ქვეშ არიან

21 ოქტომბერი, 2010

ღია ცის ქვეშ გაშლილი კარვები... კარვებიდან მოხუცები თვალცრემლიანი, უიმედო სახეებით იყურებიან. ზოგიერთიდან ჩვილი ბავშვის ტირილიც ისმის. კარვებში ქვეშაგები ისე საგულდაგულოდ ჩაუგიათ, თითქოს ადგილიდან ფეხის მოცვლას კარგა ხანი არ აპირებენ... ასეც ამბობენ. ეს რეპორტაჟი 19 ოქტომბერს ოკუპირებული ტერიტორიებიდან დევნილთა, ლტოლვილთა და განსახლების სამინისტროს შენობასთან მიმდინარე საპროტესტო აქციიდან მოვამზადეთ.

დევნილებს საცხოვრებლების რეაბილიტაციის ხარისხი არ აკმაყოფილებთ

15 ოქტომბერი, 2010

დონორთა კონფერენციის შედეგად, საქართველოსთვის გამოყოფილი 4.55 მილიარდი აშშ დოლარიდან დევნილების დროებით საცხოვრებელი სახლების შეკეთება-რეაბილიტაციას 81,9 მილიონი ლარი უნდა მოხმარებოდა. დევნილთათვის გამოყოფილი ფართების გასარემონტებლად სამშენებლო ფირმები ტენდერის გზით შეარჩია „საქართველოს მუნიციპალური განვითარების ფონდმა“. როგორც მთელ საქართველოში, სამეგრელოს რეგიონშიც დევნილთა პრობლემები უსასრულოა და არ მთავრდება.

5 ათასზე მეტი დევნილის გამოსახლება საერთაშორისო ნორმების დარღვევით განხორციელდა

12 ოქტომბერი, 2010

ზაფხულში ჩასახლების ობიექტებიდან 5000-ზე მეტი დევნილის გამოსახლება საქართველოს და საერთაშორისო სამართლის ნორმების დარღვევით განხორციელდა. ზოგ შემთხვევაში ალტერნატიული თავშესაფარი ნორმალური ცხოვრების მინიმალურ მოთხოვნებს არ აკმაყოფილებდა. გამოსახლებულთა შორის იყვნენ ისეთებიც, ვისაც ახალი საცხოვრებელი ან კომპენსაცია საერთოდ არ შესთავაზეს.

ფოცხოეწერის მდგმურები შველას ითხოვენ

7 ოქტომბერი, 2010

აფხაზეთიდან დევნილი მადონა ვეკუა თბილისში, დევნილთა კომპაქტურად ჩასახლების შენობაში ცხოვრობდა. ორი თვის წინ ის კიდევ ერთხელ იქცა დევნილად - ოკუპირებული ტერიტორიებიდან დევნილთა, ლტოლვილთა და განსახლების სამინისტრომ ე.წ. „ზაკვოს“ შენობიდან სამეგრელოში ფოცხოეწერის დასახლებაში გადაასახლა. მადონა ვეკუა ჯანმრთელობას უჩივის. ფოცხოეწერში კი მკურნალობის არანაირი პირობა არ არსებობს. იქ საავადმყოფოც კი არ არის.

სკოლის სასადილო და საქვაბე დევნილებიანად გაყიდეს

6 ოქტომბერი, 2010

სენაკში ყოფილი სკოლა-ინტერნატის შენობაში, სახელწიფო სტრატეგიიდან გამომდინარე, კომპაქტურ ცენტრებში ჩასახლებულ დევნილთა საცხოვრებელი სახლების საკუთრებაში გადაცემა და რეაბილიტაცია დაიწყო. თუმცა, აღმოჩნდა, რომ იქვე, სკოლის ყოფილ სასადილოსა და საქვაბეში ჩასახლებული დევნილების საცხოვრებელ ფართს არ გაარემონტებდნენ. ეს ფართი კერძო საკუთრებაში ყოფილა.

სამადლოდ დაბინავებულ დევნილებს ელექტროენერგიას გაუთიშეს და საცხოვრებლიდან გამოსახლებით ემუქრებიან

5 ოქტომბერი, 2010

ხელისუფლების სტრატეგიით, საცხოვრებელდაკარგულ დევნილებს ახალ საცხოვრებელ ადგილებში ათავსებენ. ამ მიზნით სპეციალური მრავალსართულიანი სახლები ფოთშიც შენდება. ახალი სახლების ექსპლუატაციაში შესვლამდე ქალაქის მთავრობამ რამდენიმე ოჯახს უკვე გამოუყო საცხოვრებელი ადგილი. ეს არის გორგასალის ქუჩაზე #5/38 –ში არსებული ერთ-ერთი მრავალსართულიანი სახლი, რომლის აშენება ჯერ კიდევ კომუნისტების პერიოდში დაიწყო და კოოპერატიული ბინა ერქვა. ხსენებული სახლი წლების განმავლობაში უპატრონოდ იყო დატოვებული კარკასის სახით. საბჭოთა ეპოქა ისე დამთავრდა, სახლს აშენება არ ეღირსა.

სად ვიცხოვროთ? - ახალგორელების დილემა

5 ოქტომბერი, 2010

ახალგორის რაიონში 2008 წლის აგვისტოს ომამდე დაახლოებით 7700 ადამიანი ცხოვრობდა. საომარი მოქმედებების შედეგად რაიონი რუსეთის საოკუპაციო ჯარებმა დაიკავეს, თუმცა სამხრეთ ოსეთის ყოფილი ავტონომიური ოლქის სხვა რაიონებისგან განსხვავებით, ახალგორში მასობრივი ეთნიკური წმენდა არ მომხდარა. ამჟამად ახალგორზე „ოკუპირებული ტერიტორიების შესახებ საქართველოს კანონი“ ვრცელდება და კანონის მოქმედების ვადით იქ საგანგებო მდგომარეობის რეჟიმია გამოცხადებული.