გაფართოებული ძიება

სტატია

აირჩიეთ წელი

აირჩიეთ თვე

„წადით სახლში!“ - პოლიტიკური ნიშნით

24 ივნისი, 2010

ახმეტის მუნიციპალიტეტის გამგებელმა კობა მაისურაძემ გამგეობის აპარატის სპეციალისტი თენგიზ მაილაშვილი სამსახურიდან გაათავისუფლა. გამგებლის განცხადებით, მაილაშვილი თანამდებობიდან პირადი განცხადების საფუძველზე გათავისუფლდა. მაილაშვილი კი ამბობს, რომ განცხადება ზეწოლის შედეგად დაწერა. მისი თქმით, იგი გამგებელმა სამუშაო ოთახში დაიბარა და დაემუქრა, რომ თუ სამსახურს პირადი განცხადებით არ დატოვებდა, მას და მისი ოჯახის წევრებს სამაგალითოდ დასჯიდნენ.

„ადამიანის უფლებათა ცენტრმა“ ადგილობრივი თვითმმართველობის არჩევნების მონიტორინგის შუალედური ანგარიში წარმოადგინა

23 ივნისი, 2010

„ადამიანის უფლებათა ცენტრმა“ არჩევნების მონიტორინგის შუალედური ანგარიში დაასრულა. ფონდი „ღია საზოგადოება-საქართველოს“ მხარდაჭერით, 30 მაისს „ადამიანის უფლებათა ცენტრი“ მონიტორინგს სამეგრელო-ზემო სვანეთსა და კახეთის რეგიონებში ატარებდა.

კონფლიქტის რეგიონში ცხოვრება გაუსაძლისია, ხალხის შემოსავლებმა კატასტროფულად იკლო

23 ივნისი, 2010

20 ივნისი ლტოლვილთა საეთაშორისო დღეა. სულ რაღაც 9 წელია, რაც ამ დღეს მსოფლიოს სხვადასხვა ქვეყანაში და მათ შორის საქართველოშიც აღნიშნავენ. „რეალური ხალხი - რეალური საჭიროებები“ - ასეთი იყო გაეროს უმაღლესი კომისარიატისა და ლტოლვილთა და განსახლების სამინისტროს მიერ ჩატარებული საქველმოქმედო აქციების დევიზი 2009 წლის 20 ივნისს. თუმცა, როგორც ჩანს, მხოლოდ დევიზი საკმარისი არ არის და რეალურ საჭირობებს პრობლემების რეალური გადაჭრის გზების მოძიება სჭირდება.

პრეზიდენტის საიდუმლო ვიზიტი არაბეთის გაერთიანებულ ემირატებში

23 ივნისი, 2010

საქართველოს პრეზიდენტის ადმინისტრაცია არაბეთის გაერთიანებულ ემირატებში სააკაშვილის ვიზიტსა და კომპანია „ეტისალატის“ წარმომადგენლებთან შეხვედრას საგულდაგულოდ მალავს. არსებობს ვარაუდი, რომ პრეზიდენტის ვიზიტის მთავარი მიზანი იმ ტექნოლოგიების გაცნობა იყო, რომლებიც მობილური ტელეფონებიდან კონფიდენციალური ინფორმაციის ხელმისაწვდომობას სპეციალური სანქციების გარეშეც უზრუნველყოფს.

„ნუ წამართმევთ იმ ლუკმა პურს, რომელიც ჩემივე სიღატაკით მეკუთვნის“

22 ივნისი, 2010

ძველი ავეჯი, ფუნქციაშეცვლილი მაცივარი და საბჭოთა წარმოების ტელევიზორი „რეკორდი“ _ ეს არის ყველა ის ნივთი, რასაც სოციალური სუბსიდიების ერთიან სიაში რეგისტრირებისას მოქალაქე ელმირა ბაგიროვას ჰქონდა და დღესაც აქვს. თუმცა, 2009 წლის ივლისიდან ის დახმარებას ვეღარ იღებს, რადგან სოციალურმა აგენტმა თავიდან აღწერისას მისი სარეიტინგო ქულა გააორმაგა.

ექსპერტთა შეფასებით, მთავრობა საგადასახადო კოდექსს აუარესებს

22 ივნისი, 2010

საქართველოს პრესის ასოციაცია და ჟურნალ-გაზეთების ამომცემლები ახალი საგადასახადო კოდექსის პროექტს აპროტესტებენ. პროექტში დამატებითი ღირებულების გადასახადიდან გათავისუფლებულთა სიიდან ჟურნალ-გაზეთების აღმნიშვნელი კოდი ამოღებულია. ასევე, აღარ წერია მუხლი, რომელიც ბეჭდურ მედიას, სარეკლამო მომსახურების გაწევის შემთხვევაში, დღგ-სგან ათავისუფლებდა. პრესის ასოციაციის თავმჯდომარის ლაშა ტუღუშის განცხადებით, ჟურნალ-გაზეთები ამგვარ საგადასახადო წნეხს ვერ გაუძლებს და დაიხურება.

გაერთიანებულმა პროფკავშირებმა „ჯორჯიან მანგანეზთან“ მემორანდუმი გააფორმა

21 ივნისი, 2010

ზესტაფონსა და ჭიათურაში შპს „ჯორჯიან მანგანეზის“ დასაქმებულები საწარმოს ადმინისტრაციიდან დაპირებების შესრულებას ელოდებიან. ამ ხნის განმავლობაში „ჯორჯიან მანგანეზის“ ადმინისტრაციასა და საქართველოს გაერთიანებულ პროფკავშირებს შორის სისტემატური მოლაპარაკებები მიმდინარეობდა. რამდენჯერმე იყო საშიშროება, რომ მასობრივი საპროტესტო აქციები კვლავ განახლებულიყო. პროტესტის უფლებას დასაქმებულები იმ შემთხვევაში გამოიყენებდნენ, თუ მოლაპარაკებებით სასურველ შედეგს ვერ მიაღწევდნენ

პოლიციური რეჟიმი და ნეპოტიზმი კახეთში

21 ივნისი, 2010

კახეთის რვავე მუნიციპალიტეტში ახლადარჩეული საკრებულოების პირველი სხდომები ჩატარდა. ყველა საკრებულომ აირჩია თავმჯდომარე, მოადგილე და დანიშნა გამგებელი. მუნიციპალიტეტის გამგებლის თანამდებობის დასაკავებლად საკრებულოებში მხოლოდ ერთი განცხადება იყო შესული. თანამდებობებზე ძირითადად კახეთის გუბერნატორის პირველი მოადგილის გიორგი სიბაშვილის ნათესავები დაინიშნენ. ოპოზიციის წარმომადგენლებს არცერთი ხელმძღვანელი თანამდებობა არ მისცეს.

ფსიქიკური პრობლემების მქონე ადამიანების უფლებათა დარღვევები საქართველოში

21 ივნისი, 2010

ქვემოთ მოყვანილი ფაქტები გამოვლენილია „ადამიანის უფლებათა ცენტრის“ მიერ პროექტზე - „იურიდიული დახმარება ფსიქიკური პრობლემების მქონე ადამიანებისათვის“ მუშაობისას. პროექტი, რომელსაც აფინანსებდა ფონდი ABILIS-ი (ფინეთი), გრძელდებოდა 8 თვე და ამ დროისთვის დასასრულს უახლოვდება. პროექტის ფარგლებში „ადამიანის უფლებათა ცენტრი“ უფასო იურიდიულ დახმარებას უწევდა ფსიქიკური პრობლემების მქონე ადამიანებს და მათ ნათესავებს. გაწეულია 90–ზე მეტი კონსულტაცია. რიგი საქმეები გადაეცა სასამართლოს. ცენტრი მჭიდროდ თანამშრომლობდა ფსიქიატრიული სერვისების მომხმარებლებთან და იმ ორგანიზაციებთან, სადაც ფსიქიკური პრობლემების მქონე ადამიანები არიან ჩართულნი. პროექტის ფარგლებში ჩატარდა დახურული ფსიქიატრიული საავადმყოფოების მონიტორინგი, დავათვალიერეთ რეაბილიტაციის ცენტრები.

ადვოკატი ვახტანგ მაისაიას იზოლირებულ საკანში გადაყვანას მოითხოვს

18 ივნისი, 2010

ჯაშუშობისთვის ბრალდებული სამხედრო ექსპერტის, ვახტანგ მაისაიას ადვოკატმა, ნათია კორკოტაძემ 18 ივნისს მოწვეულ პრესკონფერენციაზე ჟურნალისტებს აცნობა, რომ მისი დაცვის ქვეშ მყოფ პატიმარზე კვლავ გრძელდება ფიზიკური და მორალური ზეწოლა. 6 ივნისს ვახტანგ მაისაია მის საკანში მყოფმა პალადი ბირკაიამ სცემა, რის შემდეგაც პასუხისმგებლობა სამხედრო ექსპერტსაც დაეკისრა და იგი ათი დღით კარცერში გადაიყვანეს. პალადი ბირკაიას კი საპყრობილის ადმინისტრაციამ კარცერში პატიმრობა მხოლოდ სამი დღე შეუფარდა.

პოლიციელებისთვის სავარჯიშო მოედნის მოსაწყობად ანდრონიკაშვილების საგვარეულო სახლი დაანგრიეს

18 ივნისი, 2010

გურჯაანში ანდრონიკაშვილების საგვარეულო სახლი დაანგრიეს, რომელიც მე-19 საუკუნეში იყო აშენებული. მუნიციპალიტეტის გამგეობამ შენობა აუქციონზე 13 700 ლარად გაყიდა. როგორც კახეთის საინფორმაციო ცენტრს გურჯაანის მუნიციპალიტეტის გამგებელმა შოთა უტიაშვილმა განუცხადა, შენობის ადგილზე პოლიციის თანამშრომლებისთვის სავარჯიშო მოედნის მოწყობაა დაგეგმილი.

ქუთაისის საკრებულო კვლავ „ნაციონალური“ უმრავლესობით დაკომპლექტდა

18 ივნისი, 2010

„უხმაურო, თუმცა ხარვეზებით ჩატარებული არჩევნები, რომელიც დარღვევებით და გაყალბებებით წინამორბედებს არაფრით ჩამორჩებოდა“, - ასე აფასებს ოპოზიცია 2010 წლის ადგილობრივი თვითმმართველობის არჩევნებს, რომელსაც შედეგად ადგილობრივ ხელისუფლებაში კვლავ მმართველი პარტიის მოსვლა მოჰყვა.

„პარიზის რეისი გადაიდო, ახლა ლენინგორში წადით!“ - რუსი სამხედროების მოდელირებული გეზი ქართველი მგზავრებისათვის

18 ივნისი, 2010

ახალგორის ადმინისტრაციულ საზღვართან რუსი სამხედროები, ყავისფერლაქებიან-ხაკისფერ ვაგონთან ერთად, აკურატულად გამოიყურებიან. თუკი თვალწინ 2008 წლის აგვისტოს კონფლიქტის დღეები გაგირბენს და გაგახსენდება, როგორი დაფეთებით ელოდა თბილისი რუსული ტანკების ქალაქში შემოჭრას, ავტომატურად იგულისხმებ, რომ აქაც, ახალგორის რაიონის სოფელ მოსაბრუნთან, სასტიკი სახის რუსები უნდა იდგნენ... მაგრამ საქმე მთლად ასე არაა. 18-20 წლის ცხვირპაჭუა რუსი წვევამდელები ისეთი სახით დგანან, თითქოს ავტომატის ნაცვლად, ხელში სათამაშო ეჭიროთ. ისინი ახალგორსა და მიმდებარე სოფლებში მიმავალ მგზავრებს თავაზიანი ღიმილით არეგისტრირებენ. ეტყობათ, ბრძანება აქვთ ასეთი.

ევროპულმა კომისიამ რასიზმისა და შეუწყნარებლობის წინააღმდეგ (ECRI) საქართველოს შესახებ ახალი ანგარიში გამოაქვეყნა

16 ივნისი, 2010

ევროპულმა კომისიამ რასიზმისა და შეუწყნარებლობის წინააღმდეგ ახალი ანგარიში გამოაქვეყნა საქართველოში რასიზმის, რასობრივი დისკრიმინაციის და შეუწყნარებლობის შესახებ. კომისია აღნიშნავს მის მიერ საქართველოზე გამოქვეყნებული ბოლო ანგარიშიდან დღემდე მიღწეულ პროგრესს, მაგრამ ამავდროულად აღწერს იმ საკითხებსაც, რომლებიც გამოსწორებას საჭიროებს. გთავაზობთ კომისიის ანგარიშის შემაჯამებელ დასკვნას.

საკუთრების მორიგი ხელყოფის ფაქტს „ადამიანის უფლებათა ცენტრი“ სტრასბურგში გაასაჩივრებს

16 ივნისი, 2010

15 ივნისს კერძო საკუთრების ხელყოფის მორიგ ფაქტთან დაკავშირებით „ადამიანის უფლებათა ცენტრში“ პრესკონფერენცია გაიმართა. საქმე ეხება „ფარმაკონ 11“-ის მესაკუთრეს, ნოდარ ბეგიაშვილს, რომელსაც საგადასახო სამსახურმა დავალიანების სახით 301472,95 ლარი დაარიცხა.

ზემო ლამბალო - განმეორებითი კენჭისყრა ზონდერების გარემოცვაში

15 ივნისი, 2010

12 ივნისს საგარეჯოს რაიონის სოფელ ზემო ლამბალოში, 47-ე საარჩევნო უბანზე, მაჟორიტარული სისტემით, ადგილობრივი თვითმმართველობის არჩევნების განმეორებითი კენჭისყრა ჩატარდა. ამ საარჩევნო უბნის შედეგები საგარეჯოს საოლქო - საარჩევნო კომისიამ, ცესკოს მითითებით, „ადამიანის უფლებათა ცენტრის“ ვიდეომასალის საფუძველზე გააუქმა. 30 მაისს ცენტრის დამკვირვებლებმა საარჩევნო უბანში გადაიღეს პირი, რომელიც საარჩევნო ყუთში ბიულეტენების ჩაყრას ცდილობდა, რის შემდეგაც საუბნო - საარჩევნო კომისიის თავმჯდომარემ აღნიშნული ბიულეტენები გაანადგურა.

სოფლის მხარდამჭერი საპრეზიდენტო პროგრამა ხელისუფლებამ საარჩევნო კამპანიისთვის გამოიყენა

15 ივნისი, 2010

ბაღდათის, ვანისა და სამტრედიის მუნიციპალიტეტებში სოფლის მხარდამჭერი საპრეზიდენტო პროგრამა თებერვლში დაიწყო და ადგილობრივი თვითმმართველობის არჩევნებამდე თითქმის ყველა პროექტი დასრულებული იყო. გასულ წელთან შედარებით ამ პროექტით გათვალისწინებული თანხები გაორმაგდა. ასევე დაჩქარდა სამუშაოების რიტმი. ადგილობრივი ხელისუფლების წარმომადგენლებმა პროექტების აბსოლუტური უმრავლესობის დაწყებას და დამთავრებას სამი თვე მოანდომეს. გასულ წელს კი პროექტების რაოდენობაც ნაკლები იყო და თანხაც, სამუშაოები კი წლის ბოლომდე გაგრძელდა.

საქართველოდან სტრასბურგში გაგზავნილი სარჩელების რაოდენობა იზრდება

14 ივნისი, 2010

სტრასბურგში, ადამიანის უფლებათა ევროპის სასამართლოში საქართველოდან გაგზავნილი სარჩელების რაოდენობა წლიდან წლამდე იზრდება. განსაკუთრებით ბევრი სარჩელი 2008-09 წლებში გაიგზავნა. „ადამიანის უფლებათა ცენტრი“ მოქალაქეებს ყოველგვარი ანაზღაურების გარეშე ეხმარება, დაიცვან საკუთარი უფლებები ევროპის სასამართლოში.

„არავის აქვს უფლება, როგორც მონებს, ისე მოგვექცეს“, - აცხადებენ მუშები, რომლებიც გაფიცვის გამო დააპატიმრეს

14 ივნისი, 2010

საპროტესტო აქცია, რომელიც ქუთაისის მეტალურგიული საწარმოს მუშებმა გასულ კვირას გამართეს, 7 ადამიანის დაკავებით დასრულდა. გაფიცულებმა საწარმოში შექმნილი არასაყოფაცხოვრებო პირობები და სახელფასო დავალიანებები გააპროტესტეს და საამქროებში შესვლაზე უარი თქვეს.

ახალგახსნილ საპატიმროში ადვოკატები პატიმრებთან შეხვედრას ვერ ახერხებენ

14 ივნისი, 2010

რუსთავში ახალი #1 სასჯელაღსრულების დაწესებულების გახსნაზე რამდენიმე დღის წინ ვწერდით. გეგმის მიხედვით, საპატიმრო 7 თვის შემდეგ უნდა გაეხსნათ. თუმცა გახსნის ცერემონიალი 1 ივნისს ჩატარდა „ნაციონალური“ პიარ-ცერემონიითა და რაღა თქმა უნდა, პრეზიდენტ სააკაშვილის თანხლებით.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC