პორტალი ადამიანის უფლებების შესახებ

წინასაარჩევნო მარათონში პაატა ბურჭულაძის პარტიას აქტიური წევრები გამოაკლდა. ჯერ კიდევ თბილისის სპორტის სასახლეში გამართული პირველი ყრილობის შემდეგ მოძრაობა „სახელმწიფო ხალხისათვის“ დატოვა ნინო კუზანოვამ, რომელსაც რამდენიმე პარტიულმა კოლეგამ მალევე მიბაძა. 

 

„კასპის საუბნო საარჩევნო კომისიის დამოუკიდებელ წევრებად დანიშნულთა უმრავლესობას საჯარო მოხელეების ნათესავები და „ქართულ ოცნებასთან“ დაახლოებული პირები წარმოადგენენ“ - ამის შესახებ „ერთიანი ნაციონალური მოძრაობის“ კასპის ორგანიზაციის თავმჯდომარემ, რობერტ კავთიაშვილმა გააკეთა განცხადება.

,,ვალერი გელაშვილმა თავის თავზე იწვნია ის უსამართლობა და სახელმწიფო აპარატის წნეხი და ფიზიკური განადგურების წინაშეც დადგა. ის ვაჟკაცურად დაუდგა იმ უსამართლობას, რაც ქვეყანაში იყო. მისთვის უცხო არ არის ის პრობლემები, რაც ხაშურელებს აწუხებს და ჩვენ ერთად ვეცდებით მის მოგვარებას" -ამ სიტყვებით წარუდგინა ხაშურის ცენტრში შეკრებილ მოსახლეობას პრემიერ-მინისტრმა გიორგი კვირიკაშვილმა მოქმედი პარლამენტის წევრი ვალერი გელაშვილი მაჟორიტარ კანდიდატად და აღნიშნა, რომ ,,ნაციონალური მოძრაობის” ხელისუფლებაში ყოფნის დროს პარლამენტის წევრიც არ დაინდეს და სასტიკად გაუსწორდნენ ფიზიკურად.

„ციხეებში ნიშნავენ ახალ მაყურებლებს, ვისაც კარგი ურთიერთობა აქვს ადმინისტრაციასთან. კრიტებიდან გადმოყავთ. მათ მშობლებს კი აწვებიან, რომ საახლობლოზე იმუშაონ საარჩევნოდ. და ვისაც 2012 წელს 10 და 15 წელი მოაკლეს, მაგ კატეგორიის პატიმრებს ციხიდან გამოშვებას პირდებიან არჩევნების მერე“, - ფეისბუკზე გამოქვეყნებული ამ სტატუსის გამო საპარლამენტო ფრაქცია „ნაციონალური მოძრაობის“ წევრი, კობა სუბელიანი სასჯელაღსრულების სამინისტროს გენერალურმა ინსპექციამ გამოკითხა. 

გორის მუნიციპალიტეტის სოფელ ზემო სობისში, საოკუპაციო ხაზიდან 1 კილომეტრის მოშორებით, შალვა ჩილინდრიშვილის მიწის ნაკვეთი მდებარეობს.როდესაც ჩილინდრიშვილი 12 ჰექტარზე დათესილი ქერის მოსავლის ასაღებად მივიდა, აღმოჩნდა, რომ მის ნაცვლად მოსავალს ოკუპირებული ტერიტორიიდან შემოსული კომბაინი აიღებს.

ადამიანის უფლებათა ცენტრმა დაიწყო ახალი პროექტი - „მოწმის დაკითხვის ახალი წესის კვლევა საქართველოში“, რომელიც ფონდ „ღია საზოგადოება - საქართველოს“ მხარდაჭერით განხორციელდება.

2016 წლის საპარლამენტო არჩევნებს  რიგი მუნიციპალიტეტები გაერთიანებული საარჩევნო ოლქებით ხვდება. შესაბამისად, ორ-ორ მუნიციპალიტეტს საქართველოს მე-9 მოწვევის პარლამენტში ერთი მაჟორიტარი ეყოლება.  ცვლილებას, რომელიც ამომრჩეველთა ხმების გამოთანაბრების მოტივით განხორციელდა, როგორც პოლიტიკური პარტიების,  ისე ექსპერტთა მხრიდან  უარყოფითი შეფასებები მოჰყვა. გარდა უარყოფითი შეფასებისა, ცვლილება დადებითად შეაფასეს პოლიტიკური პარტიების წარმომადგენლებმა.

პოლიტიკური გაერთიანება „ეროვნული ფორუმის“ წევრები ნაძალადევის პარტიული ოფისისა და მაჟორიტარი დეპუტატობის კანიდატის სახლის გატეხვას პოლიტიკურ ანგარიშსწორებად აფასებენ. შსს-ში აცხადებენ, რომ დანაშაულის გახსნას ექსპერტიზის პასუხები დააჩქარებს.

ქალაქ რუსთავის მცხოვრებლებს პოლიტიკური გაერთიანება „ცენტრისტების“ ლიდერი თემურ ხაჩიშვილი  რუსეთისაგან დამატებით 400 ლარის ოდენობით პენსიის  მიღებას დაჰპირდა.

სახალხო დამცველმა უჩა ნანუაშვილმა გააკრიტიკა ახალი პოლიტიკური ცენტრის, „გირჩის“ ერთ-ერთი წინასაარჩევნო ვიდეორგოლი, რომელიც ამ ორგანიზაციის ვებ-გვერდისა და სოციალურ ქსელების საშუალებით გავრცელდა. წინასაარჩევნო რეკლამა კონკრეტულ სამიზნე ჯგუფზე - ახალგაზრდებზეა გათვლილი და მათ არჩევნებში მონაწილეობისკენ მოუწოდებს. ამავე დროს, რგოლში გამოხატულია „გირჩის“ პოზიცია ასაკოვანი ელექტორატის მიმართ. 

2016 წლის ივლისში პარტია „ქართული ოცნების“ ანგარიშზე ყველაზე მსხვილი შემოწირულობა - 120 ათასი ლარი შპს „ალფამ“ გადარიცხა, რომელიც „ერთიანი ნაციონალური მოძრაობის“ წარდგენით არჩეული კასპის ყოფილ მაჟორიტარს კობა კურდღელაშვილს ეკუთვნის. მმართველი პარტიის შემომწირველ ფიზიკურ პირებს შორის კი ყველაზე მეტი თანხა ახლადწარდგენილმა მაჟორიტარობის კანდიდატებმა და „ნაციონალური მოძრაობიდან“ არჩეულმა პარლამენტის მაჟორიტარმა წევრმა ჩარიცხეს.

„მე ვაპროტესტებ იმას, რასაც თქვენ აკეთებთ აქ. არ არის დღეს, 21–ე საუკუნეში საბჭოთა კავშირის დრო. რუსეთი ოკუპანტია, რუსეთი მკვლელია, თქვენ ხართ ყველანი მონები“, – ამ მიმართვის შემდეგ დაარტყა „საზოგადოებრივი მაუწყებლის“ კახეთის რეგიონის ყოფილ კორესპონდენტს რომან ქევხიშვილს „სოციალისტური საქართველოს“ ერთ–ერთმა დამფუძნებელმა თემურ ფიფიამ, რის შემდეგაც ჟურნალისტმა მას კვერცხები ესროლა. თელავში „სოციალისტური საქართველოს“ რეგიონული ორგანიზაციის დამფუძნებელი ყრილობა ვერ შედგა.

ქალაქ გორის მერმა ზურაბ ჯირკველიშვილმა საკრებულოზე ორჯერ ჩავარდნილი საკითხი უკან გაიხმო.მერის ინიციატივა გორის საცურაო აუზის ეკონომიკის სამინისტროსთვის გადაცემას ეხებოდა. 5 აგვისტოს საკრებულოს სხდომაზე დეპუტატებმა მერის ინიციატივას მხარი არ დაუჭირეს, საკრებულოს წევრების ნაწილმა სხდომა დატოვა და კვორუმი არ შედგა. საკრებულოს მეორე სხდომა ასევე 5 აგვისტოს 17:00 საათზე ჩაინიშნა, თუმცა კვორუმი არც მეორედ შედგა და საკრებულოს კიდევ ერთი სხდომა 8 აგვისტოს ჩაინიშნა. თუმცა, ამჯერად, გორის მერმა,ზურაბ ჯირკველიშვილმა მის მიერ ინიცირებული საკითხი უკან გაიხმო. ამის მიზეზად კი საკრებულოს წევრებს განუმარტეს, რომ ეკონომიკის სამინისტროსთვის გადასაცემი ობიექტის დადგენილებაში ქალაქის მერს ფართი დაზუსტებელი არ ჰქონდა.