13:05, Friday, 19.12.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტატია

აირჩიეთ წელი: 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2010-10-08
ჰამარბერგს შსს-ს მუშაობა არ მოსწონს, შსს-ს - ჰამარბერგის
სამხრეთ ოსეთის დე ფაქტო ხელისუფლება უგზო-უკვლოდ დაკარგულად ამ დროისთვის 140 ეთნიკურად ოს მოქალაქეს ასახელებს. სამხრეთ ოსეთის დე ფაქტო პრეზიდენტის წარმომადგენელი და სახალხი დამცველი, დავით სანაკოევი აცხადებს, რომ ამ რაოდენობაში გულისხმობენ არა მარტო 2008 წლის აგვისტოს ომის შემდეგ დაკარგულებს, არამედ 1989 წლიდან და 2008 წლამდე ყველა უგზო-უკვლოდ დაკარგულსაც.
2010-10-08
მოსამართლემ გივი ბერიკაშვილის ნათესავსაც პატიმრობა შეუფარდა
თბილისის საქალაქო სასამართლოს მოსამართლე ვაჟა ფუხაშვილმა მსახიობ გივი ბერიკაშვილის ნათესავს, „კიდობნის“ ინდმეწარმე ნინო ლორთქიფანიძეს აღმკვეთ ღონისძიებად წინასწარი პატიმრობა შეუფარდა. ნინო ლორთქიფანიძე იმ 18 ინდმეწარმეს შორისაა, რომელთა აღმკვეთი ღონისძიების საკითხი მოსამართლე ფუხაშვილმა 7 ოქტომბერს განიხილა.
2010-10-07
ფოცხოეწერის მდგმურები შველას ითხოვენ
აფხაზეთიდან დევნილი მადონა ვეკუა თბილისში, დევნილთა კომპაქტურად ჩასახლების შენობაში ცხოვრობდა. ორი თვის წინ ის კიდევ ერთხელ იქცა დევნილად - ოკუპირებული ტერიტორიებიდან დევნილთა, ლტოლვილთა და განსახლების სამინისტრომ ე.წ. „ზაკვოს“ შენობიდან სამეგრელოში ფოცხოეწერის დასახლებაში გადაასახლა. მადონა ვეკუა ჯანმრთელობას უჩივის. ფოცხოეწერში კი მკურნალობის არანაირი პირობა არ არსებობს. იქ საავადმყოფოც კი არ არის.
2010-10-07
სად გაქრა „სანდრას ავტობუსები“?
ზვიად ხმალაძე მუნიციპალურ ტრანსპორტს ჰყიდის

შპს „გორტრანსავტო“, რომელიც თავის დროზე მის მფლობელს, გუჯა ბერიკაშვილს გამგეობამ წაართვა, დღეს აუქციონის წესით სასწრაფოდ იყიდება. რატომ იყიდება საწარმო, რომლის გარშემო სასამართლო პროცესები მისი ადრინდელი მფლობელის სასარგებლოდ გადაწყდა?! ამ საკითხზე გუჯა ბერიკაშვილს პოზიციის დაფიქსირება არ სურს. თუმცა, კიდევ უფრო საინტერესოა ის ფაქტი, რომ შესაძლოა, ბერიკაშვილმა ამ აუქციონში მონაწილეობა მიიღოს. ფაქტობრივად, მას საწარმოს შესყიდვა მეორედ მოუწევს.
 
2010-10-07
კლინტონი კვლავ მოუწოდებს რუსეთს, საქართველოდან ჯარები გაიყვანოს
აშშ-ის სახელმწიფო მდივანმა, ჰილარი კლინტონმა რუსეთს კვლავ მოუწოდა საქართველოდან ჯარების გაყვანისკენ, როგორც ამას მოითხოვს შეთანხმებები, რითაც ორ ქვეყანას შორის 2008 წლის ხანმოკლე ომი დასრულდა.
 
2010-10-07
რომან გვენცაძე: „ვანო მერაბიშვილი ძალიან მომწონს, მაგრამ გონივრული ეჭვის შინაარსი ვერ გავიგე“
„1990-იანი წლების შემდეგ საქართველოს ასეთი ძლიერი შს მინისტრი არ ჰყოლია. ვანო მერაბიშვილი ყველა მათგანზე, მათ შორის ჩემზე გონიერი და ძლიერი კადრია. ეს ერთხელ ვთქვი და ერთ-ერთმა ოპოზიციონერმა თქვა: რომან გვენცაძე იმიტომ აქებს მერაბიშვილს, შვილი დაუწინაურა და შვილიშვილი გაათავისუფლაო. ტყუილია, ჩემი ბიჭი ისევ იმ თანამდებობაზეა. შვილიშვილი კი სასჯელს იხდის“, - აცხადებს ყოფილი შს მინისტრი რომან გვენცაძე, რომლისთვისაც დღევანდელი ძალოვანი სისტემა მისაღებია, თუმცა არც ხარვეზების აღიარებას ერიდება.
 
2010-10-07
კლინტონმა გილაური საქართველოში რთული საშინაო დავალებით გამოისტუმრა
„2012-2013 წლების არჩევნებში საქართველომ უნდა აჩვენოს, რომ არათუ აკმაყოფილებს, არამედ აჭარბებს კიდეც საერთაშორისო სტანდარტებს“

აშშ-ის სახელმწიფო დეპარტამენტმა სახელმწიფო მდივნის, ჰილარი კლინტონის გამოსვლის ოფიციალური ვერსია გამოაქვეყნა. კლინტონი სიტყვით 6 ოქტომბერს საქართველოსთან სტრატეგიული პარტნიორობის ქარტიის ფარგლებში გამართულ შეხვედრაზე გამოვიდა. შეხვედრას აშშ-ის სახელმწიფო დეპარტამენტში საქართველოს პრემიერ-მინისტრი ნიკა გილაური, ენერგეტიკის მინისტრი ალექსანდრე ხეთაგური და აშშ-ის სახელმწიფო მდივნის თანაშემწე ფილიპ გორდონიც ესწრებოდნენ. ჰილარი კლინტინის თქმით, თავისუფალი არჩევნები, სანდო ინსტიტუტები და აქტიური სამოქალაქო საზოგადოება გრძელვადიანი სტაბილურობისა და ნებისმიერი მთავრობის ლეგიტიმურობის საწინდარია.
 
2010-10-07
„კიდობანისა“ და „პასაჟის“ ინდმეწარმეების აღმკვეთი ღონისძიების შეფარდებისას სასამართლომ ბრალდების მხარის მოთხოვნა თითქმის სრულად დაკმაყოფილა
სავაჭრო ცენტრების „კიდობანის“ და „პასაჟის“ დაკავებული ინდმეწარმეების მიმართ ფინანსთა სამინისტროს საგამოძიებო სამსახურის მოთხოვნა თითქმის სრულად დაკმაყოფილდა. თბილისის საქალაქო სასამართლოს მოსამართლე ვაჟა ფუხაშვილმა წინასწარი პატიმრობა შეუფარდა იმ 10 ბრალდებულს, რომელთა მიმართაც გამოძიება დაპატიმრებას ითხოვდა.
 
2010-10-06
ქართველი და აფხაზი ჯარისკაცების შესანდობარი
იმ ემოციური სიტყვებიდან, რაც სოხუმის დაცემის მე-17 წლისთავთან დაკავშირებით მრავლად ითქვა, ყველაზე მეტად გულზე გენერალ გიორგი ყარყარაშვილის ნათქვამი მომხვდა: „დღეს ჩვენი შეკრება სადღეგრძელოს ჰგავს. მინდა ჩვენი დაღუპული თანამებრძოლების სულებიც მოვიგონოთ და ჩვენი ხელით დაღუპულთა შესანდობარიც დავლიოთო.“
2010-10-06
სკოლის სასადილო და საქვაბე დევნილებიანად გაყიდეს
სენაკში ყოფილი სკოლა-ინტერნატის შენობაში, სახელწიფო სტრატეგიიდან გამომდინარე, კომპაქტურ ცენტრებში ჩასახლებულ დევნილთა საცხოვრებელი სახლების საკუთრებაში გადაცემა და რეაბილიტაცია დაიწყო. თუმცა, აღმოჩნდა, რომ იქვე, სკოლის ყოფილ სასადილოსა და საქვაბეში ჩასახლებული დევნილების საცხოვრებელ ფართს არ გაარემონტებდნენ. ეს ფართი კერძო საკუთრებაში ყოფილა.
 
2010-10-05
რუსთავის თვითმმართველობის არაადეკვატური პრიორიტეტები
62 წლის თენგიზ სანიკიძე რუსთავის მერიას წამლებისთვის ოცლარიან ვაუჩერს სთხოვს. ,,არჩევნების წინა დღეებში გვითრეს, რომ მერია წამლებზე ოცლარიან ვაუჩერს მოგვცემდა.მეგობრობის ქუჩის 26 ნომერში ვცხოვრობ. ჩვენი კორპუსის ყველა პენსიონერი პოლიკლინიკაში ვიყავით მისული. გაგვატარეს რეგისტრაციაში. ერთი საათი მოგვიწია დგომა. შემდეგ მერიაში მივედით და პოლიკლინიკიდან წამოღებული ქვითარი მივუტანეთ. გვითხრეს - ვაუჩერები იქნებაო, მაგრამ ამ დრომდე არაფერი მიგვიღია“ - ჩივის სანიკიძე.
2010-10-05
მუნიციპალიტეტების „საიდუმლო“ მეგობარი ქალაქები
მუნიციპალიტეტებმა სხვადასხვა ქალაქებთან „მეგობრობას“ მოუხშირეს. მაგალითად, გორის მუნიციპალიტეტის საკრებულოს თავმჯდომარე ზვიად ხმალაძე უკრაინის ქალაქ ლუცკში „მეგობრობის“ მიზეზით ხშირად დადის. ბოლო ვიზიტის დროს მას თან შიდა ქართლის გუბერნატორი ზურაბ არსოშვილი ახლდა. რეალურად არავინ იცის, ამ ქალაქებს შორის ნამდვილი მეგობრობის მიზეზი. მით უმეტეს იმ ფონზე, როდესაც აგვისტოს თვეში შიდა ქართლის ხელისუფლების ვიზიტი უკრაინაში გასაიდუმლოებული იყო.
2010-10-05
სად ვიცხოვროთ? - ახალგორელების დილემა
ახალგორის რაიონში 2008 წლის აგვისტოს ომამდე დაახლოებით 7700 ადამიანი ცხოვრობდა. საომარი მოქმედებების შედეგად რაიონი რუსეთის საოკუპაციო ჯარებმა დაიკავეს, თუმცა სამხრეთ ოსეთის ყოფილი ავტონომიური ოლქის სხვა რაიონებისგან განსხვავებით, ახალგორში მასობრივი ეთნიკური წმენდა არ მომხდარა. ამჟამად ახალგორზე „ოკუპირებული ტერიტორიების შესახებ საქართველოს კანონი“ ვრცელდება და კანონის მოქმედების ვადით იქ საგანგებო მდგომარეობის რეჟიმია გამოცხადებული. 
 
2010-10-05
სამადლოდ დაბინავებულ დევნილებს ელექტროენერგიას გაუთიშეს და საცხოვრებლიდან გამოსახლებით ემუქრებიან
ხელისუფლების სტრატეგიით, საცხოვრებელდაკარგულ დევნილებს ახალ საცხოვრებელ ადგილებში ათავსებენ. ამ მიზნით სპეციალური მრავალსართულიანი სახლები ფოთშიც შენდება. ახალი სახლების ექსპლუატაციაში შესვლამდე ქალაქის მთავრობამ რამდენიმე ოჯახს უკვე გამოუყო საცხოვრებელი ადგილი. ეს არის გორგასალის ქუჩაზე #5/38 –ში არსებული ერთ-ერთი მრავალსართულიანი სახლი, რომლის აშენება ჯერ კიდევ  კომუნისტების პერიოდში დაიწყო და კოოპერატიული ბინა ერქვა. ხსენებული სახლი წლების განმავლობაში უპატრონოდ იყო დატოვებული კარკასის სახით. საბჭოთა ეპოქა ისე დამთავრდა, სახლს აშენება არ ეღირსა.
 
2010-10-04
მცოცავი ოკუპაცია, ცრუ განგაში თუ „მოდელირებული“ პროვოკაცია?!
29 სექტემბერს საღამოს გორის რაიონის სოფელ ნიქოზის თემის საკრებულოში შემავალი სოფლების (ზემო და ქვემო ნიქოზი, ზემი და ქვემო ხვითი) მოსახლეობა პანიკაში ჩავარდა. ნაციონალური ტელევიზიების მიერ გავრცელებული ცნობით, რუსეთის შეიარაღებულმა ძალებმა ზემო და ქვემო ნიქოზში გადმოიწიეს და  25 ჰა ფართობი დაიკავეს. აღნიშნულ ინფორმაციას მთელ თემში მხოლოდ ერთი ქალი ადასტურებს, რომელიც თავის მხრივ ამბობს, რომ ეს ინფორმაცია პოლიციელებმა უთხრეს.
2010-10-04
„გაყალბების ფაქტებით არც ერთი უწყება არ დაინტერესდა“
საქართველოს შინაგან საქმეთა მინისტრი და მთავარი პროკურორი უახლოეს დღეებში რესპუბლიკური პარტიის ქუთაისის საქალაქო ორგანიზაციის ხელმძღვანელისგან წერილს მიიღებენ. საქმე ეხება 2010 წლის ადგილობრივი თვითმმართველობის არჩევნებში განხორციელებულ დარღვევებს, რასაც ქუთაისში არჩევნების ტოტალური გაყალბება მოჰყვა. ნატო ქათამაძე იმ პირთა პასუხისმგებლობის საკითხის დაყენებას ითხოვს, ვინც გაყალბების პროცესში უშუალოდ მონაწილეობდა.
2010-10-04
არავითარი პირადი - კანონპროექტი, რომელიც თან იცავს და თან ასაჯაროებს
 
იქნება თუ არა დაცული ადამიანების პირადი ცხოვრება საქართველოში და რა გარანტიები არსებობს იმისათვის, რომ მათი პერსონალური მონაცემები არ გახდება  გარკვეული ნიშნით მათივე დისკრიმინაციის მიზეზი – ეს ის კითხვებია, რომლებიც ისმის იურისტების ნაწილის მხრიდან „პერსონალურ მონაცემთა დაცვის შესახებ“ კანონპროექტთან დაკავშირებით.
 
2010-10-04
„დაზარალებული ბრალდებულები“ „ნულოვანი ტოლერანტობისა“ და „შერჩევითი სამართლის“ მსხვერპლნი არიან
4 ოქტომბერს ადამიანის უფლებათა ცენტრის ოფისში გამართული საგანგებო პრესკონფერენცია საქართველოს საერთო სასამართლოებში გამოტანილ არაადეკვატურად მკაცრ განაჩენებს მიეძღვნა. კონკრეტულ მაგალითად უფლებადამცველებს 28 სექტემბერს თბილისის საქალაქო სასამართლოს მოსამართლის, ბადრი კოჭლამაზაშვილის მიერ გამოტანილი განაჩენი მოჰყავთ. კოჭლამაზაშვილმა ტექნიკური უნივერსიტეტის წინ ერთი წლის წინ დაჭრილ ახალგაზრდებს 3,5 წლით პატიმრობა და 3000-ლარიანი ჯარიმის გადახდა მიუსაჯა.
2010-10-01
პატიმარი არასწორი მკურნალობის გამო გარდაიცვალა
ირაკლი, გიორგი და ნიკა ახლა ფოტოსურათებით იხსენებენ მამას, კახაბერ ბეჟანიძეს, რომელიც გასული წლის 26 სექტემბერს პატიმრობაში გარდაიცვალა. კლინიკური დიაგნოზის მიხედვით, გარდაცვალების მიზეზი კუჭის და თორმეტგოჯა ნაწლავის წყლულოვანი დაავადება და მძიმე სეფსისი გახდა. სამედიცინო საქმიანობის სახელმწიფო რეგულირების სააგენტოს პროფესიული განვითარების საბჭომ ბეჟანიძის მკურნალი ექიმების მიმართ საქნცია გაატარა. თუმცა, ამ მხრივ, ყველაზე მაღალი სანქცია 4 თვით სერტიფიკატის შეჩერებაა. გარდაცვლილი პატიმრის მეუღლე, მარინა თურმანიძე კი, გარდაცვალებას არასწორ მკურნალობას აბრალებს და სახელმწიფოსგან კომპესაციის მოთხოვნას აპირებს. 
2010-10-01
„დანაშაული დეტალურად იქნება გამოძიებული, დამნაშავეთა ვინაობა დადგინდება და ისინი კანონის მიხედვით დაისჯებიან“
ჰამარბერგის მკაცრი ანგარიშით საქართველოს შსს-ც უკმაყოფილოა და ცხინვალის დე ფაქტო მთავრობაც

29 სექტემბერს ევროსაბჭოს ოფიციალურ ვებ-გვერდზე საქართველოში 2008 წლის აგვისტოს შეიარაღებული კონფლიქტის პერიოდში და მის შემდგომ უგზო-უკვლოდ დაკარგული პირების საქმეების გამოძიების მონიტორინგის შედეგები გამოქვეყნდა. დოკუმენტში შესულია ევროსაბჭოს ადამიანის უფლებების უმაღლესი კომისრის, თომას ჰამარბერგის შესავალი სიტყვა და ევროსაბჭოს ექსპერტების მოხსენებები.
 
1 2 [3] 4
სხვა სიახლეები
გამოკითხვა
თავდაცვის სამინისტროს მაღალჩინოსნების დაკავება არის:
კორუფციასთან და სამოხელეო დანაშაულთან ბრძოლა ბრძოლა ევროატლანტიკური კურსის წინააღმდეგ პოლიტიკური დევნა მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC