სტატია

აირჩიეთ წელი

აირჩიეთ თვე

მედიაზე ზეწოლას უკვე სპორტსმენებიც არ თაკილობენ

17 აგვისტო, 2009

საქართველოს ძიუდოისტთა ნაკრების მოჭიდავე ზაზა კედელაშვილმა ჟურნალისტ ირაკლი თავაძეს სიტყვიერი შეურაცხყოფა მიაყენა და დაემუქრა, ჯობია დაუფიქრდე რას წერ და ვისზეო.

სიცივისა და შიმშილისგან ბავშვი მოუკვდათ, მაგრამ საარსებო შემწეობა მაინც არ აღირსეს

14 აგვისტო, 2009

სიღნაღის რაიონის სოფელ ანაგაში მცხოვრები ალექსანდრე სიყმაშვილის ოჯახი უკიდურესად გაჭირვებულია. ოჯახის მთელ ქონებას დანგრეული სახლი, ორი რკინის საწოლი, ფეხმოტეხილი სკამი, რკინის ღუმელი, ერთი მაგიდა, მეზობლების მიერ ნაჩუქარი 70 ლარიანი შავ-თეთრი ტელევიზორი და რამდენიმე თეფში შეადგენს. ოჯახის შემოსავალი ალექსანდრე სიყმაშვილის მიერ თვეში ორჯერ ან სამჯერ მეზობლის საქონლის მწყემსვის შედეგად მიღებული 21 ლარია. გასულ ზამთარს, სიცივისა და შიმშილისგან ალექსანდრე და ირმა სიყმაშვილებს 10 თვის გოგონა დაეღუპათ. გაუსაძლისი პირობების მიუხედავად, სოციალური მომსახურების სააგენტომ სიყმაშვილებს საარსებო შემწეობის დანიშვნაზე უარი უთხრა.

უჩინარი ადამიანები

14 აგვისტო, 2009

„შეცვალეთ გარემო და არა ადამიანი“ - ამ თხოვნით მიმართავენ შეზღუდული შესაძლებლობის მქონე ადამიანები ხელისუფლების წარმომადგენლებს. საქართველოში ძალიან მწვავედ დგას ინვალიდობის პრობლემა და ეს განპირობებულია ქვეყანაში არსებული არახელსაყრელი პირობებით. ინვალიდთა უფლებადამცავი ორგანიზაციების წარმომადგენლების განცხადებით, თუკი გარემო იქნება ხელმისაწვდომი, პრობლემა - ინვალიდობა - აღარ იარსებებს. უნარშეზღუდულთათვის არ არსებობს ადაპტირებული ცხოვრების გარემო, განათლების მიღებისა და დასაქმების თანაბარი პირობები. დღესდღეობით ინვალიდებს არათუ სრულფასოვნად არსებობა, არამედ ტრანსპორტით გადაადგილებაც კი უჭირთ.

ხელისუფლებასთან დიალოგის ფინალი - ვადამდელი საპარლამენტო არჩევნების დანიშვნა

13 აგვისტო, 2009

შსს-ს ახალ შენობაში ძალოვანი უწყებების პირველ პირებს, სახალხო დამცველსა და ოპოზიციას შორის შემდგარი შეხვედრისა და სამომავლო გეგმების ირგვლივ, პრესა.გე ”ალიანსი საქართველოსთვის” ლიდერს ირაკლი ალასანიას შეხვდა და ესაუბრა.

განუკითხაობა ლაგოდეხის საბაჟოზე

13 აგვისტო, 2009

2009 წლის 18 ივნისიდან ფიზიკური პირებისათვის საბაჟო კონტროლი გამკაცრდა. ახალი წესების მიხედვით, რომელიც უკვე ამოქმედდა, ყველაფერი, პირადი მოხმარების საგნების ჩათვლით, განბაჟებას ექვემდებარება. შეიცვალა ფინანსთა სამინისტროს მიერ შემუშავებული დაბეგვრის რეჟიმი. თუ აქამდე ფიზიკური პირები მეზობელი ქვეყნებიდან პირადი მოხმარების ნივთების შემოტანისას 1000 ლარიანი ლიმიტით სარგებლობდნენ, ახალი რეჟიმით ეს ლიმიტი 500 ლარამდე შემცირდა. მებაჟეები ჩანთებში არსებულ ყველა ნივთს ფიზიკურად ათვალიერებენ და თუ დეკლარაციაში ერთი ნივთის შეტანა მაინც გამოგრჩათ, მინიმუმ 1000 ლარით გაჯარიმებენ.

„სამეურვეო საბჭომ მხარი კორუფციას დაუჭირა“

13 აგვისტო, 2009

საზოგადოებრივი მაუწყებლის ყოფილი გენერალური დირექტორის ლევან ყუბანეიშვილის თანამდებობიდან წასვლის მიზეზი საზოგადოებისთვის დღემდე უცნობია. პირველ არხს უკვე ჰყავს ახალი გენერალური დირექტორი გიორგი ჭანტურია. მან ფარული კენჭისყრით ჩატარებულ არჩევნებში საბჭოს წევრთა 5 ხმა მიიღო. კონკურსში მონაწილე გიორგი კაჭარავას და ზვიად ქორიძეს ხმა საბჭოს არცერთი წევრისგან არ მიუღიათ. ჩატარებულ არჩევნებზე გვესაუბრება ჟურნალისტი ზვიად ქორიძე.

ვაჰაგნ ჩახალიანი ლიკვიდაციის საფრთხის წინაშე

13 აგვისტო, 2009

10 აგვისტოს, სომხურმა გაერთიანება „იერკირმა“ გაავრცელა პრეს-რელიზი, სადაც ნათქვამია, რომ საქართველოს ხელისუფლება ჯავახეთის სომეხი პოლიტიკური აქტივისტის, არასამთავრობო ორგანიზაცია „ჯდემმის“ ლიდერის, ვაჰაგნ ჩახალიანის ფიზიკურ ლიკვიდაციას გეგმავს. ამ განცხადების საფუძველი კი ისაა, რომ დაკავებული, მიმდინარე წლის 31 ივლისს, გლდანის მე-8 საპყრობილედან, რუსთავის მე-2 კოლონიაში გადაიყვანეს, სადაც შესაძლო პროვოკაციებისთვის უფრო ხელსაყრელი პირობებია.

პრეზიდენტის ძმის ბიზნესს შეწირული ადამიანები

12 აგვისტო, 2009

მკერდის, ყელის და კანის სიმსივნე, ინტოქსიკაციის ზოგადი მოვლენები, ღვიძლის ციროზი, ეს იმ დაავადებების არასრული ჩამონათვალია, რითაც საგარეჯოს რაიონის სოფლებში, ნინოწმინდასა და წყაროსთავში მცხოვრებნი ნავთობის ამოფრქვევის შემდეგ მასობრივად დაავადდნენ. ნავთობკომპანია „კანარგო-ჯორჯიას“ კუთვნილ ჭაბურღილზე მომხდარი ავარიის შედეგად განადგურდა ასობით ჰექტარი ტყის მასივი, დაბინძურდა წყალი და ნიადაგი. ადამიანები ცოცხლად ლპებიან. მნიშვნელოვნად იმატა სიკვდილიანობამ. უკიდურესად მძიმე მდგომარეობის მიუხედავად, ნავთობკომპანიაში ირწმუნებიან, რომ ავარიას მკვეთრად უარყოფითი შედეგები არ მოჰყოლია.

ჟურნალისტს გაუპატიურებით ემუქრებიან

11 აგვისტო, 2009

ინტერნეტ-გაზეთ „ქიზიყის” რედაქტორი ილია მარტყოფლიშვილი შს კონსტიტუციური უსაფრთხოების დეპარტამენტის კახეთის სამმართველოს თანამშრომელ სოსო ბენაშვილს, გაზეთის ჟურნალისტის თამილა გურაშვილის დაშინებაში ადანაშაულებს. მარტყოფლიშვილის თქმით, კუდ-ის თანამშრომელი თამილა გურაშვილს საცხოვრებელ სახლში უკვე რამდენჯერმე მიუვარდა და დაემუქრა, რომ თუ ადგილობრივი ხელისუფლების კრიტიკას არ შეწყვეტს, მცირეწლოვან ბავშვთან დაკავშირებით პრობლემები შეექმნება.

ფრთხილად, პრეზიდენტი მოდის!

10 აგვისტო, 2009

ჩვენი ხელისუფლების პირობებში ჩვეულებრივ მოვლენად იქცა ადამიანების პოლიტიკური ნიშნით დევნა და განსხვავებული აზრის წინააღმდეგ სასტიკი მეთოდებით ბრძოლა. აბაშიძის მმართველობისას, აჭარაში, სამთავრობო ესკორტის ჩავლის დროს უკანონოდ ჩაკეტილი ქუჩები არავის აკვირვებდა, მაგრამ ეს არაფერია იმასთან შედარებით რასაც ჩვენს ორგანიზაციაში მოსული ერთი ჯარისკაცი მოგვიყვა. მისმა კიდევ ერთხელ დაგვარწმუნა, რომ ადამიანის უფლებების პატივისცემა (დაცვაზე რომ აღარაფერი ვთქვათ) ჩვენს ქვეყანაში ჯერ კიდევ უცხო ხილია.

საზოგადოებრივი მაუწყებელის ახალი დირექტორი გიორგი ჭანტურია გახდა

10 აგვისტო, 2009

დღეს საზოგადოებრივი მაუწყებლის სამეურვეო საბჭოს სხდომამ 1 არხის გენერალური დირექტორი გამოავლინა. საბჭოს წევრების 5 ხმით საზოგადოებრივ მაუწყებელს დღეიდან გიორგი ჭანტურია უხელმძღვანელებს. კონკურსის დანარჩენ ორ კანდიდატს არცერთი ხმა არ ერგო.

ცხოვრება კოდორის ხეობის გარეშე

10 აგვისტო, 2009

ზუსტად ერთი წლის წინ, დღევანდელისგან განსხვავებით, მამა-პაპისეულ სახლებში ცხოვრობდნენ და მიუხედავად იმისა, რომ დაძაბულობა დღითიდღე მძაფრდებოდა, საკუთარ მიწაზე თავს მაინც ბედნიერად თვლიდნენ. განცდა, რომ ხეობის დატოვება მოუწევდათ და დევნილებად იქცეოდნენ, გაცილებით გვიან, ხეობის თავზე რუსული ბომბდამშენების გაუთავებელი ფრენის შემდეგ დაეუფლათ. ზუსტად მაშინ, როცა სატვირთო მანქანებზე შეხიზნულნი ზემო აფხაზეთიდან უკვე ქუთაისისკენ გამოემგზავრნენ.

ერგნეთი - ერთი წლის შემდეგ

7 აგვისტო, 2009

ხელისუფლება ამყობს, რომ აგვისტოს ომის შემდეგ ყველა დევნილს თავშესაფარი მიუჩინა, მაგრამ სად და რა პირობებში უწევთ არსებობა დევნილ და დაზარალებულ მოსახლეობას, ეს მას, როგორც ჩანს ნაკლებად აღელვებს..

გამოძიება დაიწყო, მაგრამ მთავარია დამთავრდება თუ არა ის

7 აგვისტო, 2009

2 აგვისტოს დილით, ცხვარიჭამიას გზიდან ორგზის მსოფლიო ჩემპიონი, რუსთავის წმინდა გორგასლის სახელობის ეკლესიის სტიქაროსანი, პარტია „დემოკრატიული მოძრაობა-ერთიანი საქართველოს“ მხარდამჭერი, აფხაზეთიდან დევნილი ამირან ბიწაძე გაიტაცეს. მის ავტომობილს, რომელშიც მეგობართან, დათო ბენდელიანთან ერთად იჯდა, გზა მიკროავტობუსმა, „ჯიპის“ ტიპის ორმა და „ნივის“ მარკის ერთმა ავტომობილმა გადაუჭრა.

საზოგადოებრივი მაუწყებლის გენერალური დირექტორის ადგილისთვის სამი კანდიდატი იბრძოლებს

7 აგვისტო, 2009

დღეს საზოგადოებრივი მაუწყებლის სამეურვეო საბჭოს სხდომა გაიმართა, რომელზეც გენერალური დირექტორის თანამდებობაზე გამოცხადებული კონკურსის პირველი ტურის გამარჯვებული კანდიდატები გამოვლინდნენ. სამეურვეო საბჭოს რვა წევრმა კონკურსანტები ფარული კენჭისყრით აარჩია. საზოგადოებრივი მაუწყებლის გენერალური დირექტორის თანამდებობისთვის ბრძოლას სამი კანდიდატი გია ჭანტურია, ზვიად ქორიძე და გიორგი კაჭარავა აგრძელებენ. გია ჭანტურიას, კანდიდატურას მხარი სამეურვეო საბჭოს რვა წევრიდან ექვსმა, ხოლო ზვიად ქორიძეს და გიორგი კაჭარავას შვიდმა ადამიანმა დაუჭირა. მეორე ტურში გასასვლელად კანდიდატებს უნდა მოეგროვებინათ ხუთი ან მეტი ხმა.

შრომითი ტრეფიკინგი ბათუმში

6 აგვისტო, 2009

სამშენებლო კომპანია შ.პ.ს „კრისტალის“ ხელმძღვანელობისაგან მოტყუებული და უხელფასოდ დატოვებული 20-მდე თანამშრომელი, ფირმისაგან გასამრჯელოს დაუყოვნებლივ გადახდას ითხოვს.

უკანონო საკადრო პოლიტიკა ქუთაისის მერიაში

6 აგვისტო, 2009

ქუთაისის საფინანსო სამსახურის ყოფილი თანამშრომელი სამართლიანობის აღდგენისთვის უკვე წელიწადზე მეტია იბრძვის. ანგარიშ-აღრიცხვების წამყვანი სპეციალისტის სვეტლანა ზაქარაშვილის თანამდებობიდან გათავისუფლება ქუთაისის მერიაში შტატების შემცირებით ახსნეს, მაშინ, როცა იმ პერიოდში (და მოგვიანებითაც) აღნიშნულ სამსახურში 8 ახალი თანამშრომელი მიიღეს.

გაზეთი „სპექტრი“ გელა მთივლიშვილის სტატიას ეხმაურება

6 აგვისტო, 2009

ჩვენი რეგიონული კორესპონდენტის, გელა მთივლიშვილის სტატიას სახელწოდებით „როგორ ზღუდავენ პრესას რეგიონებში“ გაზეთ „სპექტრის“ რედაქციიდან გამოეხმაურნენ. სტატიაში საუბარი იყო იმ ზეწოლაზე, რომელსაც საქართველოს ხელისუფლება რეგიონულ მედიაზე ახორციელებს. სტატიის ავტორი საუბრობდა იმაზე, რომ ხელისუფლება ერთნაირად იყენებს ჟურნალისტების დაშინების და გადაბირების პრაქტიკას და წარსულში კრიტიკული გაზეთების რედაქტორებსა თუ თანამშრომლებს სახელმწიფო უწყებებში ასაქმებს. ამ კონტექსტში საუბარი იყო რამოდენიმე გაზეთის, მათ შორის სპექტრის შესახებ. მთივლიშვილი წერდა, რომ ხელისუფლების სტრუქტურებში დასაქმებული ჟურნალისტები საკუთარი გაზეთებისთვის რეკლამის მოპოვებასაც უფრო ადვილად ახერხებენ. პუბლიკაციამ გაზეთ სპექტრის რედაქციის უკმაყოფილება გამოიწვია. მათ რედაქციაში გამოაგზავნეს საკუთარი გამოხმაურება, რომელსაც უცვლელეად გთავაზობთ

რატომ აღმოჩდნენ ყოფილი ,,ნაციონალები“ ციხეში

5 აგვისტო, 2009

„ნაციონალური“ მოძრაობის ნაძალადევის რაიონული ორგანიზაციის ყოფილი წევრები მერაბ მაისურაძე და კოტე ლომიძე თაღლითობის ბრალდებით დააკავეს.

უსახლკაროდ დარჩენილი ქალბატონი თელავის სასამართლოსთან უვადო შიმშილობის დაწყებას გეგმავს

3 აგვისტო, 2009

უსახლკაროდ დარჩენილი ნანული ყურშიტაშვილი პროტესტის ნიშნად, თელავის რაიონული სასამართლოს შენობასთან უვადო შიმშილობის აქციის დაწყებას აპირებს. ნანული ყურშიტაშვილი მოსამართლე ნათელა ჯაშიაშვილს თანამდებობის ბოროტად გამოყენებაში ადანაშაულებს.