გაფართოებული ძიება

სტატია

აირჩიეთ წელი

აირჩიეთ თვე

მძიმე არჩევნები

7 მაისი, 2008

ერთ ბინაში 93 ადამიანი იყო ჩაწერილი - რას დაუპირისპირებს ოპოზიცია გაყალბების ახალ მეთოდებს? წინასაარჩევნო კამპანია, როგორც ეს მოსალოდნელიც იყო, საკმაოდ დაძაბულად მიმდინარეობს. ოპოზიცია ამ კამპანიის არათანაბარ პირობებსა და მომავალი არჩევნების გაყალბების მცდელობაზე აქტიურად საუბრობს. საპასუხოდ ცესკო-ს საარჩევნო კოდექსში აქტიურად შეჰქონდა ცვლილებები. თუმცა ოპოზიციაზე ამ ცვლილებებმა სულ სხვაგვარად იმოქმედა. რატომ? რა გავლენას იქონიებს ბოლო დროს მიღებული ცვლილებები მომავალ არჩევნებზე? რა განასხვავებს საპარლამენტო წინასაარჩევნო კამპანიას სხვა კამპანიებისგან? გაყალბდება თუ არა არჩევნები და რა ტიპის გაყალბებები არის მოსალოდნელი?

დუისის მკვიდრი უგზო-უკვლოდ დაიკარგა

6 მაისი, 2008

,,ადამიანის უფლებათა ცენტრს“ ახმეტის რაიონის სოფელ დუისში მცხოვრები დავით გაურგაშვილის ახლობლებმა მომართეს. დავით გაურგაშვილი მეთერთმეტე დღეა დაკარგულია. ის 26 აპრილს დუისიდან თბილისში მიკრო ავტობუსით ჩამოვიდა, რათა იმავე დღეს რუსეთში გამგზავრებულიყო. უკანასკნელად გაურგაშვილი ისნის სადგურში ნახეს.

ძალდატანებითი შეხვედრა ნაცმოძრაობასთან

6 მაისი, 2008

"სოციალური პირობები გაუმჯობესდა, მაგრამ კიდევ უფრო მეტს გავაკეთებთ; გაზი გაქვთ, სასმელი წყლის პრობლემები გადაჭრის პროცესშია; პირველადი ჯანდაცვის პროგრამა ყველაზე აქტიურად კახეთში განხორციელდა. ქუჩები განათებულია, ბევრი რამ არის შეცვლილი და კიდევ ბევრს შევცვლით", - ამ სიტყვებით მიმართავდნენ კახელ ამომრჩეველს "ერთიანი ნაციონალური მოძრაობის" პარტიული სიის პირველი ნომრები დავით ბაქრაძე, კობა სუბელიანი, გიგი წერეთელი, გია როინიშვილი, ნუგზარ წიკლაური და ხათუნა ოჩიაური.

„ნაციონალური მოძრაობის“ წევრი გაზეთის დახურვის ინიციატივით გამოდის

6 მაისი, 2008

„ერთიანი ნაციონალური მოძრაობის“ წევრი მარინა უტიაშვილი, კახეთის რეგიონული გაზეთის „იმედის“ დახურვის ინიციატივით გამოდის. მმართველი პარტიის წარმომადგენელი ოფიციალურად აცხადებს, რომ გაზეთი, რომელიც სულ დარღვევებს ეძებს, არ უნდა არსებობდეს.

წალენჯიხაში გაერთიანებული ოპოზიციის საარჩევნო შტაბის ხელმძღვანელი დააკავეს

6 მაისი, 2008

შსს წალენჯიხის სამმართველოს თანამშრომლებმა გაერთიანებული ოპოზიციის საარჩევნო შტაბის ხელმძღვანელი, დავით ბელქანია 4 მაისს, საკუთარ სახლთან დააკავეს. მოგვიანებით იგი ნარკოლოგიურ შემოწმებაზე ზუგდიდში გადაიყვანეს. ხოლო მას შემდეგ, რაც ბელქანია ნარკოტიკული ნივთიერების ზემოქმედების ქვეშ არ აღმოჩნდა, გაათავისუფლეს. ეს, ბოლო ხუთი თვის განმავლობაში, ამავე მიზეზით, ოპოზიციის წარმომადგენლის დაკავების მესამე შემთხვევაა. დავით ბელქანია სამართალდამცველების მხრიდან მის მიმართ განხორციელებულ დევნის ფაქტებს მის პოლიტიკურ აქტიურობას უკავშირებს.

დეპუტატობის კანდიდატი ზეწოლაზე საუბრობს

6 მაისი, 2008

„ფოკიდან მცხეთამდე ჩავედი ფეხით და როგორმე ახალციხესაც მოვივლი“ - აცხადებს გოგოლაძე ახალციხის რაიონში საპარლამენტო არჩევნების მოახლოებასთან ერთად ვნებათაღელვაც თანდათან მატულობს. საქართველოს რესპუბლიკური პარტიის ახალციხის მუნიციპალიტეტის მაჟორიტარი დეპუტატობის კანდიდატი თამარ გოგოლაძე ზეწოლაზე საუბრობს: ,, ჩემი პარტიის წევრებს საუბნო კომისიიდან, იბარებენ სხვადასხვა ინსტანციებში და დირექტივებს აძლევენ. ვიცი, ვინც იბარებს. თუ არ შეწყდება ზეწოლა, აუცილებლად დავასახელებ მათ გვარებს და კიდევ სხვა საშუალებებს მივმართავ”.

ადვოკატის შიმშილობა - ეს ნიშნავს, რომ ამ ქვეყანაში მართლმსაჯულება მოკვდა

5 მაისი, 2008

ადვოკატებს დუმილი მობეზრდათ და წინასაარჩევნოდ გააქტიურდნენ. მათ ღიად გადაწყვიტეს ესაუბრათ იმ საკანონმდებლო ლაფსუსებსა და საერთოდ, ამ სფეროში არსებულ პრობლემებზე, რომლებზეც აქამდე ერთეულები საუბრობდნენ. „როდესაც ადვოკატი ქუჩაში გამოდის პროტესტის გამოსახატად და მას სხვა გზა არ დარჩენია, ეს ნიშნავს, რომ ქვეყანაში მართლმსაჯულება მკვდარია“ , - ასე აფასებს ცნობილი ადვოკატი ლია მუხაშავრია ქვეყანაში არსებულ მდგომარეობას. ჩვენ სწორედ მასთან ინტერვიუს გთავაზობთ.

,,არჩევნებზე ხალხის ნება არ სრულდება” - მიაჩნია ახალციხის მოსახლეობას

2 მაისი, 2008

ახალციხელი ამომრჩეველი მომავალ საპარლამენტო არჩვენებს პესიმისტურად უყურებს. უმეტესობა კი საპარლამენტო არჩევნებში მონაწილე სარჩევნო სუბიექტებსაც არ იცნობს.

აქტიური დამკვირვებელი გარიგებაზე უარის თქმის გამო დააკავეს

2 მაისი, 2008

საერთო-სამოქალაქო მოძრაობა „მრავალეროვანი საქართველო“-ს დამკვირვებელი, საბირ მეხტიევი, რომელიც 2008 წლის საპრეზიდენტო არჩევნებში აქტიურ დაკვირვებას აწარმოებდა, მას შემდეგ დააკავეს, რაც სადახლოს ადმინისტრაციულ-ტერიტორიული ერთეულის გამგეობის წარმომდგენელს, აფლატუნ ვალიევს გარიგებაზე უარი უთხრა.

სოზარ სუბარი: „არჩევნები აღარ უნდა გაყალბდეს!“

2 მაისი, 2008

სახალხო დამცველი ცესკოს თავმჯდომარეს არ ენდობა რატომ არ ენდობა სახალხო დამცველი ცესკოს თავმჯდომარეს? რატომ შევიდა ცვლილებები საარჩევნო კოდექსში სწორედ წინასაარჩევნოდ? რა კავშირი აქვს წინასაარჩევნო კამპანიას და აფხაზეთის პრობლემას? არჩევნებამდე 20 დღე დარჩა. წინასაარჩევნოდ შექმნილ ვითარებაზე „ადამიანის უფლებათა ცენტრი“ სახალხო დამცველს, სოზარ სუბარს ესაუბრა.

ხაშურის მოსახლეობა მოუწესრიგებელ კანალიზაციაზე ჩივის

1 მაისი, 2008

მინისტრთან შეხვედრისას კი ხალხს ლაპარაკის ეშინია ,,დიდი საინვესტიციო გარემო" - ასეთი შეფასება გაისმა ხელისუფლებისგან ხაშურის ერთ-ერთ უბანში, სადაც საერთო საცხოვრებელი კორსპუსები შეღებეს და გადახურეს. ,,ჯერ სახლებს გადაგიხურავთ, მერე გაზის მილებს მოგიყვანთ, მერე შეგიღებავთ და მერე ყველაფერიც იქნება" - ამშვიდებდა ხაშურში სტალინის ქ.32-ში მცხოვრებ მოსახლეობას ხაშურის საკრებულოს თავმჯდომარე, რომელიც ცდილობდა რამენაირად უკმაყოფილო ხალხი გუბერნატორს და რეგიონული მმართველობის მინისტრ დავით ტყეშელაშვილს მოერიდებინა.

ვინ არის დაინტერესებული კარალეთის ტყის განადგურებით?

1 მაისი, 2008

გორის რაიონის სოფელ კარალეთში ტყის მასივები მასიურად ნადგურდება. აღნიშნულ ინციდენტს ადგილობრივი მაცხოვრებლები აპროსტესტებენ. მათი თქმით, დაახლოებით 350 ჰა ფართობ ტყეს სახელმწიფო არავითარ ყურადღებას არ აქცევს.

პოლიციურ სახელმწიფოში პროკურორები გუბერნატორები ხდებიან

1 მაისი, 2008

იმერეთს ახალი გუბერნატორი ჰყავს. დასავლეთ საქართველოს საოლქო პროკურორი პრეზიდენტის სახელმწიფო რწმუნებულის თანამდებობაზე გასულ კვირას სახელმწიფო მინისტრმა რეგიონალური მართვის საკითხებში დავით ტყეშელაშვილმა თავად წარადგინა. ქუთაისელთა „წინასწარმეტყველება“ გამართლდა - დე-ფაქტო სიტუაცია ცენტრალურმა ხელისუფლებამ იურიდიულად გააფორმა.

შვიდი დევნილი ოჯახი კომპენსაციას ვერ იღებს

30 აპრილი, 2008

უზენაესი სასამართლოს გადაწყვეტილება აღუსრულებელია კომპენსაცია დევნილმა მოსახლეობამ აჭარის ჯანდაცვის სამინისტროს მიერ სიაში შეყვანის შემდეგ, უცხოურმა კომპანია „Adjara Resorts Holding B. V“-სგან უნდა მიიღოს. თუმცა, აჭარის მთავრობასა და კომპანიას შორის გაფორმებული ხელშეკრულებით, ამ უკანასკნელს ეს არ ევალება. მიიღებს თუ არა შვიდი დევნილი ოჯახი კომპენსაციას და როდის, უზენაესი სასამართლოს გადაწყვეტილების მიუხედავად, დღემდე გაურკვეველია.

ნაცმოძრაობამ წალენჯიხელებს მესამე მაჟორიტარი კანდიდატი წარუდგინა

30 აპრილი, 2008

22 აპრილს წალენჯიხელებს ნაცმოძრაობის მაჟორიტარი დეპუტატობის კანდიდატი, რუსეთში მოღვაწე ბიზნესმენი როლანდ ფიფია პარლამენტის ვიცე-სპიკერმა, მიხეილ მაჭავარიანმა წარუდგინა. ორი კვირით ადრე კანდიდატობაზე წარდგენილი და სკანდალურად მოხსნილი რაიონის მუნიციპალიტეტის გამგებელი გია მებონია და მუნიციპალიტეტის საკრებულოს თავმჯდომარე გია ხარჩილავა მომხდარს გაუგებრობად აფასებენ, ხოლო პრეზიდენტის ერთგულების მტკიცებაში ერთმანეთს ეცილებიან. წალენჯიხის მოსახლეობა კი განვითარებულ მოვლენებს შიდა სახელისუფლებო და შიდაპარტიულ დაპირისპირებას უკავშირებს.

„უფასო მხოლოდ ყველია სათაგურში“

30 აპრილი, 2008

წიწიბურა, წვნიანი, კარტოფილის პიურე, მაკარონი და ზოგჯერ, ძალიან იშვითად, ხორციანი შეჭამანდი - ეს იმ მენიუს შემადგენლობაა, რომელიც „ვარდების ხელისუფლებამ“ სოციალურად დაუცველ ფენას სამიოდე წლის წინ, წინასაარჩევნოდ შესთავაზა. მაშინ მთავრობამ ამ ჟესტით ამომრჩევლის ერთი ნაწილის გული მოიგო. წინ ისევ საპარლამენტო არჩევნებია და შესაბამისად, ამომრჩევლის გული კვლავ ხელისუფლების მთავარი სამიზნეა.

დეპუტატობის კანდიდატები ამომრჩევლის მოსყიდვით არიან დაკავებულნი

29 აპრილი, 2008

ამომრჩევლის მოსყიდვას საქართველოს საარჩევნო კოდექსთან ერთად, სისხლის სამართლის კოდექსიც კრძალავს. მიუხედავად ამისა, მაჟორიტარი დეპუტატობის კანდიდატები, ძირითადად "ერთიანი ნაციონალური მოძრაობიდან", ამომრჩევლებს საჩუქრებს და სხვა მატერიალურ ფასეულობებს უსასყიდლოდ, ან შეღავათიან ფასებში მაინც გადასცემენ. ასეთი ფაქტები ადგილობრივი და ცენტრალური ტელეკომპანიების მიერ თითქმის ყოველდღიურად შუქდება, მაგრამ ამ დრომდე არცერთი სისხლის სამართლის საქმე არ არის აღძრული.

„დიდი ყიდვა-გაყიდვა“ ჰოსპიტალურ სექტორში

29 აპრილი, 2008

„ადამიანის უფლებათა უნივერსალური დეკლარაცია“ განმარტავს, რომ ყველა ადამიანს აქვს უფლება, ჰქონდეს ცხოვრების ისეთი პირობები, რომლითაც დაცული იქნება მისი ჯანმრთელობა და სრულფასოვანი არსებობა. ჯანდაცვის უფლება აქვს, ყველას, განურჩევლად მისი ეროვნების, რწმენისა თუ სოციალურ-ეკონომიკური მდგომარეობისა. ბუნებრივია, ამ საერთაშორისო დოკუმენტში ქართველიც იგულისხმება, მისი ჯანმრთელობის დაცვისა და სხვა დანარჩენი უფლებით.

გორის ადგილობრივი ბიუჯეტის გაუმჭვირვალობის მიზეზები

29 აპრილი, 2008

,,ადამიანის უფლებათა ცენტრის“ გორის ოფისი გორში ადგილობრივი თვითმმართველობის ეფექტური მუშაობის ნაკლოვანებებზე ამახვილებს ყურადღებას. მიუხედავად იმისა, რომ თვითმმართველობის ზედამხედველობის ორგანო და მისი ხელმძღვანელი რწმუნებულ-გუბერნატორი ბიუჯეტის ხარჯების აბსოლუტურ გამჭვირვალობას შეგვპირდა, დღემდე ბიუჯეტის გაუმჭვირვალობა ადგილობრივი ხელისუფლების მთავარი სენია.

პოლიციამ მაჟორიტარი დეპუტატობის კანდიდატის და აშშ-ს მოქალაქის უფლები დაარღვია

29 აპრილი, 2008

23 აპრილს დაკავებულები ლაშა ჩხარტიშვილი, ირაკლი კაკაბაძე და „თანასწორობის ინსტიტუტის“ სხვა წევრები იმავე დღეს გაათავისუფლეს. იურისტების მტკიცებით, ლაშა ჩხარტიშვილის და ირაკლი კაკაბაძეს დაკავება უკანონო იყო, რადგან ერთი მაჟორიტარ დეპუტატობის კანდიდატი, ხოლო მეორე - ამერიკის შეერთებული შტატების მოქალაქეა.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC