გაფართოებული ძიება

სტატია

აირჩიეთ წელი

აირჩიეთ თვე

გორელი გლეხები "მტკვარი ემ"-ს უნდობლობას უცხადებენ

8 აპრილი, 2008

გორის რაიონის სოფლები წყლის გარეშეა დარჩენილი. ხალხი ხელისუფლებას მოუწოდებს სასწრაფოდ შეწყვიტონ გაპიარებული არხების რეაბილიტაცია და წყალი დროულად გამოუშვან. ამ ეტაპზე სოფელში მსხვილფეხა პირუტყვისთვის დასალევი წყალი არ არის. არხები დამშრალია იმ მოტივით, რომ მისი რეაბილიტაცია მიმდინარეობს. მოსახლეობა ხელისუფლების ამ ქმედებას წინასაარჩევნო კამპანიას უწოდებს. იმ შემთხვევაში, თუ უახლოეს დღეებში არხებში წყალი არ გავა, სოფლებში შიმშილობაა მოსალოდნელი. აქამდე არც ჯეჯილია მორწყული, არც ხეხილი. სადმე ხანძარი რომ გაჩნდეს, არც მისი ჩასაქრობი წყალი იქნება სადმე.

მერიის ქმედება სახელად - რეკეტი

8 აპრილი, 2008

„ხელისუფლების თავხედობა ყოველგვარ ზღვარს სცილდება. საზოგადოება მუდმივი დაძაბულობის ქვეშ ცხოვრობს. დღეს სახლს ვყიდულობთ, ვიკანონებთ, ვიფორმებთ, ხვალ კი, მოდიან და გვეუბნებიან - აქაურობა სასწრაფოდ დატოვე, ეს სახლი შენი აღარააო. ეს ყველაფერი შეიძლება უსასრულოდ გაგრძელდეს, თუ ბოლოს და ბოლოს, შესაბამისი ზომები არ გატარდა“, - აცხადებს ადვოკატი ესმა ნორაკია. იგი ამ დასკვნამდე ქუთაისის მერიასა და სს „უნივერსალური ბირჟა რიონის“ ადმინისტრაციას შორის დაპირისპირებას მიჰყავს.

გორში პარლამენტარობისათვის ბრძოლა პიკს აღწევს

8 აპრილი, 2008

შიდა ქართლის ,,მედია-მაგნატი" ბადრი ნანეტაშვილი ცდილობს რამენაირად ხელისუფლებაში ისევ მოხვდეს. დაზუსტებული ინფორმაციით, ტელეკომპანია ,,თრიალეთის" დირექტორ ნანეტაშვილს პარლამენტარობა სურს, ეს იმ დროს, როდესაც 2006 წელის 21 ივნისს პარლამენტის უმრავლესობამ იგი პარლამენტიდან დაითხოვა. ნანეტაშვილი მაშინ იმიტომ გააძევეს პარლამენტიდან, რომ იგი პარალელურად სამეწარმეო საქმიანობას ეწეოდა, ხოლო თავისი ტელევიზიით ადგილობრივი ხელისუფლების მაღალჩინოსნებს და მეწარმეებს მწვავე სიუჟეტებით აშანტაჟებდა. ეს ყველაფერი სახალხო დამცველის 2006 წლის ანგარიშში დეტალურად არის აღწერილი.

ყრუ-მუნჯი ბავშვი სკოლაში სიარულს ითხოვს

7 აპრილი, 2008

გიორგი ბენდელიანი სკოლაზე ოცნებობს. იგი 10 წლისაა და დაბადებიდან ყრუ-მუნჯია. 2 წლის წინ გიორგი ზუგდიდში არსებულ სმენა და მეტყველებადარღვეულ ბავშვთა ჯგუფში სწავლობდა. თუმცა 1 წლის შემდეგ რაიონის მუნიციპალიტეტის გამგეობამ ჯგუფის ბიუჯეტიდან დაფინანსება შეწყვიტა და იგი დაიშალა. გიორგი მშობლიური სოფლის, ჯიხაშკარის საჯარო სკოლაშიც აღარ მიიღეს. დირექციამ მიზეზად ყრუ-მუნჯი ბავშვებისათვის საქართველოში სპეციალური სკოლების არსებობა დაასახელა.

„მონიტორმა“ ჟურნალისტური გამოძიების პრეზენტაცია მოაწყო

7 აპრილი, 2008

სახელმწიფოს მიერ ჩატარებული რეფორმების მიუხედავად, სასამართლო კვლავაც უსამართლო გადაწყვეტილებებს იღებს. სწორედ ამაზე მიუთითებს ნინო ზურიაშვილის მიერ ჩატარებული ჟურნალისტური გამოძიება, რომლის პრეზენტაციაც 4 აპრილს კინოს სახლში შედგა.

ქართულ-აფხაზური შერეული ოჯახები - დიდი რესურსი შერიგებისათვის

7 აპრილი, 2008

ქართველებს და აფხაზებს რაც დღემდე ისევ აერთიანებთ - ნათესაური კავშირები და შერეული ოჯახებია. ეს არის რესურსი, რომლის გამოყენებაც მხარეებს შორის ნდობის აღდგენისათვის მეტად მნიშვნელოვანია. ქართულ-აფხაზური შერეული ოჯახების ასოციაციას უკვე წლებია რეზო ბენდელიანი ხელმძღვანელობს.

სახალხო დამცველი მთავრობას დაზარალებული გლეხებისთვის კომპენსაციის გაცემას სთხოვს

4 აპრილი, 2008

საქართველოს სახალხო დამცველი სოზარ სუბარი, მთავრობას, მონტგომერის დაავადებით დაზარალებული მოქალაქეებისთვის კომპენსაციის გაცემას სთხოვს. შესაბამისი რეკომენდაცია ომბუდსმენმა უკვე გაუგზავნა პრემიერ მინისტრს ვლადიმერ გურგენიძეს და სახელმწიფო მინისტრს რეგიონული მართვის საკითხებში დავით ტყეშელაშვილს. იმ შემთხვევაში თუ მთავრობა სახალხო დამცველის რეკომენდაციას არ გაითვალისწინებს, დაზარალებულები მთავრობის წინააღმდეგ სასამართლოში სარჩელის შეტანას და საპროტესტო აქციების დაწყებას აპირებენ.

ხელისუფლებამ სასამართლო „ჯიბეში ჩაისვა“

3 აპრილი, 2008

სასამართლო პროცესებზე ვიდეოკამერების აკრძალვასთან დაკავშირებით, თავის დროზე, ქუთაისელმა ადვოკატებმა მწვავე პოზიცია გამოხატეს. მაშინ ადგილობრივი იურისტების დიდი ნაწილი აცხადებდა, ხელისუფლება ამას არ დასჯერდებოდა სასამართლო თანდათან სახეს დაკარგავდა. შესაბამისად, რეალობამოკლებული გახდებოდა ტერმინი „სამართლიანი სასამართლო“ და საქართველო საპროკურორო სახელმწიფოდ გადაიქცეოდა. დღეს ადვოკატები აცხადებენ, რომ ყველაფერი ისე მოხდა, როგორც მაშინ ფიქრობდნენ. სასამართლო ქვეყნის აღმასრულებელმა ხელისუფლებამ „ჯიბეში ჩაისვა“.

ვინ სჭირდება პარლამენტს უფრო მეტად: ბიზნესმენი თუ მძღოლი?

3 აპრილი, 2008

21 მაისის საპარლამენტო არჩევნებისთვის ბრძოლა უკვე დაწყებულია. პოლიტიკური პარტიები, როგორც ოპოზიციიდან, ასევე ხელისუფლებიდან, ამ პროცესში აქტიურად ჩაერთნენ. ყველა პარტიას ბრძოლის თავისებური მეთოდი აქვს. ნაციონალური მოძრაობა მოსახლეობის სიმპათიის მოპოვებას არა მხოლოდ დაპირებებით, არამედ ცნობადი სახეებითაც ცდილობს. ნაციონალური მოძრაობის სიაში იხილავთ არა მხოლოდ შემოქმედებს, არამედ პრაგმატულად მოაზროვნე ბიზნესმენებსაც. რატომ გაუჩნდათ წარმატებულ ბიზნესმენებს პოლიტიკაში გადასვლის სურვილი? არიან თუ არა ისინი მზად მიატოვონ საკუთარი აწყობილი საქმე და ოპოზიციასთან „ხელჩართულ ბრძოლაში“ ჩაერთონ?

ახალციხეში მცხოვრებ დევნილებს საცხოვრებელს ფართს ჯერ ვერ დაუკანონებენ

3 აპრილი, 2008

ქალაქ ახალციხეში მცხოვრები დევნილებს კიდევ ერთხელ გაუცრუვდათ იმედი. დევნილებმა საცხოვრებელი ფართის დასაკანონებლად მუნიციპალიტეტის გამგეობაში განაცხადები შეიტანეს, თუმცა, როგორც გაირკვა, ნაჩქარევად.

ადიდებულ ლიახვში გადაყრილი ქვები, წითელ-ყვითელი ფასადები, იაპონური კომშის ხეები - სიღარიბის წინააღმდეგ

2 აპრილი, 2008

ერთი კვირის განმავლობაში აღმასრულებელი ხელისუფლების თითქმის ყველა მაღალჩინოსანი გორს სტუმრობდა. მაღალჩინოსნები ადიდებულ წყალში ქვების ჩაყრის პროცესის ნახვას ერთმანეთს არ აცდიდნენ. მარნეულიდან ჩამოტანილი ქვების გროვების სანახავად თბილისიდან რამდენიმე მინისტრი მოადგილებითურთ ერთი მეორის მოყოლებით ჩამოვიდა. საბოლოოდ, გორში წინასაარჩევნო კამპანია მინისტრებმა ,,სიღარიბის წინააღმდეგ ბრძოლის“ ნიღბით დაიწყეს.

კახელი გლეხები მოსავლის გარეშე რჩებიან

2 აპრილი, 2008

კახელი გლეხების პროტესტმა პიკს მიაღწია. ათასობით ადამიანი უკვე ორი კვირაა სარწყავ წყალს ითხოვს. ამ მოთხოვნით მათ სოფლის მეურნეობის სამინისტროსთან ერთად, ადგილობრივ ხელისუფლებასაც რამდენჯერმე მიმართეს, მაგრამ უშედეგოდ. იმ შემთხვევაში თუ შპს "ალაზანმა" სარწყავ არხში წყალი დაუყოვნებლივ არ გაუშვა, წელს გლეხები მოსავლის გარეშე დარჩებიან. კიტრის, პომიდვრის და სხვა აგროკულტურების დიდი ოდენობა გვალვისგან უკვე განადგურებულია.

ბეტონის ფილების აყრა-დაგება - საარჩევნო კამპანიის განუყრელი ნაწილი

1 აპრილი, 2008

ზუგდიდში საარჩევნო კამპანიები ბეტონის ფილების აყრით იწყება და სრულდება. ადგილობრივი ხელისუფლება ტრადიციას არც ამჯერად ღალატობს და საპარლამენტო არჩევნების წინ ქალაქის ცენტრალური ნაწილის გადათხრას იწყებს. წელიწადის ყველა დროში ქვაღორღიან ტროტუარზე სიარული მოსახლეობას უკვე მობეზრდა და პროტესტის გამოხატვა დაიწყო, თუმცა უკმაყოფილება ზუგდიდის მთავარი ხეივნის ტერიტორიას ჯერჯერობით არ გასცდენია.

„მხოლოდ პენსიის გაზრდა ხალხზე ზრუნვას არ ნიშნავს“

1 აპრილი, 2008

დღეს პირველი აპრილია და ყოველგვარი ხუმრობის გარეშე, საქართველოში პენსიის ოდენობა იზრდება. ნახევარ მილიონზე მეტი პენსიონერი, მთელი ქვეყნის მასშტაბით, პენსიის სახით, დღეიდან 55 ლარის ნაცვლად 70 ლარს მიიღებს. ცენტრალური ხელისუფლება ხალხზე ''ზრუნვას'' განაგრძობს და ე. წ. ''სიღარიბის დაძლევის 50 დღიანი პროგრამის'' ფარგლებში, წინასაარჩევნოდ ამჯერად პენსიონერთა გულს იგებს.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC