პორტალი ადამიანის უფლებების შესახებ
სტატია
აირჩიეთ წელი:
2020
2019
2018
2017
2016
2015
2014
2013
2012
2011
2010
2009
2008
2007
2006
2005
2004
2003
2007-12-11
ანგარიშსწორება პოლიტიკური ნიშნით
პარლამენტის წევრის, ნიკოლოზ კვეზერელის ბიუროს წარმომადგენლები, რომლებიც კანონის შესაბამისად, ადგილობრივი მმართველობის მიერ, გამგეობის შენობაში გამოყოფილ ოთახში მუშაობდნენ, შენობიდან გააძევეს. ამის მიზეზი პრეზიდენტობის ერთ-ერთი კანდიდატის ბადრი პატარკაციშვილისთვის საპარლამენტო ფრაქცია "ჩვენი საქართველოს" მხარდაჭერა გახდა. გურჯაანის მაჟორიტარი დეპუტატი სწორედ ამ ფრაქციის წევრია. ბიუროს ხელმძღვანელის თქმით, ხელისუფლების გაღიზიანება, სამოქალაქო საზოგადოებასთან ბიუროს აქტიურმა თანამშრომლობამაც გამოიწვია.2007-12-11
„მკვდარი მუხლების'' ამნისტია
„საქართველოს სახელმწიფო, ჰუმანიზმის პრინციპიდან გამომდინარე, ერთჯერადი ხასიათის დროებითი და განსაკუთრებული ღონისძიების სახით, საზოგადოების საშიშროების ხარისხის გათვალისწინებით, ამ კანონის საფუძველზე, სისხლის სამართლებრივი პასუხისმგებლობისგან და სასჯელის მოხდისგან ათავისუფლებს საქართველოს სისხლის სამართლის კოდექსით გათვალისწინებულ დანაშაულში ეჭვმიტანილ, ბრალდებულ, განსასჯელ და მსჯავრდებულ პირებს'', - ეს არის ამონარიდი კანონმდებლობიდან ამნისტიის შესახებ, რომელიც ძალაში მისი გამოქვეყნებისთანავე, 2007 წლის 29 ნოემბერს შევიდა.2007-12-10
რეზერვისტებს პრეზიდენტობის კანდიდატთან შეხვედრას აიძულებენ
საპრეზიდენტო პროგრამა "პატრიოტის" მონაწილეების შემდეგ, მიხეილ სააკაშვილთან შეხვედრა რეზერვისტებსაც მოსთხოვეს. ამ მიზნით მათ გასულ კვირას, ადგილობრივი მუნიციპალიტეტების სამხედრო განყოფილებებიდან სპეციალური უწყებები დაუგზავნეს. წერილში მითითებულია, რომ 11 დეკემბერი დილის 10 საათისთვის გურჯაანის სპორტულ სტადიონზე გამოუცხადებლობის შემთხვევაში ისინი 500 ლარით დაჯარიმდებიან ან დაუმორჩილებლობისათვის თავისუფლებას აღუკვეთენ.2007-12-07
ხელისუფლება აბაშაში ლევან გაჩეჩილაძის საარჩევნო შტაბის გახსნას კრძალავს
მიხეილ სააკაშვილის აბაშელი მხარდამჭერების სიაში შესაძლოა გარდაცვლილთა გვარებიც აღმოჩნდეს.
პრეზიდენტობის კანდიდატის, ლევან გაჩეჩილაძის საარჩევნო შტაბის წევრები აბაშაში ოფისის გარეშე რჩებიან. ქირავნობის შესახებ ხელშეკრულების დადებისა და თანხის გადახდის შემდეგ მათ უკე მესამე ოფისი დაატოვებინეს. ფართის არც ერთი მეპატრონე რეალურ მიზეზს არ ასახელებს. პოლიტიკური მოძრაობა „თავისუფლების“ პოლიტსაბჭოს წევრი, კახა მიქაია ოფისების დახურვას ხელისუფლების მხრიდან განხორციელებულ მორიგ პროვოკაციად აფასებს და მთავარ დამკვეთებად აბაშის რაიონის მუნიციპალიტეტის გამგებელს, ბადრი ჩაჩავასა და პოლიციის რაიონული განყოფილების უფროსს, დავით დარსმელიძეს ასახელებს.
2007-12-07
გორში წინასაარჩევნოდ ,,ნაციონალები
არჩევნებამდე ერთი თვით ადრე, ადგილობრივმა სახელისუფლებო სტრუქტურებმა გორელი სტუდენტები სამთავრობო პარტიის კანდიდატის მხარდამჭერ აქციებში ოფიციალურად ჩართეს. სტუდენტების გარდა, საარჩევნო ფერხულში მთელი ადმინისტრაციული რესურსი მონაწილეობს. ,,ნაციონალები" ფიქრობენ, რომ რესპუბლიკის მასშტაბით, ამ რეგიონში პრეზიდენტობის კანდიდატი მიხეილ სააკაშვილი ყველაზე მეტ ხმას აიღებს.2007-12-06
რადიო „ჰერეთის“ ჟურნალისტები ზეწოლას უჩივიან
საქართველოს სახალხო დამცველი რადიო „ჰერეთზე“ განხორციელებული ზეწოლის ფაქტს აპროტესტებს და მის გამოძიებას ითხოვს. როგორც სოზარ სუბარმა განაცხადა, რადიო „ჰერეთის“ დირექტორს ხელისუფლებასთან გარიგება შესთავაზეს, უარის თქმის შემდეგ კი მას რადიოს დარბევით და დახურვით დაემუქრნენ. დამოუკიდებელ მედიაზე ძალადობას გამოეხმაურა საქართველოს რეგიონული მედიის ასოციაცია. არასამთავრობო ორგანიზაცია ჟურნალისტებს საკუთარი უფლებების დასაცავად თავგანწირული ბრძოლისაკენ მოუწოდებს.2007-12-06
ხარჯი ნაკლები, გადასახადი მეტი - ახალქალაქელები ელექტროენერგიის ზედმეტ გადასახადს აპროტესტებენ
ახალქალაქის მცხოვრებლებს ვერ გაუგიათ რატომ იხდიან რეალურად დახარჯული ელექტროენერგიის ღირებულებაზე მეტს. ზოგისთვის პრობლემა ძველი მრიცხველებია, ზოგი კი ზედმეტს ტარიფის განმსაზღვრელ პროგრამაში არსებული ხარვეზების გამო იხდის.2007-12-06
ვინ გაათბობს ბავშვებს?!
„ჩვენს სკოლაში გათბობის სისტემა კი დაამონტაჟეს, მაგრამ ჯერ არ ჩაურთიათ. ბავშვებს თითები გვეყინება და კალამს ვერ ვიჭერთ. ნუთუ არ გვაქვს უფლება, ნორმალურ პირობებში ვისწავლოთ? ამბობენ, იმისთვის, რომ გათბობის სისტემა ჩაირთოს და გავთბეთ, ფული უნდა შევაგროვოთ“, - განუცხადა „ადამიანის უფლებათა ცენტრის“ ქუთაისის ოფისს მეშვიდეკლასელმა მარიამ ირემაძემ. 2007-12-05
ოპოზიციონერთა ახლობლების სავაჭრო ობიექტები დალუქულია
7 ნოემბრის შემდეგ ბათუმში, საგადასახადო ინსპექციამ ოპოზიციური პარტიის ნათესავების ბიზნესის შემოწმება დაიწყო. საწარმოო ობიექტები დღემდე დალუქულია. მიუხედავად იმისა, რომ ბრძანებაში მითითებულია: „გადაუდებელი საკონტროლო საგადასახადო შემოწმება“, ინსპექცია რიგ ობიექტებში, ბრძანების გაცემიდან 15 დღის შემდეგ შედის შესამოწმებლად. 2007-12-05
სენაკელი პედაგოგი ლია სიჭინავა საკუთარი უფლებების დაცვას სასამართლოში გეგმავს
სენაკის #3 საჯარო სკოლის პედაგოგმა ლია სიჭინავამ სასამართლოში საკუთარი უფლებების დაცვა მას შემდეგ გადაწყვიტა, რაც დღის წესრიგში მისი სამუშაოდან გათავისუფლების საკითხი დადგა. იგი სკოლის დირექტორს, მერი წირღვავასა და ქართული ენისა და ლიტერატურის სამ პედაგოგს უპირისპირდება, რომლებმაც მისი სასწავლო საათების მითვისება გადაწყვიტეს. ლია სიჭინავა მშობლიური ენისა და ლიტერატურის გაკვეთილებს მე-7, 8 და 9 კლასებში ბოლო ორი წლის განმავლობაში პერიოდულად, სიმსივნით დაავადებული პედაგოგის ნაცვლად ატარებდა. იგი დღეს სკოლის დირექტორისა და სამეთვალყურეო საბჭოს გადაწყვეტილებას უკანონოდ მიიჩნევს და საკუთარი უფლებების დაცვას ცდილობს.2007-12-05
ქუთაისელი მძღოლები უმუშევართა არმიას უერთდებიან
10 თვეა, რაც ქუთაისი ტროლეიბუსის გარეშე დარჩა. 10 თვეა, ნახევარსაუკუნოვანი ისტორიის მქონე საწარმოს 100 თანამშრომელი უმუშევარია და ამაოდ ელოდება სამსახურში მდგომარეობის სასიკეთოდ შეცვლას. უმუშევრობის უმთავრესი მიზეზი, როგორც ირკვევა, ქუთაისის ტროლეიბუსების სამმართველოს ის მილიონნახევრიანი ვალია, რომელიც მას ბიუჯეტის წინაშე აქვს.2007-12-05
ჟურნალისტი პოლიციას სასამართლოში უჩივის
ჟურნალისტი გელა მთივლიშვილი საქართველოს შინაგან საქმეთა
სამინისტროს კახეთის მთავარ სამხარეო სამმართველოს სასამართლოში უჩივის.
სასარჩელო განცხადებით, იგი სამმართველოს ხელმძღვანელობისგან საჯარო
ინფორმაციის დაუყოვნებლივ გაცემას ითხოვს. 2007-12-04
გაერთიანებული ოპოზიციის მიტინგის მონაწილეებს ზუგდიდში დღემდე დევნიან
არსებობს თუ არა “კუდ”-ის მიერ დასაპატიმრებელთა სია?!
და-ძმა, ეკა და გურამ ხვიჩიები ზუგდიდში, 28 ოქტომბერს გამართული გაერთიანებული ოპოზიციის მიტინგის ის მონაწილეები არიან, რომლებიც მოსალოდნელ დაპატიმრებას არ შეუშინდნენ და დახმარებისათვის ,,ადამიანის უფლებათა ცენტრის” სამეგრელო-ზემო-სვანეთის ოფისს მიმართეს. ხვიჩიები ჯერჯერობით პირველები არიან, რომლებმაც დუმილი დაარღვიეს და კონსტიტუციური უსაფრთხოების დაცვის დეპარტამენტის რეგიონალური სამმართველოს მაღალჩინოსანი, ფრიდონ ანთია მათზე განხორციელებულ ზეწოლაში ამხილეს.
2007-12-04
დავამ უზენაეს სასამართლოში გადაინაცვლა
ცოტა ხნის წინ ქუთაისის სააპელაციო სასამართლომ ქართულ სამართალწარმოებაში ერთ-ერთი უპრეცედენტო გადაწყვეტილება მიიღო. სასამართლო კოლეგიამ ირმა პერანიძის თავმჯდომარეობით ”ჯეი-ეს-აი კვლევისა და სწავლების ინსტიტუტი ქალთა ჯანმრთელობის პროგრამა საქართველოში”, ქუთაისის ოფისის ყოფილი თანამშრომლის ირმა მარგველაშვილის სააპელაციო საჩივარი სრულად დააკმაყოფილა. უკანონოდ ცნეს ”ჯეი-ეს-აი”-ს ხელმძღვანელობის მხრიდან განხორციელებული ქმედება ირმა მარგველაშვილისათვის 2006 წლის 15 სექტემბერს დადებული შრომითი ხელშეკრულების გაუქმების თაობაზე და აღნიშნულ ორგანიზაციას აპელანტისთვის იძულებითი განაცდურის ანაზღაურება დაეკისრა.2007-12-03
ვაუჩერებით „ჩარეცხილები“
,,პრეზიდენტმა მწარედ მოგვატყუა და დაგვცინა" - აცხადებს გორელი პედაგოგი, რომელსაც იმედი ჰქონდა, რომ ამ ზამთარს მას ელექტროენერგიის საფასურის გადახდა არ მოუწევდა. როგორც გაირკვა, „სახალხო ბანკში“ მისულს განუცხადეს, რომ მის ვაუჩერს პრეზიდენტის ერთ-ერთი ბოლო ბრძანებულების მიხედვით, ფასი დაეკარგა. პრეზიდენტის ბრძანება იმის შესახებ, რომ საქართველოში ყველა პედაგოგი უფასო ელექტროენერგიის ვაუჩერით ისარგებლებს, ტყუილი აღმოჩნდა.2007-11-29
ზუგდიდში მილიონებად გარემონტებული სკოლები გათბობის სისტემის გარეშე
გათბობის ტრადიციულ საშუალებებს ზუგდიდის რაიონის საჯარო სკოლებში არც ამჯერად ღალატობენ. შეშა, დიზელის საწვავი და უკეთეს შემთხვევაში ელექტროგამათბობელი, კვლავ უალტერნატივოდ რჩება. მიუხედავად იმისა, რომ ქალაქის #1 და #2 საჯარო სკოლების რემონტში მილიონობით ლარი დაიხარჯა, გათბობის სისტება 2 წლის განმავლობაში არ ამოქმედებულა.2007-11-29
სტუდია „მაესტრო“ გარანტიებს ითხოვს
რატომ გაითიშა „მაესტროს“ სიგნალი?ძალოვანი სტრუქტურების წარმომადგენლების მიერ განხორციელებული რამდენიმე ზარის შემდეგ სტუდია „მაესტროს“ სიგნალი გაითიშა. შემეცნებითი პროექტი „პროფესია ჟურნალისტი“ ეთერის გარეშე დარჩა. გადაცემაზე მომუშავე ჟურნალისტები დანებებას არ აპირებენ. ისინი ყველა სამართლებრივ რესურსს გამოიყენებენ იმისათვის, რომ პროექტი ეთერში მაინც გავიდეს.
2007-11-29
პაციენტები ექიმს არაპროფესიონალიზმში ადანაშაულებენ
გურჯაანის რაიონული საავადმყოფოს ექიმ – პროქტოლოგ ლალი ქიტესაშვილს პაციენტები არაპროფესიონალიზმში ადანაშაულებენ. რამდენიმე ავადმყოფი მისგან განმეორებითი ოპერაციების გასაკეთებლად საჭირო ფულს ითხოვს და ექიმის წინააღმდეგ სასამართლოში სარჩელის შეტანას აპირებს. დაზარალებულები საქართველოს ჯანდაცვის სამინისტროს სამედიცინო საქმიანობის რეგულირების სააგენტოს სთხოვენ, ქიტესაშვილს ექიმად მუშაობის უფლება შეუჩერდეს.2007-11-29
პატარკაციშვილის გაჭირვება
ვინ და რატომ უტევს ბადრი პატარკაციშვილის ბიზნეს-აქტივებს?როგორც ბიზნესმენ ბადრი პატარკაციშვილის პრესსამსახური აცხადებს, მას შემდეგ, რაც ტელეკომპანია „იმედმა“ და „მთაწმინდის პარკმა“ 7 ნოემბერს ფუნქციონირება შეწყვიტა, ჯერი უკვე სს „სტანდარტ ბანკზე“ დადგა. 24 ნოემბერს საქართველოს ეროვნულმა ბანკმა „სტანდარტ ბანკში“ დროებითი ადმინისტრაცია დანიშნა. „სტანდარტ ბანკის“ მფლობელი ამერიკის შეერთებული შტატების საინვესტიციო ჯგუფია. ხოლო ბანკის მართვას „სალფორდ საქართველო“ ახორციელებს.
2007-11-28
განათლების სამინისტრო აფხაზეთში და სამაჩაბლოში დაღუპულ ქართველ გმირებს უარყოფს
გორის სკოლებს აფხაზეთისა და სამაჩაბლოს ბრძოლებში გმირულად დაღუპული გმირების სახელები მასიურად ჩამოერთვა. ამის პარალელურად, საჯარო სკოლებად გარდაქმნილ სკოლებს აკრძალული აქვთ განმეორებით იმავე გმირების სახელწოდების მინიჭება. ,,სკოლას შეიძლება მიენიჭოს მხოლოდ სამშობლოს დაცვის საქმეში თვალსაჩინო წვლილის მქონე ეროვნული ან საერთაშორისო მასშტაბით აღიარებული საერო ან სასულიერო პირის (შემდგომში გამოჩენილი ადამიანი) სახელი, რომლის გარდაცვალების დღიდან გასულია სულ მცირე 20 წელი." - წერია განათლების მინისტრის კახა ლომაიას 2007 წლის 16 მარტის ბრძანებაში.სხვა სიახლეები
თბილისის სააპელაციო სასამართლო პოლიციის ავტომობილის გატაცებაში მსჯავრდებულის საქმეს განიხილავს
Fidh-ის წარმომადგენლები ირაკლი ოქრუაშვილის სასამართლო პროცესს დააკვირდებიან
ადამიანის უფლებათა ცენტრის ახალი პროექტი - საზოგადოებრივი მოვლენების მონიტორინგი
ადამიანის უფლებათა ცენტრის და დამოუკიდებელი იურისტების კიდევ ერთი საპროტესტო აქცია გენერალურ პროკურატურასთან
ვაკანსია: ადამიანის უფლებათა იურისტი-ანალიტიკოსი
არქივი
გამოკითხვა
ბლოგი
უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კივრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
რედაქტორის აზრი
ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიანვრცლად...
უიმედოთა სოფელი
რა დაემართა სამართლიანობის აღდგენის ოცნებას
თემები
