პორტალი ადამიანის უფლებების შესახებ

2004 წელს ბაქო-თბილისი-ჯეიჰანის მილსადენის სამშენებლო დერეფანმა ახალციხის რაიონის სოფელ კლდის 14-კილომეტრიანი სარწყავი არხი, რომლითაც 375 კომლი მრავალი ათეული წლის განმავლობაში სარგებლობდა, სამ ადგილზე გადაკვეთა და შვიდგან დააზიანა. მოსახლეობის კუთვნილი სახნავ-სათესები, რომლის საერთო ფართი 330 ჰექტარია, სარწყავი არხის გარეშე დარჩა. კლდის მაცხოვრებლების განცხადებით, ბოლო სამი წლის განმავლობაში სოფელში მოსავლიანობამ 90 პროცენტით იკლო.

„ბოდიშის“ კამპანია - მიმართვა აფხაზ ხალხს, რომელიც „ადამიანის უფლებათა ცენტრმა“ დაახლოებით სამი თვის წინ წამოიწყო, საზოგადოების მხრიდან არაერთგვაროვანი რეაქცია მოჰყვა. ქუთაისის მოსახლეობის მნიშვბელოვანი ნაწილი მიესალმა ამ ინიციატივას და ერთი აზრის ირგვლივ გაერთიანდა - „ბოდიში ყოველთვის ამართლებს.“

“ის დღე ცხოვრებაში არ დამავიწყდება. სკოლაში ვიყავით, როცა მიწა იძრა. ყველანი კარისკენ გავქანდით და წამებში ეზოს ერთ კუთხეში მოვიყარეთ თავი. მერე, როცა მიწისძვრა შეჩერდა, ბავშვები ერთმანეთს არც დავმშვიდობებივართ, ისე გავქანდით სახლებისკენ. შინ დაბრუნებულებმა სხავადასხვა, თუმცა, საერთო ჯამში, საშინელი სურათი ვიხილეთ. ჩვენი საცხოვრებლები დანგრეულ-დაბზარული დაგვხვდა,”

უსახსრობის საბაბით რეგიონებში ასობით საბავშვო ბაღის, კულტურისა და წიგნის სახლების დახურვის, უკიდურესად გაჭირვებულთათვის განკუთვნილი ერთჯერადი სოციალური დახმარებების გაუქმების ხარჯზე, მუნიციპალიტეტების საკრებულოების თავმჯდომარეებმა და გამგებლებმა ხელფასები მოიმატეს. საკრებულოს თავმჯდომარის ყოველთვიური ხელფასი 1500, ხოლო გამგებლის 2100 ლარი გახდა.

ძველი თბილისის გამგეობამ ლეონიძის ქუჩაზე მდებარე უფასო სასადილოში თითის ანაბეჭდების სპეციალური აპარატი დაამონტაჟა. ეს იმას ნიშნავს, რომ უმწეო მოსახლეობას საჭმელს მხოლოდ იმ შემთხვევაში აჭმევენ, თუ ისინი სასადილოში თითის ანაბეჭდს დატოვებენ. უმწეო მოსახლეობა აღნიშნულ ქმედებას სამარცხვინოს უწოდებს და ანაბეჭდის დატოვებას არ აპირებს, გამგეობაში კი პანიკის საფუძველს ვერ ხედავენ.

ცხინვალის უნივერსიტეტის ,,რევოლუციურ“ სტუდენტებს უნივერსიტეტიდან „ჰყრიან“. ყოველ შემთხვევაში უნივერსიტეტის მესამე კურსელები ბოლო დროს განვითარებულ მოვლენებს ასე აფასებენ. უნივერსიტეტის ხელმძღვანელობის გადაწყვეტილებით, ვინც წელს მესამე კურსი დაამთავრა, მთელი ზაფხულის განმავლობაში გააგრძელებენ სწავლას და სექტემბრამდე მეოთხე კურსსაც ექსტრემალურ პირობებში დაამთავრებენ.

2006 წლის ექსპერტული გათვლებით, ქალაქ ახალციხეში სახელმწიფო სექტორში მინიმალური ნორმატიული ხელფასი – 220, კერძო სექტორში - 190 ლარია. ოჯახის საარსებო მინიმუმი კი 175 ლარს შეადგენს. ამის მუხედავად სამცხე-ჯავახეთში სამომხმარებლო კალათა ყოველ წელს იზრდება. ექსპერტების გამოთვლებით, სოფლის მოსახლეობის შემოსავალი საარსებო მინიმუმზე მეტია.

ამერიკის სახელმწიფო დეპარტამენტმა მსოფლიოში ტრეფიკინგის შესახებ 2007 წლის ანგარიში გამოაქვეყნა. მისი მიხედვით, თანამედროვე მონობის წინააღმედეგ ბრძოლის კუთხით საქართველომ ერთი საფეხურით წინ გადაინაცვლა და მესამე კალათაში აღმოჩნდა. 2006 წელს ჩვენ მეორე კალათაში ვიმყოფებოდით, უფრო ადრე კი პირველში.

უსაფრთხოების წესების დარღვევით მიმდინარე მშენებლობამ, ცოტა ხნის წინ, გურჯაანში, სამი ადამიანის სიცოცხლე იმსხვერპლა. თამაზ ყავალაშვილი, ვასიკო აბესაძე და არასრულწლოვანი იმედა სისაური ნანგრევების ქვეშ მოჰყვნენ. მომხდართან დაკავშირებით შს გურჯაანის სამმართველოში სისხლის სამართლის საქმე აღიძრა. თუმცა, იმ მიზეზით, რომ დაზარალებულებს მშენებარე ობიექტის მფლობელთან პრეტენზიები არ აქვთ, გამოძიება შესაძლოა შეწყდეს.

საქართველოს პარლამენტმა 442 მილიონი ლარით გაზრდილი თავდაცვის ბიუჯეტი დაამტკიცა. მართალია, მას ოპოზიციამ მხარი არ დაუჭირა, თუმცა კანონპროექტის მიღებისთვის ამას ხელი არ შეუშლია. ოპოზიცია თავდაცვის ბიუჯეტის გამჭვირვალობას და იმის ახსნას ითხოვდა, თუ რისთვის არის ეს თანხა საჭირო. ოპონენტთა პასუხი კი მარტივი იყო, რაც გამჭვირვალე უნდა იყოს, გამჭვირვალეა.

ხელისუფლება კახეთში, შირაქის ტერიტორიაზე ატომური რეაქტორის მშენებლობას გეგმავს. ამის შესახებ საფრანგეთში საქართველოს ელჩმა მამუკა კუდავამ განაცხადა. არსებული ინფორმაციით, ატომური სადგურის მშენებლობის შესახებ მოლაპარაკებები სწორედ ფრანგულ კომპანია „არევასთან“ მიმდინარეობს. მთავრობა საზოგადოებას მხარდაჭერას სთხოვს და სანაცვლოდ ქართულ ეკონომიკაში სასიკეთო ცვლილებების მოხდენას ჰპირდება. მოსახლეობა კი ბირთვული რეაქტორის მშენებლობის შემთხვევაში მასობრივი საპროტესტო აქციებითა და მშენებლობის დემონტაჟით იმუქრება.

„საქართველოში ვინმეს კიდევ აქვს სინდისი?“ – ეს კითხვა ერთ-ერთ ფორუმზე ადამიანის უფლებათა ცენტრის მიერ დაწყებული კამპანიის „ბოდიშის“ პირველივე დღეებში გაჩნდა. კითხვის ავტორი აფხაზი იყო. პირველი მწვავე რეაქციების შემდეგ ამ კამპანიას ყურადღება ჰაინრიხ ბიოლის ფონდმაც დაუთმო და ტრადიციული დისკუსია მიუძღვნა. თბილისის ფორუმზე მოწინააღმდეგენი არათუ იდეას, არამედ დისკუსიის გამართვის ინიციატივასაც გამოუჩნდნენ.

ზუგდიდში მშვიდობისა და ადამიანის უფლებების სამხრეთ კავკასიური კინოფესტივალი „მე-ადამიანი” გაიმართა. სამი დღის განმავლობაში დოკუმენტური კინოს ფესტივალზე, რომელიც კავკასიაში პირველად ტარდება, მსოფლიოს სხვადასხვა კუთხიდან მშვიდობასა და ადამიანის უფლებებზე გადაღებული 6 ფილმი აჩვენეს.

300 კომლიანი სოფელი ჩაძირვის პირასაა. სოფელ ფოკის მაცხოვრებლები ნინოწმინდის მუნიციპალიტეტისა და ცენტრალური ხელისუფლების წარმომადგენლებს უყურადღებობაში სდებენ ბრალს. სოფელში შექმნილ მძიმე სოციალურ პირობებს სტიქიაც დაემატა. ფოკელები ფიქრობენ, რომ ისინი ხელისუფლებამ დაივიწყა.

საქართველოს მთავრობამ პარლამენტს „საგადასახადო კოდექსში“ შესატანი ცვლილებები წარუდგინა. მისი მიხედვით, ორი გადასახადი - საშემოსავლო და საციალური ერთიანდება. თუ დღემდე დაქირავებული ხელფასიდან სახელმწიფო ბიუჯეტში საშემოსავლო გადასახადის სახით 12%-ს იხდიდა, დამქირავებელი კი სოციალური გადასახადის სახით 20%-ს, ცვლილებების შემდეგ, ამ ორი გადასახადის გადამხდელი მხოლოდ დაქირავებული იქნება. ორი გადასახადიხ ჯამი კი 32%-ის ნაცვლად 25% იქნება.

„ოცი დღის განმავლობაში ყველაზე მეტად ინფორმაცია მომენატრა. ხალხი იპარავს შუქს, - რა ქნან, პურის ფული არ აქვთ. ოცი ლარი გადავიხადე. გუშინ საღამოს ჩამირთეს სინათლე,“ - ასე დაიწყო უშუქობაზე საუბარი მეორე მსოფლიო ომის მონაწილემ და პირველი ჯგუფის ინვალიდმა, სოფელ კონდიდის მცხოვრებმა, 92 წლის, ისმაილ მენაღარიშვილმა.

დიდი და პატარა ლიახვის ხეობის სოფლების მოსახლეობას საკუთარ ქვეყანაში თავისუფლად გადაადგილების საშუალება არ აქვთ.

,,ბოდიშის” კამპანიამ ანუ მიმართვა აფხაზი ხალხისადმი, რომელიც ადამიანის უფლებათა ცენტრმა დაიწყო გამოძახილი ახალციხის რაიონშიც პოვა.

საქართველო-აზერბაიჯანის საზღვართან მდებარე სოფელი სამთაწყარო სერიოზული საფრთხის წინაშე დგას. ისტორიულ ჰერეთთან დამაკავშირებელი ხიდის ჩაკეტვის შემდეგ, მოსახლეობის საცხოვრებელი პირობები მკვეთრად გაუარესდა. სტატისტიკური მონაცემებით, საზღვრისპირა სოფელში მცხოვრები 480 ოჯახიდან 200-მდე ოჯახმა სამთაწყარო უკვე დატოვა. გლეხებმა მონებად სამუშაოდ თურქეთს, აზერბაიჯანსა და ერაყს მიაშურეს. იგივე მდგომარეობაა სიღნაღის რაიონის სოფელ ერისიმედშიც. მიტოვებულ ადგილებს აზერბაიჯანიდან გადმოსული მწყემსები იკავებენ და მკვიდრდებიან.

ადამიანის უფლებათა ცენტრის ზუგდიდის ოფისმა ქუჩის გამოკითხვა ჩაატარა, გამოკითხვის თემა ადამიანის უფლებებზე ინფორმირებულობას შეეხებოდა, გამოკითხვების მიზანი იყო ორგანიზაციას გაერკვია, თუ რამდენად ინფორმირებულნი არიან მოქალაქენი თავიანთი უფლებების შესახებ, ირღვევა თუ არა მათი, როგორც რიგითი მოქალაქის უფლებები, ვინ არღვევს მათ უფლებებს და რომელ ინსტანციას მიმართვენ ისინი მათი უფლებების დარღვევის შემთხვევაში.