პორტალი ადამიანის უფლებების შესახებ

რუსთაველის #28-ში მდებარე მაღაზია "საუნჯე"-ს მფლობელებს ფართი იძულების წესით დააცლევინეს. მართალია, მათ საპროტესტო აქციაც კი გამართეს, თუმცა, უშედეგოდ. საპატრულო პოლიციის გამოძახების შემდეგ თანამშრომლები იძულებელები გახდნენ, ეკონომიკის სამინისტროს მითითება ერთ საათში შეესრულებინათ.

უფლებადაცვითი ორგანიზაციის წარმომადგენლები გარემოს დაცვის ინპექციის კახეთის ბიუროს თანამშრომლებს ადამიანის უფლებების დარღვევაში ადანაშაულებენ. გდი-ის თანამშრომლები გლეხებს ნაყიდ და ნაჩუქარ შეშას თითქმის ყოველდღიურად ართმევენ და სამართალდამრღვევებს სასამართლოს გადასცემენ.

ადიგენის რაიონის სოფელი ხევაშენი წლების მანძილზე სასმელი წყლის გარეშე ცხოვრობს. მოსახლეობამ დასახმარებლად თითქმის ყველა შესაბამის ორგანოს მიმართა. დროთა განმავლობაში დახმარების იმედმა სამთავრობო ორგანიზაციებიდან არასამთავრობო ორგანიზაციებზე გადაინაცვლა, თუმცა ისევ უშედეგოდ.

პარლამენტის აგრალურ საკითხთა კომიტეტის მიერ მომზადებული კანონპროექტით, საძოვრების პრივატიზება შესაძლებელი ხდება. გლეხებს აღნიშნული ინიციატივა არ მოსწონთ, რადგან მათ პრივატიზებისთვის საჭირო თანხა არ გააჩნიათ. თუ ისინი საძოვრების გარეშე დარჩნენ, იძულებულები გახდებიან საქონელი გაწყვიტონ და ბარში გადასახლდნენ.

ბათუმის პორტში, ობიექტის გასხვისების შემდეგ, პირველი დიდი ცვლილება განხორციელდა. გასულ კვირას, პორტის 300 თანამშრომელი, ძირითადად, ადმინისტრაციაში მომუშავე პერსონალი, სამსახურიდან დაითხოვეს.

ჟურნალმა „ეკონომისტი“ მსოფლიოს ქვეყნების დემოკრატიის ინდექსი გამოაქვეყნა. შეფასება 5 კრიტერიუმის მიხედვით მოხდა. ესენია: არჩევნები და პლურალიზმი, მთავრობის ფუნქციონირება, პოლიტიკური აქტივობა, პოლიტიკური კულტურა და სამოქალაქო თავისუფლება. შეფასება ათქულიანი სისტემით წარიმართა. 167 ქვეყნიდან საქართველოს 104 – ე ადგილი უჭირავს.

რამდენიმე დღის წინ ადამიანის უფლებათა ცენტრის ინტერნეტ გაზეთის გვერდებზე, ქ. გურჯაანში მცხოვრები ექვსშვილიანი ოჯახის, ბეგაშვილების გაჭირვების შესახებ, წერილი გამოქვეყნდა. საბედნიეროდ, წერილს დიდი გამოხმაურება მოჰყვა.

შიდა ქართლის მოსახლეობა რკინიგზის დეპარტამენტის უფროსის წინააღმდეგ საპროტესტო აქციებით იმუქრება. ამის შესახებ კასპის და გორის მოსახლეობამ ,,ადამიანის უფლებათა საინფორმაციო და სადოკუმენტაციო" ცენტრს გუშინ აცნობა.

ცხინვალის სახელმწიფო უნივერსიტეტის პროფესორ-მასწავლებლებმა განათლებისა და მეცნიერების მინისტრს ალექსანდრე ლომაიას საპროტესტო ნოტა გაუგზავნეს. დევნილი უნივერსიტეტის 60 - მდე პროფესორ-მასწავლებელი ცხინვალისა და გორის უნივერსიტეტების გაერთიანების იდეის წინააღმდეგ გამოდის. ანალოგიურ პროტესტს გორის უნივერსიტეტშიც გამოთქვამენ.

კასპის რაიონის სოფელ იგოეთის ჰესს აუქციონზე იძულების წესით ჰყიდიან. ამ ფაქტს ჰესის მეპატრონე გელა გურასპაშვილი აპროტესტებს. თუ დათქმულ ვადაში შპს ,,სინათლე” (იგოეთის ჰესი) საგადასახადო ინსპექციის მიერ სახელმწიფოს მიმართ დაკისრებულ დავალიანებას, დაახლოებით 86 000 ლარს არ გადაიხდის, ჰესი აუქციონის წესით გაიყიდება.

ქობულეთის რაიონში მცხოვრებ ნათელა ცეცხლაძეს რუსეთიდან დეპორტაციის დროს, სადგურში ათი წლის შვილი იძულებით დაატოვებინეს. სასოწარკვეთილი დედა პასუხს საგარეო საქმეთა სამინისტროსგან ითხოვს.

ადიგენის რაიონის სოფელ უტყისუბნის მოსახლეობას თხუთმეტი წელია სინათლე არ უნახავს. არა, დღის სინათლე კი უნახავს, მაგრამ ჭერზე, ან კედლებზე ან თუნდაც მაგიდაზე, პატარა თხელი შუშა რომ ანათებს ხოლმე ყვითლად, აი, იმის სინათლე არ უნახავს. ,,ეს ცხოვრება არაა, ეს არსებობაა”, - აცხადებენ ადგილობრივები.

ბათუმში, თურქეთის საკონსულოსთან, თურქეთიდან დეპორტირებული საქართველოს მოქალაქეების აქციები პერმანენტულად მიმდინარეობს. 19 დეკემბერს, საკონსულოსთან, თურქეთიდან დეპორტირებულები კვლავ შეიკრიბნენ და თურქეთის კონსულთან შეხვედრა დეპორტაციის მიზეზებისა და ვადების დაზუსტების მიზნით მოითხოვეს.

გუშინ, ნავთობგადამამუშავებელი ქარხნის 300-მდე თანამშრომელმა ქარხნის ტერიტორიაზე საპროტესტო აქცია გამართა. თანამშრომლების ინფორმაციით, ქარხანა გასხვისებულია, მათ კი სამსახურიდან გათავისუფლებას უპირებენ.

ადიგენის რაიონის სოფელ დერცელის მოსახლეობა ერთი წელია ხელისუფლებისაგან დახმარებას ელოდება. დამეწყრილ ზონაში მოხვედრილი ოჯახები გამუდმებულ შიშში ცხოვრობენ.

მიცვალებულების შემდეგ კახეთში ცოცხალ მეწარმეებს აწიოკებენ. ამჯერად თელავის საგადასახადო ინსპექციამ შეტყობინებები მოქმედ იურიდიულ და ფიზიკურ პირებს დაუგზავნა და საბანკო ანგარიშიდან გადასახადის, საურავისა და ჯარიმის თანხების ჩამოწერის შესახებ აცნობა. კერძო ორგანიზაციების თანამშრომლები წინასაახალწლოდ ხელფასის გარეშე დარჩნენ.

ბათუმში წყლის გადასახადი 65 თეთრით გაიზარდა. იანვრიდან ერთმა ადამიანმა 1.20-ის ნაცვლად, 1.85 თეთრი უნდა გადაიხადოს. გადასახადი მხოლოდ მოსახლეობას მოემატა, ხოლო საბიუჯეტო და კომერციულ ორგანიზაციებს ძველი ტარიფი (საბიუჯეტოს - 3,5 ლარი, კომერციულს - 4 ლარი) შეუნარჩუნდათ.

პატარა ლიახვის ხეობის სოფელ ჭარების მაცხოვრებლებმა შიდა ქართლის ადმინისტრაციას გორში დახმარების სათხოვნელად ჩამოაკითხა. როგორც აღმოჩნდა, გორში მათი ჩასვლა წარუმატებელი გამოდგა, რადგან მათ ვერც ერთი ჩინოვნიკი ნახეს, რომლებიც მათ პრობლემებს გაეცნობოდა.