პორტალი ადამიანის უფლებების შესახებ

თბილისში, სოცდაზღვევის ფონდის ხელმძღვანელის ზაზა სოფრომაძის დაკავებას საეჭვოდ დაემთხვა სამეგრელოს ოთხი რაიონის საპენსიო ფონდის ხელმძღვანელთა და პასუხისმგებელ პირთა ერთდროული დაკავება სამეგრელო - ზემო სვანეთის საოლქო პროკურატურის მიერ.

„ადამიანის უფლებათა საინფორმაციო და სადოკუმენტაციო ცენტრის“ გორის წარმომადგენლის საბა წიწიკაშვილის განცხადებით, გორის რაიონულ სასამართლოში მის მიერ მიცემული ჩვენების შინაარსი დაამახინჯეს. სასამართლოს სხდომის ოქმში დაფიქსირებული ჩვენება და პროცესზე წიწიკაშვილის მიერ მიცემული ჩვენების შინაარსი ერთმანეთისგან განსხვავდება.

შპს ,,ბორჯომი-ლიკანის”გათავისუფლებული თანამშრომლები კომპენსაციის მოთხოვნის მიზნით უკვე მერამდენედ ყოფილი სამსახურის წინ აქციებს მართავენ.

მოსკოვიდან დეპორტირებული აფხაზეთიდან დევნილი ირინე კალანდია განათლების მინისტრს სთხოვს, საქართველოში სწავლის გაგრძელების საშუალება მისცეს. მართალია, ის მოსკოვში ლეგალურად ცხოვრობდა, თუმცა ქართულ-რუსული პოლიტიკური დაპირისპირების მსხვერპლი აღმოჩნდა. 3 დღე-ღამე კამერაში და უძილო ღამეები, 3 საათი კი ბომჟებთან - ასეთია მე-3 კურსის სტუდენტის დეპორტაციის მოკლე ისტორია.

1991 წლიდან სამეგრელოში იარაღის ბუმია. მართალია, მეგრელებს თოფი ყოველთვის უყვარდათ, მაგრამ ცეცხლსასროლი იარაღის ასეთი რაოდენობა აქ არასოდეს ყოფილა კონცენტრირებული. პირველ რიგში, უნდა აღვნიშნოთ ის დაჯგუფებები, რომელთა ხელშიც იყო ეს იარაღი - ე.წ. ზვიადისტების რამდენიმე დაჯგუფება: 1. ბადრი ზარანდიას დაჯგუფება. 2. ჯამბულ ბოკუჩავას დაჯგუფება. 3. აკაკი ელიავას რაზმი. 4. ანზორ ჩხეიძის რაზმი. 5. გოჩა ესებუას ხალხი.

გაეროს დახმარებით უპატრონო ბავშვთა თავშესაფარში მყოფი ბავშვები ოჯახურ გარემოში ბრუნდებიან. ამისთვის ბავშვთა მიმღებ ოჯახებს მიზერულ თანხას უხდიან. დღევანდელი მდგომარეობით, ინტერნატიდან იმერეთში სულ 218 ობოლი და მშობელთა მზრუნველობას მოკლებული ბავშვი გამოვიდა. ზოგი საკუთარ ოჯახს დაუბრუნდა, ზოგიც როგორც შვილობილი დროებით უცხო ოჯახში ცხოვრობს.

ქართველი ხელოვანები და არასამთავრობო ორგანიზაციების წარმომადგენლები პრეზიდენტის კანცელარიასთან ძალადობის წინააღმდეგ კიდევ ერთხელ შეიკრიბნენ. მათ მთავრობის გამოსაფხიზლებლად და ადამიანის უფლებების დასაცავად მშვიდობიანი აქცია გამართეს ლოზუნგით „არა ძალადობას“, თუმცა პატრულმა ისინი ძალის გამოყენებით დაშალა.

გორში ურბანულმა ინსტიტუტმა და საქართველოს ახალგაზრდული ასოციაციის გორის ოფისის წარმომადგენლების მიერ შერჩეულმა სამუშაო ჯგუფმა მოსახლეობის გამოკითხვა ჩაატარა. შეირჩა ექვსი ახალგაზრდა, გამოკითხვებით მიღებული ინფორმაციის და მისი ანალიზის შედეგად, სამუშაო ჯგუფის მიერ რეკომენდაციები მომავალი თვითმმართველობისთვის შემუშავდა.

რუსეთ-საქართველოს ურთიერთობების დაძაბულობის ფონზე მატულობს იმ ადამიანთა რიცხვი, რომლებიც ქართული წარმოშობის გამო რუსეთის აგრესიის მსხვერპლნი ხდებიან. დეპორტაციის პირველი მსხვერპლი თენგიზ ტოგონიძე აღმოჩნდა, რომელიც პოლიციის განყოფილებაში 10 დღიანი ყოფნის შემდეგ მოსკოვის დამადედოვოს აეროპორტში გულის შეტევით გარდაიცვალა.

წელს პირველად, აგვისტოში, აჭარაში ტრეფიკინგის (ადამიანებით ვაჭრობა) მსხვერპლთა თავშესაფარი ამოქმედდა. გახსნის დღიდან, იქ სექსუალური ტრეფიკინგის მსხვერპლი გოგონა მოხვდა, რომელიც წარმოშობით გურიიდანაა. მისი ვინაობის გამხელა გამოძიების ინტერესებიდან გამომდინარე, საიდუმლოა, თუმცა ცნობილია, რომ ის სამართალდამცველებთან თანამშრომლობს და შესაძლებელია, ტრეფიკერთა კვალზე გასვლა.

ტერორი ჟურნალისტებზე ყოფილი თუ ახლანდელი ჩინოვნიკების მხრიდან კახეთში კვლავ გრძელდება. გასულ კვირას საქართველოს პარლამენტის ყოფილმა წევრმა დავით კაპანაძემ რადიო „ჰერეთის“ დირექტორს რამაზ სამხარაძეს სიტყვიერი და ფიზიკური შეურაცხყოფა მიაყენა. რადიოს დახურვის გარდა, დაზარალებულ ჟურნალისტს გატაცებითა და შვილის მოკვლითაც დაემუქრნენ.

შიდა ქართლის გუბერნატორი საკუთარ ფონდში თავმოყრილი თანხების უმისამართოდ ხარჯვის თაობაზე ჯერ კიდევ 2004 წელს იქნა მხილებული. მართლაც, ორი წლის წინ ფონდით დაინტერესებულმა ჟურნალისტებმა რწმუნებულის ფონდს ანალიზი კონტროლის პალატაში არსებული მონაცემებზე დაყრდონით გაუკეთეს. დღეს კი ახალი დარღვევების მოწმენი ვხდებით.

საქართველოში მცხოვრები ჩეჩენი ეროვნების მოქალაქის ჯარში იძულებით წაყვანისთვის შესაძლოა სამხედრო კომისარი და სოფელ ჯოყოლოს საკრებულოს თავმჯდომარე დააპატიმრონ. ვახიდ ბორჩაშვილი სამხედრო სამსახურიდან არასამთავრობო ორგანიზაციების ჩარევით 2 თვის შემდეგ გამოუშვეს, მისი ოჯახი კი საქმის ბოლომდე მიყვანას და დამნაშავის დასჯას ითხოვს.

მეზობლის ღუმელი, მაგიდა, რამდენიმე სკამი და საწოლი - ეს იმ ნივთების ჩამონათვალია, რაც ბარამიძეების ოჯახს დღეს გააჩნია. მათი საცხოვრებელი ადგილი მეზობლის ავტოფარეხია. იქ საცხოვრებლად მას შემდეგ გადავიდნენ, რაც სასაზღვრო პოლიციის აჭარის რეგიონალური სამმართველომ ისინი ბინიდან გამოასახლა.

წყალი პრობლემად სოფელ ხუცუბნის მოსახლეობას რამდენიმე წელია რაც გადაექცათ. „წვიმის დროს წყალს რაც შეგვიძლია ვავსებთ, რომ შემდეგ სარეცხისთვის ან სხვა რაღაცაებისთვის გამოვიყენოთ. ცხოვრობ სახლში და სისუფთავე ხომ გჭირდება ადამიანს“, - აცხადებს მაგული დიასამიძე, სოფელ ხუცუბნის მკვიდრი.

"დიდმა რუსეთმა" საქართველოს წინააღმდეგ სანქციების ამოქმედება დაიწყო. რუსეთში ებრძვიან და დევნიან ყველას, ვისაც ქართული გვარი აქვს. მნიშვნელობა არა აქვს, ქართველები რუსეთში ლეგალურად ცხოვრობენ თუ არალეგალურად, მათთვის ყველა ერთია. თბილისში უკვე ორი სატვირთო და ერთი სამგზავრო თვითმფრინავი ჩამოფრინდა, რომელმაც ბარგის ნაცვლად დეპორტირებული ქართველები ჩამოიყვანა.

საქართველოს თავდაცვის სამინისტროს სამხედრო პოლიციის დეპარტამენტმა 25 წლის სამხედრო მოსამსახურე როლანდ ქართველიშვილის წინააღმდეგ სს საქმე აღძრა. მას სსკ-ის 388 მუხლის მე-3 ნაწილით სამხედრო ნაწილის თვითნებურად მიტოვებისთვისთვის 2 წლიანი უმუშევრობა ან 3 წლიანი პატიმრობა ემუქრება.

ექკურსიების სეზონი ნელ-ნელა იწურება. უკვე რამდენიმე დღეა ისტორიულ ძეგლ უფლისციხეს დამთვავლიერებელი აღარ ჰყავს. მთელი ზაფხული მუზეუმის თანამშრომლები სტუმრებს ვერ ითვლიდნენ. მიუხედავად იმისა, რომ ისტორიულ ძეგლთან მისასვლელი თითქმის აღარ არსებობს, გასულ წელთან შედარებით უცხოელი ტურისტები წელს საკმაოდ ბევრნი იყვნენ.

„ადამიანის უფლებათა საინფორმაციო და სადოკუმენტაციო ცენტრი“ შეშფოთებას გამოთქვამს, ბოლო დროს, კახეთის რეგიონში დამოუკიდებელი ჟურნალისტების სიტყვიერი და ფიზიკური შეურაცხყოფების გამო. მიგვაჩნია, რომ ჟურნალისტთა უფლებების უხეშად დარღვევის ფაქტების გახშირება გამოწვეულია, ამ ფაქტების მიმართ ხელისუფლების ცინიკური დამოკიდებულებით, სამართალდამცავების უყურადღებობითა და კანონის დამრღვევთა დაუსჯელობით.

აფხაზურმა ადმინისტრაციამ 5 ოქტომბრის ადგილობრივი თვითმმართველობის არჩევნებისთვის გალში მკაცრი სანქციები შემოიღო. ქართული მოსახლეობა წინასწარ გააფრთხილა, რომ თუ არჩევნებში მონაწილეობის მისაღებად ზუგდიდში გადავიდოდნენ, მკაცრად დაისჯებოდნენ და ეს პირობა შეასრულა კიდეც.