გაფართოებული ძიება

სტატია

აირჩიეთ წელი

აირჩიეთ თვე

ზედამხედველობის სამსახურის ჩინოვნიკმა ჟურნალისტს შეურაცხყოფა მიაყენა

5 აგვისტო, 2010

ბათუმში ზედამხედველობის სამსახურის თანამშრომლები ჟურნალისტ ემზარ დიასამიძეს ფიზიკურად გაუსწორდნენ. ინციდენტი 30 ივლისს, ე. წ. ბონის ბაზრის მიმდებარე ტერიტორიაზე მოხდა. შეხლა-შემოხლის დაწყების მიზეზი მხოლოდ თანამდებობის დამადასტურებელი დოკუმენტაციის მოთხოვნა იყო. დიასამიძე პოლიციის განყოფილებაშიც გადაიყვანეს. თუმცა პოლიცია ფაქტს საერთოდ უარყოფს.

„წამო რეზერვში, მაგარია!“ - საზარბაზნე ხორცის ახალი პარტია

4 აგვისტო, 2010

ყველას გვახსოვს სატელევიზიო სარეკლამო რგოლი, რომელსაც ეროვნული ტელევიზიები 2008 წლის აგვისტოს ომამდე აჩვენებდნენ. ტანკი მოძრაობის წესების დარღვევით შუქნიშანზე წინ უსწრებს ავტომანქანას, რომლის ახალგაზრდა მძღოლი იხიბლება ტანკის უპირატესობით. ტანკიდან ამომძვრალი მეორე ახალგაზრდა კი მას ომახიანად მოუწოდებს: „წამო რეზერვში, მაგარია!“ აგვისტოს ომიდან ორი წლის შემდეგ ახალი მილიტარისტული კლიპების ბუმია მოსალოდნელი. ხელისუფლებას სარეზერვო სამსახურის შესახებ კანონში ცვლილებები შეაქვს. პრეზიდენტ სააკაშვილის გამოსვლებში კი მილიტარისტული მოწოდებები მატულობს.

„ჩვენთვის ერთი თეთრიც არავის მოუცია, ფული სულ თვითონ შეჭამეს! ეს რომ მიშამ იცოდეს წაახრჩობდა მაგათ“ - ქვემო ქართლის სოფლების გასაჭირი

4 აგვისტო, 2010

ქვემო ქართლის სოფლების - აღთაკლიისა და ქესალოს მოსახლეობა მთავრობისგან ყურადღებას ითხოვს. „მტკვარს მიაქვს ჩვენი დასახლება. უკვე მერამდე სახლი ჩაითრია. ყურადღების მიმქცევი არვინაა. ვერ ვხვდებით, როდის წავა და მოვა სასმელი წყალი. გაზიც არა გვაქვს. დენის გადასახადს კი 13 თეთრის ნაცვლად 27 თეთრს გვახდევინებენ. მთელი სოფელი სანაგვედაა გადაქცეული. ნაგავიც არავის გააქვს აქედან. ერთადერთი რაც აქ წესიერად მუშაობს, პოლიციაა“, - ჩივის გარდაბნის რაიონის სოფელ აღთაკლიის მცხოვრები ვუგარ გასანოვი.

„რადგან შიზოფრენიითაა დაავადებული, ერთადერთი ეს მიზეზი ჰქონდათ, დაესკვნათ, რომ ის მკვლელია“

3 აგვისტო, 2010

44 წლის ალექსანდრე ჩ.-ს შიზოტიპური აშლილობის დიაგნოზი აქვს დასმული. ამის მიუხედავად, ორი წელი დედის მკვლელობისთვის სასჯელს რუსთავის #2 საერთო და მკაცრი რეჟიმის დაწესებულებაში იხდიდა. საქართველოს კანონმდებლობით („კანონი ფსიქიატრიული დახმარების შესახებ“), როცა საქმე ასეთ დაავადებას ეხება, ციხის ადმინისტრაცია ვალდებულია, პატიმარი სპეციალურ საავადმყოფოში გადაიყვანოს. მას შემდეგ, რაც პაციენტი მკურნალობას ჩაიტარებს, ის აგრძელებს სასჯელის მოხდას. ასეთი საავადმყოფო საქართველოში ორია: კუტირსა და გლდანში.

„ადამიანის უფლებათა ცენტრი“ მხარს უჭერს „კავკასიურ სახლს“

3 აგვისტო, 2010

2 აგვისტოს კულტურულ ურთიერთობათა ცენტრ „კავკასიურ სახლში“ მისი მხარდამჭერები შეიკრიბნენ და ორგანიზაციის მოსალოდნელი გაუქმება გააპროტესტეს.

მესტიაში მიცვალებულების დასამარხი ადგილი არა აქვთ

30 ივლისი, 2010

მესტიაში მოსახლეობა სასაფლაოს გარეშეა დარჩენილი. ძველ სასაფლაოზე ადგილი უკვე აღარაა. ადგილობრივები მიწის ნაკვეთის გამოყოფას ითხოვენ.

„შუაზე გაგხეთქავ!“ - გარემოს დაცვის სამინისტროს ჩინოვნიკებმა ჟურნალისტებს შეურაცხყოფა მიაყენეს

30 ივლისი, 2010

გარემოს დაცვისა და ბუნებრივი რესურსების სამინისტროს თანამშრომლებმა ალვერდ ჩანქსელიანმა და ხათუნა ახალაიამ კახეთის საინფორმაციო ცენტრის ჟურნალისტებს მადონა ბატიაშვილსა და გელა მთივლიშვილს სიტყვიერი და ფიზიკური შეურაცხყოფა მიაყენეს. ინციდენტი 29 ივლისს, 17:00 საათზე, სამინისტროს შენობაში, ორჰუსის ცენტრში მოხდა. „ავადმყოფი ხარ შენ, მკურნალობა გჭირდება“; „იდიოტო, მარტო კი არ დაგარტყავ, უარესს გიზავ“; „ამ ხნის კაცი ვარ, მაგრამ სადაც შეგხვდები, შუაზე გაგხეთქავ“, - დაემუქრნენ ჟურნალისტებს სამინისტროს თანამშრომლები.

ნაირა გელაშვილი იმედოვნებს, რომ „კავკასიური სახლის“ გამოსახლების შესახებ ბრძანებულებას პრეზიდენტი ხელს არ მოაწერს

30 ივლისი, 2010

ნაირა გელაშვილი იმედოვნებს, რომ ტაბიძის #20-დან „კავკასიური სახლის“ გამოსახლების შესახებ ბრძანებულებას პრეზიდენტი ხელს არ მოაწერს.

უფლებადამცველებმა პრეზიდენტს სააკაშვილის რასისტული გამონათქვამები და მილიტარისტული პოლიტიკა დაგმეს

29 ივლისი, 2010

29 ივლისს „ადამიანის უფლებათა ცენტრში“ „თანასწორობის ინსტიტუტის“ წარმომადგენელმა, ირაკლი კაკაბაძემ და „ადამიანის უფლებათა ცენტრის“ აღმასრულებელმა დირექტორმა, უჩა ნანუაშვილმა პრესკონფერენცია გამართეს. პრესკონფერენცია მიეძღვნა რასიზმის, ქსენოფობიისა და მილიტარიზმის აქტიურ გამოვლინებებს პრეზიდენტ მიხეილ სააკაშვილის გამონათქვამებსა და ხელისუფლების პოლიტიკაში.

„ნუ მეხებით, თორე მერე ნახეთ ჩემი შეხება თქვენს მიმართ“ - საჯარო მოხელეები ჟურნალისტებს ემუქრებიან

29 ივლისი, 2010

„ეს სტატია მოხსენით... ნუ მეხებით საერთოდ, თორე მერე ნახეთ ჩემი შეხება თქვენს მიმართ...“, - ამ შინაარსის წერილი, ოთარ კოვზირიძისგან, ელექტრონული ფოსტით ჟურნალისტმა ილია მარტყოფლიშვილმა მიიღო. ოთარ კოვზირიძე „ნაციონალური მოძრაობის“ აქტივისტი და დედოფლისწყაროს მუნიციპალიტეტის გამგეობის თანამშრომელია. კოვზირიძე ირწმუნება, რომ მისი სიტყვები მუქარას არ შეიცავს, თუმცა, ვერ განმარტავს, რა უფლებით მოსთხოვა საჯარო მოსამსახურემ ჟურნალისტს ბლოგზე განთავსებული მასალის წაშლა.

სააკაშვილი „ტოტალურ თავდაცვაზე“ საუბრობს

29 ივლისი, 2010

საქართველოს „ტოტალური თავდაცვა“ სჭირდება, რომლის დროსაც „ყველა სოფელს უნდა შეეძლოს თავისი დაცვა“, რადგანაც, რუსეთს არ აუღია ხელი თავის ამოცანაზე მთელი ქვეყნის ოკუპაცია მოახდინოს, განაცხადა სააკაშვილმა 28 ივლისს.

რუსეთი თავს ესხმის საქართველოს მინისტრს „სტრიპტიზის“ ფოტოების გამო

29 ივლისი, 2010

რუსულმა მედიამ აიტაცა საქართველოს ეკონომიკის მინისტრის უხერხული ფოტო, სადაც ის ღამის კლუბში პოზირებს. ეს კრიტიკის ახალი ტალღაა პრეზიდენტ მიხეილ სააკაშვილის წინააღმდეგ, რომელიც მთავრობაში „სტრიპტიზის მოცეკვავეებს“ მაღალ თანამდებობებზე ნიშნავს.

ქრისტოფერ უოკერი: „საქართველოში უძრაობის პერიოდი დგას“

28 ივლისი, 2010

რადიო „თავისუფლების“ მსმენელმა იცის, რომ ივნისის ბოლოს ავტორიტეტიანმა საერთაშორისო ორგანიზაცია „ფრიდომ ჰაუსმა“ გამოაქვეყნა ყოველწლიური ანგარიში, რომელსაც „გარდამავალი ქვეყნები“ ეწოდება და ევრაზიის ქვეყნებში დემოკრატიზაციის ხარისხს აანალიზებს.

დაიმალე, შვილო, კომისარი მოდის!

28 ივლისი, 2010

სამხედრო რეზერვის კანონში შესატანი საკანონმდებლო ცვლილების შესახებ იმდენი ვწერე, რომ შეიძლება ვინმემ ან სამხედრო სამსახურის ამ ფორმის აპოლოგეტად მიმიჩნიოს, ანდა მის დაუძინებელ მოწინააღმდეგედ.

„სამშობლოდან“ გამოსახლებული დევნილები მოთხოვნას არ ცვლიან

27 ივლისი, 2010

გამომცემლობა „სამშობლოს“ ყოფილი შენობიდან გამოსახლებული დევნილები საპროტესტო აქციების გაგრძელებას გეგმავენ. ისინი თბილისში საცხოვრებელი ფართებით უზრუნველყოფას მოითხოვენ. შენობაში სულ 300-მდე დევნილი ოჯახი ცხოვრობდა. „კონსერვატიული პარტიის“ წევრის, ლაშა ჩხარტიშვილის თქმით, მხოლოდ რამდენიმე დევნილმა ოჯახმა მიიღო ლტოლვილთა და განსახლების სამინისტროს შემოთავაზება ზუგდიდის სოფლებში - ფოცხოსა და ორელიში დასახლების შესახებ. დანარჩენები თბილისში ახლობლებთან დროებით არიან შეფარებულები.

კოდორის ხეობას ემზარ კვიციანის დისშვილი პატრონობს

27 ივლისი, 2010

„კოდორის ხეობას წყალი მაშინ შეუდგა, როცა სააკაშვილმა 2008 წლის აგვისტოს ომი დაიწყო“, – სინანულით ამბობენ დალის ხეობის მკვიდრნი. ოკუპაციამდე ამ ტერიტორიას ხელისუფლებამ ზემო აფხაზეთი უწოდა. ადგილობრივი სვანები უფრო სწორ ტერმინად დალის ხეობას მიიჩნევენ. მეორენაირი სახელწოდება - კოდორი კი უბრალოდ, მდინარე კოდორს უკავშირდება, რომელიც დალის ხეობაში მოედინება.

„ის, რაც ხდება, პედაგოგის დისკრიმინაციაა და სხვა არაფერი“

27 ივლისი, 2010

„არ შეიძლება ადამიანი და, მით უფრო - მასწავლებელი, მუდმივად შიშის ქვეშ ცხოვრობდეს. აი, ესაა ერთადერთი მიზეზი, რის გამოც ამ სასერთიფიკაციო გამოცდაზე მოვედი. სამარცხვინო ფაქტია, რომ პედაგოგს (თანაც ასეთი დაძაბული სასწავლო წლის შემდეგ) იმის მაგივრად, უკეთეს სამუშაო პირობებს სთავაზობდნენ, გამოცდებზე დაარბენინებენ და ნორმალურად იმასაც კი ვერ უხსნიან, რა საჭიროა ეს ყველაფერი, თუ მას სკოლიდან ისედაც უშვებენ“, - ასეთი განწყობით დატოვა 22 ივლისს ერთ-ერთმა პედაგოგმა ქუთაისის საგამოცდო ცენტრი. მასწავლებელთა სასერთიფიკაციო გამოცდებზე პედაგოგთა უმრავლესობა საერთოდ არ გამოცხადდა.

მაია ჩიგოევა-ცაბოშვილი: „ქართველები და ოსები განწირულები ვართ თანაცხოვრებისთვის“

26 ივლისი, 2010

არასამთავრობო ორგანიზაცია „იბერ-ირონის“ თავმჯდომარე მაია ჩიგოევა ცაბოშვილი ამჟამად კანადაში ემიგრანტია. თუმცა, როგორც „ადამიანის უფლებათა ცენტრთან“ საუბრისას აღნიშნავს, არ სურს თავის ემიგრანტობაზე ღიად საუბარი, რათა მოსკოვსა და ცხინვალში ამ თემას არასასურველი ინტერპრეტაცია არ მიეცეს. ერთი რამ ცხადია - როგორც გოჩა ძასოხოვმა, ლერი ხაბელოვმა და არსენ კასაბიევმა, მაია ცაბოშვილმა-ჩიგოევამაც ვეღარ შეძლო ცხოვრება „რევოლუციურ საქართველოში“.

,,მტკვარი-ემ" სარწყავი წყალი შუა გვალვაში გადაკეტა

22 ივლისი, 2010

გორის რაიონის სოფლებში: ხიდისთავი, უფლისციხე, ქვახვრელი და დოესი შპს ,,მტკვარი ემ"-ს სარწყავი წყალი ორი კვირის განმავლობაში გადაკეტილი ჰქონდა. ,,მტკვარი-ემ“-ის ხელმძღვანელობა ამბობს, რომ ამ პერიოდში წყალი თავისით დაშრა.

დედოფლისწყაროს მიწების ნაწილი შესაძლოა აზერბაიჯანს დარჩეს

20 ივლისი, 2010

დედოფლისწყაროს რაიონში მდებარე ბუნების ძეგლი კაკლისყურე კატასტროფის პირასაა. მდინარემ შესაძლოა კალაპოტი შეიცვალოს, რის შედეგადაც 180 ჰა მიწის ფართობი აზერბაიჯაანს დარჩება.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC