პორტალი ადამიანის უფლებების შესახებ

საქართველოს „ადმინისტრაციულ სამართალდარღვევათა კოდექსში“ შეტანილი ცვლილებებით, ტრასის მხარეს სარეცხის გაფენა ფასადის დარღვევად ითვლება და მკაცრად ისჯება. ვინც აღნიშნულ მოთხოვნას არ დაემორჩილება, თბილისის ბიუჯეტის სასარგებლოდ 500 ლარის გადახდა მოუწევს, თუ პრობლემა ერთ თვეში არ მოაგვარა, 1500 ლარის.

ბოლო 3 წლის განმავლობაში თურქეთში ტრეფიკინგის მსხვერპლი 666 გოგონა აღმოაჩინეს. ისინი ძირითადად ყოფილი სსრკ-ს ქვეყნებიდან იყვნენ. პირველ სამეულში მოლდაველი, უკრაინელი და რუსი გოგონები შედიან. ქართველები კი მე-6 ადგილზე არიან. 3 წლის განმავლობაში კი მათი რაოდენობა 29-მდე ავიდა.

ბათუმის ადმინისტრაციული საზღვრები ფართოვდება. ბათუმს ხელვაჩაური, სარფი, გონიო, მწვანე კონცხი და სხვა სოფლები შემოუერთდება. სოფლის მაცხოვრებლები შიშობენ, რომ მათ მიწები ჩამოერთმევათ და მისი პრივატიზაცია მოხდება.

ოჯახი შვიდნი არიან. დედა. მამა და ხუთი შვილი. ტყუპებს ხატიას და ბექას ცერებლარული დამბლა აქვთ. სახელმწიფო ინვალიდებს დახმარების სახით მხოლოდ ორმოც ლარს უხდის.

არასამთავრობო ორგანიზაცია „მშობელთა გაერთიანება“ საქართველოს კანონმდებლობიდან იმ თავის ამოღებას აპროტესტებს, რომელიც არასრულწლოვნებს მავნე ზეგავლენისგან იცავდა. კონკრეტულად კი პარლამენტის 2006 წლის 29 დეკემბრის გადაწყვეტილებით, კანონში „მავნე ზეგავლენისაგან არასრულწლოვანთა დაცვის შესახებ“ ცვლილებები შევიდა, რის შედეგედაც ტელევიზიებზე ყოველგვარი აკრძალვები გაუქმდა.

,,ბონდო ხუცინაშვილმა დაკითხვაში აღნიშნა, რომ მან სატელეფონო საუბარში მხოლოდ უსაყვედურა საბა წიწიკაშვილს” – წერია გორის პროკურატურის მიერ 2007 წლის 25 იანვარს გამოცემულ 01/22 – 1/04-190-ე დადგენილებაში.

ასლან აბაშიძის კუთვნილი ქარხნიდან დაკარგული მილიონი დოლარის ღირებულების დანადგარების მოპარვაში ეჭვმიტანილი კოტე ასკურავა, გასულ კვირას, ნარკოტიკების რეალიზაციის ბრალდებით დააკავეს. ოჯახის წევრები სამართალდამცველებს უკანონობაში ადანაშაულებენ.

რამდენიმე დღის წინ ქუთაისის ადგილობრივ თვითმმართველობას ყოფილი მუსიკალური სკოლა-ინტერნატის პედკოლექტივმა თხოვნით მიმართა. ისინი ადგილობრივი ბიუჯეტიდან სასწავლებლის დასაფინანსებლად თანხის გამოყოფას ითხოვდნენ. „ცენტრალურმა ხელისუფლებამ სხვა გზა არ დაგვიტოვა. ერთადერთი იმედი ადგილობრივი მთავრობაა. უარის შემთხვევაში იძულებული ვხდებით ბავშვებს - სწავლაზე, საკუთარ თავს კი საარსებო მინიმუმზე უარი ვუთხრათ,“ - აცხადებენ პედაგოგები.