პორტალი ადამიანის უფლებების შესახებ
ლტოლვილები / დევნილები
2008-12-22
დევნილი ბავშვები ტყეში იყინებიან
ოფიციალური მონაცემებით, ამ დროისთვის კახეთში შიდა ქართლიდან და ცხინვალის რეგიონიდან დევნილი 200-მდე ადამიანი ცხოვრობს. აქედან 120-ზე მეტი დევნილი ლაგოდეხში, თელავსა და საგარეჯოში გაუქმებული საგანმანათლებლო დაწესებულებების შენობებში შეასახლეს. გაეროს სასურსათო პროგრამით გათვალისწინებული მწირი დახმარება მხოლოდ კომპაქტურად ჩასახლებულ დევნილებს ეძლევათ. ნათესავებთან და მიტოვებულ სახლებში მცხოვრებ იძულებით გადაადგილებულ პირებს კი ხშირად პურიც არ აქვთ.2008-12-11
კოტეჯი სტატუსის სანაცვლოდ?
აგვისტოს ომის შედეგად დევნილებს სტატუსი დღემდე არ მინიჭებიათ. მეტიც, დევნილებში ვრცელდება ინფორმაცია, თითქოს მათ, ვისაც საკუთრებაში საცხოვრებელ ფართს გადასცემენ, სტატუსს არც მომავალში მისცემენ. 2008-12-05
აფხაზეთიდან დევნილები „ენერგოპროჯორჯიას“ წინააღმდეგ გამოდიან
ზუგდიდის #10 საბავშვო ბაღის, რკინიგზელთა სახლისა და ე.წ. დო-რესტორნის შენობებში კომპაქტურად ჩასახლებულ დევნილებს 6 თვეა რაც ელექტროენერგია არ მიეწოდებათ. დენის გათიშვის მთავარ მიზეზად გახარჯული ელექტროენერგიის საფასურზე არსებული დავალიანება სახელდება. თუმცა, რატომ ეძებს „ენერგოპროჯორჯია“ ამ თანხებს დევნილ მოსახლეობაში, ჯერჯერობით გაურკვეველია, რადგან ელექტროენერგიის საფასურს ლტოლვილთა და განსახლების სამინისტრო იხდის. დევნილთა რეგიონალურ სამსახურში კი აცხადებენ, რომ ელექტროენერგიის გათიშვა დევნილთა გადამისამართებამ გამოიწვია და არანაირი დავალიანება არ არსებობს.2008-11-21
ვის უფრო სჭირდება ფინანსური მხარდაჭერა-უმწეოებს თუ პოლიციას?!
ზუგდიდის მუნიციპალიტეტის ადგილობრივი ბიუჯეტის ხარჯვით ნაწილში არსებული ხარვეზები შესაძლოა გამგებლის, ალექსანდრე ქობალიას იმპიჩმენტის მიზეზი გახდეს. ეს მხოლოდ იმ შემთხვევაში მოხდება, თუ კი მუნიციპალიტეტის საკრებულოს ნება-სურვილს პოლიტიკური ნებაც მოჰყვება. ეს უკანასკნელი კი პირდაპირ საქართველოს პრეზიდენტზეა დამოკიდებული, რომელმაც პოლიტიკური ხელშეუხებლობის გარანტია ქობალიების „პოლიტიკურ ოჯახს“ დიდი ხნის წინ მისცა. რაიონის მუნიციპალიტეტის გამგეობასა და საკრებულოს შორის არსებულ ფარულ დაპირისპირებას, პირველ რიგში, სოციალურად დაუცველი ადამიანები ეწირებიან, რომელთა დაცვისათვის ადგილობრივი ბიუჯეტიდან ყველაზე მცირე თანხებია გამოყოფილი.2008-11-17
პირობების არარსებობის გამო მოსახლეობა კონფლიქტის ზონის სოფლებს ტოვებს
გორის რაიონის სოფლებში: ზემო და ქვემო ნიქოზში, ქვემო ხვითსა და ერგნეთში მცხოვრებნი დახმარებას ითხოვენ. ადგილობრივებს უსაფრთხოების გარანტიას ვერავინ აძლევს. ამასთან, დაზარალებულების განცხადებით, მათ არც საკვები აქვთ, არც გათბობა და არც სასმელი წყალი. მოსახლეობას იმ თვეებში "მოხმარებული" ელექტროენერგიის გადასახადის გადახდასაც სთხოვენ, მიუხედავად იმისა, რომ ამ დროს ისინი სოფლებში საერთოდ არ ცხოვრობდნენ. 2008-11-17
კნოლევში დევნილებს იძულებით აბრუნებენ
,,ფეხმძიმე ქალმა რა სოფელი უნდა გავამაგრო“
სოფელ კნოლევში დაბრუნებული დევნილები თავს უსაფრთხოდ არ გრძნობენ. მიუხედავად ამისა, მათ სამშვიდობოზე დარჩენის საშუალებას არ აძლევენ. ლტოლვილთა და განსახლების სამინისტროს წარმომადგენლები დევნილებს ამგვარ არჩევანს უყენებენ, ან დაბრუნება, ან კომპაქტურად ჩასახლებულ ადგილებში ჰუმანიტარული დახმარების გარეშე ცხოვრება.2008-11-14
შიდა ქართლის გუბერნატორის დავალებით ჟურნალისტებს სამხარეო ადმინისტრაციის შენობაში არ უშვებენ
შიდა ქართლის სამხარეო ადმინისტრაციის შენობაში ჟურნალისტებს შეურაცხყოფა მიაყენეს. დაცვის პოლიციის თანამშრომლების გაღიზიანება, მედიის წარმომადგენლების მოთხოვნამ გამოიწვია - განემარტათ, რატომ არ აქვთ მოქალაქეებს სამხარეო ადმინისტრაციის და გორის რაიონის გამგეობის შენობაში შესვლის უფლება სპეციალური ნებართვის გარეშე. „ბოზიშვილებო“, „თქვენი დედა ....“, - უცენზურო სიტყვებით გინებასთან ერთად, დაცვის პოლიციის ერთ–ერთი თანამშრომელი კორესპონდენტების საცემადაც იწევდა. მან აღნიშნა, რომ დაუპატიჟებელ სტუმრებთან ამგვარად მოქცევის შესახებ დავალება, მათი გაგდების მიზნით, რეგიონის და რაიონის ხელმღვანელობისგან აქვთ მიღებული. 2008-11-13
ელექტროენერგიის გარეშე დარჩენილი შიდა ქართლის სოფლები დენის საფასურის გადახდას მთავრობას სთხოვს
2008-11-12
სამინისტრო იძულებით გადაადგილებულ პირებს დევნილის სტატუსს არ ანიჭებს
აგვისტოს მოვლენების შედეგად შიდა ქართლის და ცხინვალის რეგიონებიდან იძულებით ადგილნაცვალ პირებს გორში, თბილისსა და საქართველოს სხვა ქალაქებში მდებარე კომპაქტურად ჩასახლების ობიექტებში გაუსაძლის პირობებში უწევთ ცხოვრება. ლტოლვილთა და განსახლების სამინისტროს იძულებით გადაადგილებულებისათვის დევნილის სტატუსი ამ დრომდე არ მიუნიჭებია. სამინისტროსა და მის სტრუქტურაში შემავალ ტერიტორიულ ორგანოებში დევნილის სტატუსის მაძიებლებს აგდებით პასუხობენ და განცხადებების რეგისტრაციაზე უარს ეუბნებიან. შესაბამისად, დაზარალებულები კანონით დადგენილი მიზნობრივი სოციალური დახმარებით და სხვა შემწეობებით ვერ სარგებლობენ.2008-11-10
საშიში დაბრუნება
ქარელის რაიონის სოფელი კნოლევი ოსების მიერ კონტროლირებად ზნაურის რაიონს ესაზღვრება. სოფლის ბოლოს კნოლევიდან დაახლოებით 70 მეტრში რუსული ბლოკ პოსტია განთავსებული, ხოლო ერთ მხარეს ტყეებსა და ოსურ სოფლებში ოსი „ბოევიკები“ დგანან. აგვისტოს ომის დროს ოსმა და რუსმა ჯარისკაცებმა კნოლევი, საქართველოს სხვა სოფლებთან ერთად, დაარბიეს. ამის ნაკვალევი დღესაც ადვილად შესამჩნევია. კნოლევის იმ მოსახლეობას, რომელიც რუსულ ბლოკ პოსტთან ახლოს ცხოვრობს სოფელში დაბრუნების დღესაც ეშინია.2008-11-05
დევნილებს სოფლებში დაბრუნებას აიძულებენ
რუსთავის მე-17 პროფესიულ სასწავლებელში განთავსებულ იძულებით გადაადგილებულ პირებს, შენობის დატოვებას 10 ნოემბრამდე აიძულებენ. ქარელის რაიონის სოფელი კნოლევიდან გამოქცეულ დევნილებს დაბრუნების ეშინიათ. მათი თქმით, სოფელში ყოფნა სახიფათოა, რადგან განაღმვითი სამუშაოები ჯერაც არ დასრულებულა. გარდა ამისა, სოფელი კნოლევი ოსების მიერ კონტროლირებად ზნაურის რაიონს ესაზღვრება. 2008-11-04
ლეკები საქართველოში გამორბიან
ბოლო რამდენიმე დღის განმავლობაში დაღესტნიდან კახეთში ათობით ლეკი ჩამოვიდა. ისინი თავს ყვარლის რაიონის ლეკურ სოფლებში მცხოვრებ ნათესავებს და ნაცნობებს აფარებენ. ჩრდილოკავკასიელი ლტოლვილების განცხადებით, დაღესტანში, კერძოდ კი მახაჩკალის რაიონში უაღრესად დაძაბული ვითარებაა. სამხედრო ხელისუფლების ბრძანებით, ადგილობრივი სამართალდამცავები 18-დან 38 წლამდე მამაკაცებს შეიარაღებულ ძალებში მასობრივად იწვევენ, წინააღმდეგობის გაწევის შემთხვევაში კი აკავებენ.2008-10-31
კონფლიქტის ზონაში დაბრუნებული დევნილების უსაფრთხოება დღემდე არ არის დაცული
დაბრუნების იძულება თუ საკუთარი სურვილი?
მოროდიორობის, ადამიანების ცემისა და წამების ფაქტების, ეზოებსა და ბაღებში დატოვებული ნაღმების მიუხედავად, 38 ათასი დევნილი კონფლიქტის ზონაში, საკუთარ სოფლებში მაინც დაბრუნდა. ბევრ მათგანს ბოსლებში ან მეზობლებთან უწევს ცხოვრება, რადგან მათი სახლები დამწვარია. მთავრობა ირწმუნება, რომ დევნილები სოფლებში საკუთარი სურვილით ბრუნდებიან. მათ კი, ვისაც დაბრუნების ეშინია ან სახლი აქვთ დანგრეული, ალტერნატიულ საცხოვრებელ ფართს სთავაზობენ. თუმცა ექსპერტები, რომლებიც ასევე უშუალოდ დევნილებთან მუშაობენ, დაბრუნების სხვა მიზეზებზე საუბრობენ. 2008-10-20
,,გამოყრილი," ,,არამორალური" და ,,გაღორებული" დევნილები
,,გავიდნენ რუსები და მე მოგხედავთ, ხალხო" - ასე თქვა ორჯერ კამერების წინ შიდა ქართლის გუბერნატორმა ლადო ვარძელაშვილმა. კამერების მიღმა კი: - ,,თქვე ღორებო, რით ვერ გაძეხით!" - მიმართა შიდა ქართლის გუბერნატორმა ავნევიდან და ნულიდან დევნილებს. ამ ინციდენტს რადიო ,,ჰერეთის" ჟურნალისტის რომან ქევხიშვილის აუდიოაპარატურა შეეწირა. სახალხო დამცველის ჩარევის შედეგად გუბერნატორმა რომან ქევხიშვილს აპარატურა დაუბრუნა. აუდიომაგნიტოფონში ვარძელაშვილის ყვირილი მშვენივრად ისმის...სხვა სიახლეები
ადამიანის უფლებათა ცენტრისა და სახალხო დამცველის წარმომადგენლებმა არასრულწლოვანი პატიმრების მდგომარეობა შეისწავლეს
სასჯელაღსრულებისა და პრობაციის სამინისტროს მსჯავრდებულის სასარგებლოდ 25 000 ლარის გადახდა დაეკისრა
გორის თვითმმართველობა 13 700 ლარს 43 საჯარო მოხელის კვალიფიკაციის ასამაღლებლად გადაიხდის
ადვოკატ გიორგი მდინარაძის საქმეზე საპელაციო სასამართლოს გადაწყვეტილება პოლიციელთა მხრიდან ძალადობას წაახალისებს
ადამიანის უფლებათა ცენტრის იურისტი ხორავას ქუჩაზე მოკლული არასრულწლოვნების საქმის სასამართლო განხილვას დაესწრება
არქივი
გამოკითხვა
ბლოგი
კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ესვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
რედაქტორის აზრი
ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიანვრცლად...
უიმედოთა სოფელი
რა დაემართა სამართლიანობის აღდგენის ოცნებას
თემები
