11:20, Monday, 28.07.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტატია

აირჩიეთ წელი: 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2008-12-26
'ადამიანის უფლებათა ცენტრმა" სამართალდამცავებს ტრენინგი ჩაუტარა
,,წამების პრევენცია-საერთაშორისო კანონმდებლობის იმპლემენტაციის საკითხები” - ეს ის თემაა, რომელიც ,,ადამიანის უფლებათა ცენტრმა” და ,,წამების მსხვერპლთა რეაბილიტაციის ცენტრმა”  სამართალდამცავებთან ერთად ზუგდიდში განიხილა. სემინარის მუშაობაში ევროკავშირის წარმომადგენლებიც მონაწილეობდნენ. ,,ადამიანის უფლებათა ცენტრის” იურისტები პოლიციის, პროკურატურისა და სასამართლოს თანამშრომლებს საქართველოს კანონმდებლობასთან ერთად იმ საერთაშორისო დოკუმენტების მნიშვნელობას აცნობდნენ, რომლის რეალიზებაც ამ სტრუქტურებში აუცილებლობას წარმოადგენს.

2008-12-26
გლეხებს გაუქმებული გადასახადების გადახდას ახლიდან სთხოვენ
რეგიონალური საგადასახადო ინსპექციები გლეხებისგან იმ გადასახადის გადახდას მოითხოვენ, რომლის გადახდის ვალდებულებისგან მიწის მფლობელები პირველად 2000 წელს, ხოლო შემდეგ 2007 წლის 11 ივლისს საგადასახადო კოდექსში შესული ცვლილებით გათავისუფლდნენ. საგადასახადო ინსპექციამ გლეხებს უკვე შეატყობინა, რომ გადასახადის გადაუხდელობის შემთხვევაში მიწებს შემდგომი რეალიზაციის მიზნით, ყადაღას დაადებს.

2008-12-26
კახეთში საბიუჯეტო დაფინანსება სოციალურ სფეროებს არ ჰყოფნის
2008 წელს კახეთის მუნიციპალიტეტების საკრებულოებმა ადგილობრივ ბიუჯეტებში თანხების არ ქონის მიზეზით, სოფლებში მასობრივად გააუქმეს ბიბლიოთეკები, კულტურის სახლები, დაიხურა ათობით საბავშვო ბაღი. ძირითადად ამავე მიზეზით შემცირდა ან საერთოდ აღარ არის ბიუჯეტში  გათვალისწინებული სოციალური პროგრამების ხარჯები, საბიუჯეტო დაფინანსებაზე მყოფი რამდენიმე ორგანიზაციის ასობით თანამშრომელი კი ამ დრომდე უხელფასოდ არის დარჩენილი. სამაგიეროდ, 1500 – დან 2400 ლარამდე გაიზარდა გამგებლების, ხოლო 1000 ლარიდან 1500 ლარამდე საკრებულოს თავმჯდომარეების ხელფასები, ასევე, გამგეობის ოფისის და ე.წ. "სხვა" ხარჯები.

2008-12-26
წალენჯიხის საკრებულოს წევრი მედიის თავისუფლების შეზღუდვაზე ალაპარაკდა
წალენჯიხის მუნიციპალიტეტის საკრებულოს წევრმა, გიორგი ვეკუამ მედიის თავისუფლების შეზღუდვაზე სკანდალური განცხადება რაიონის გამგებლის არჩევნების მიმდინარეობისას გააკეთა. გასაკვირი ამაში არც არაფერი იქნებოდა, რომ არა ვეკუას ,,ნაციონალური” მანდატი. საკრებულოს სხდომაზე მან სხვა არანაკლებ სკანდალური განცხადებებიც გააკეთა. გიორგი ვეკუამ გამგებლის კანდიდატობიდან თავი კენჭისყრის პროცესშივე პროტესტის ნიშნად მოიხსნა. იგი მუნიციპალიტეტის გამგეობის საქმიანობის შესასწავლად დროებითი საგამოძიებო კომისიის შექმნასაც მოითხოვს.

2008-12-26
მოწმეებს სიმართლის თქმის ეშინიათ
,,ბიჭი ყვიროდა, ნარკოტიკი არ ჩამიდოთო“

ქობულეთის მკვიდრის პაატა კაიკაციშვილის დაკავებასთან დაკავშირებით მოწმეები არსებობენ, მაგრამ მათ სიმართლის თქმის ეშინიათ. 
კაიკაციშვილი, რომელიც ზურაბ ნოღაიდელის ნათესავია 27 ნოემბერს დააკავეს. დასკვნის თანახმად, „მას მარჯვენა ფეხის წინდაში 0,255 გრამი ჰეროინი აღმოაჩნდა“. თავად დაკავებული აცხადებს, რომ მას ნარკოტიკი ჩაუდეს.  იგივეს აცხადებენ თვითმხილველები. უშუალოდ სასამართლოზე კი მხოლოდ ოთხი მოწმე დაიკითხა. ოთხივე  კაიკაციშვილის დაკავების ოპერაციის მონაწილე პოლიცილეები იყვნენ.

2008-12-25
რუსი სამხედროები გალის რაიონში კონტროლს ამკაცრებენ
გალის რაიონის სოფელ ფიჩორში რუსული არმიის  განლაგებისა და მობილიზაციის პროცესი ქართველმა ჟურნალისტმა ორი დღის წინ საკუთარი თვალით იხილა. გაზეთ "სამეგრელოს ქრონიკის" ჟურნალისტი პაატა ლაგვილავა აფხაზეთის ამ სოფელში ახლობლების დახმარებით მოხვდა და დიდი რისკის მიუხედავად ფიჩორში ორი დღე-ღამე დაჰყო. ჟურნალისტმა მოსახლეობასთან გასაუბრება და ფოების გადაღებაც შეძლო. ფიჩორელები მძიმე სოციალურ პირობებსა და პოლიტიკურ ვითარებაზე საუბრობენ.

2008-12-24
,,ღირსეული დასაწყისის“ უღირსი დასასრული
საქართველოს მთავრობის  3 დეკემბრის დადგენილებით გაუქმდა ახალშობილების დახმარების სახელმწიფო პროგრამა.  პროგრამა იმ ოჯახებს ეხებოდა, რომელთაც სოციალურად დაუცველი ოჯახების მონაცემთა ერთიან ბაზაში 100 000-ის ტოლი ან ნაკლები ქულა  ჰქონდათ დაგროვებული.

2008-12-23
საოპერაციო ავადმყოფი ციხეში ზის
გულის მანკით დაავადებულ პატიმარს მკურნალობის საშუალებას არ აძლევენ. დაკავების დღიდან ის ძლიერ ტკივილს უჩივის, მაგრამ სასჯელაღსრულების დეპარტამენტის ინფორმაციით, მისი  საავადმყოფოში გადაყვანა შესაბამისი ექსპერტიზის დასკვნის გარეშე ვერ ხერხდება.

2008-12-23
სადაზღვევო კომპანიების აგენტები პედაგოგებს შანტაჟირებას უწევენ
სადაზღვევო კომპანიების აგენტები, რომლებიც ძირითადად საგანმანათლებლო რესურს-ცენტრების თანამშრომლები, მათი ოჯახის წევრები, ახლო ნათესავები ან საჯარო სკოლების დირექტორები არიან, პედაგოგებს სადაზღვევო ხელშეკრულებების გაფორმებას კონკრეტულ კომპანიასთან ავალდებულებენ, წინააღმდეგ შემთხვევაში კი მათ სკოლიდან გათავისუფლებით ემუქრებიან.

2008-12-23
კონკურსმა ადამიანის უფლებებზე გამარჯვებულები გამოავლინა
„ადამიანის უფლებათა ცენტრისა“ და ვებ-პორტალ „humanrights.ge-ს მიერ ორგანიზებული კონკურსის შედეგად, ადამიანის უფლებებზე მომზადებული საუკეთესო  მედია–ნამუშევრები გამოვლინდა. დაჯილდოვების ცერემონიალი 17 დეკემბერს, თბილისში, გალერეა „კოპალაში“ გაიმართა.
2008-12-23
პიარისთვის დახარჯული ასიათასობით ლარი და "უცნობი" გამგებლები
გელა მთივლიშვილი, გურჯაანი

ოფიციალური ინფორმაციით, კახეთში, მუნიციპალიტეტების ბიუჯეტებიდან ადგილობრივი ხელისუფლების მიერ გაწეული საქმიანობის გასაშუქებლად ყოველწლიურად 350 ათასამდე ლარი იხარჯება. გარდა იმისა, რომ ამ თანხიდან ფინანსდებიან გამგეობასთან არსებული რაიონული გაზეთები, ,,საინფორმაციო – სარეკლამო მომსახურებისათვის“ თანხის მნიშვნელოვან ნაწილს იღებენ დამოუკიდებელი ელექტრონული და ბეჭდვითი მედიასაშუალებებიც. დამატებით, ე.წ ,,სხვა“, კულტურის და გამგეობის ოფისის ხარჯებიდან ფინანსდება ღონისძიებები, რომელიც მიზნად ასევე ადგილობრივი ხელისუფლების პიარს ისახავს. მიუხედავად იმისა, რომ რაიონების პირველი პირები თითქმის ყოველდღიურად ხვდებიან ტელეკომპანიების ეთერში თუ საგაზეთო გვერდებზე, გამოკითხულთა 82 პროცენტზე მეტმა არ იცის, ვინ არის მისი რაიონის გამგებელი.
2008-12-23
სამცხე–ჯავახეთის ხუთი ძირითადი პრობლემა
ახალქალაქში გაიმართა რეგიონული კონფერენცია, რომლის სახელწოდება იყო:  "მოთმინება, ტოლერანტობა და სამოქალაქო ინტეგრაცია". სამოქალაქო საზოგადოების წარმომადგენლებმა  ერთობლივი რეზოლუცია მიიღეს.
2008-12-23
პერევი რუსების დაბრუნების შემდეგ
პერევი, სადაც რუსი ოკუპანტები კვლავ შემოვიდნენ, ისევ შიშის ქვეშ ცხოვრობს. მოსახლეობა აცხადებს, რომ ასეთი დაზაფრული ოკუპანტთა მოსვლის პირველ დღეებში არ ყოფილან, რომ სამხედროთა შემობრუნება მათ კარგს არ მოასწავებს.
2008-12-23
წალენჯიხაში პოლიციელებმა ეჭვმიტანილები სცემეს
ნანა ფაჟავა,ზუგდიდი

11 დეკემბერს თორნიკე კვარაცხელია და რაიბულ ფიფია წალენჯიხის პოლიციის სამმართველოს თანამშრომლებმა სასტიკად სცემეს. ისინი ავტომანქანის გატაცებაში არიან ეჭვმიტანილები, თუმცა ორივე დაკავებულის ჯიბეში პოლიციელებმა ნარკოტიკული საშუალება "მარიხუანა" და ხელყუმბარა "ღმოაჩინეს". კვარაცხელია და ფიფია ავტომანქანის გატაცებაში მონაწილეობას უარყოფენ, ამასთან ირწმუნებიან, რომ "მარიხუანაც" და ხელყუმბარაც პოლიციელებმა ჩაუდეს. ადვოკატმა თემურ ქარდავამ ეჭვმიტანილებთან შეხვედრა დაკავებიდან მხოლოდ 14 საათის შემდეგ შეძლო.
2008-12-23
კახეთის გუბერნატორის ადმინისტრაციის თანამშრომელთა უმეტესობამ ატესტაცია ვერ გაიარა
20 დეკემბერს კახეთის მხარეში სახელმწიფო რწმუნებულის ადმინისტრაციის თანამშრომლებმა ატესტაცია გაიარეს. ტესტირების შედეგად 15 გამოსაცდელიდან გამსვლელი ქულების დაგროვება მხოლოდ ოთხმა შეძლო. გუბერნატორის ადმინისტრაციის საკონკურსო-საატესტაციო კომისიის დებულების მიხედვით, ატესტაციის მიზანი რწმუნებულის ადმინისტრაციაში დასაქმებულ მოხელეთა პროფესიული ჩვევების, კვალიფიკაციის, შესაძლებლობებისა და პირადი თვისებების დაკავებულ თანამდებობასთან წაყენებულ მოთხოვნებთან შესაბამისობის შეფასება იყო. მიუხედავად ამისა, გუბერნატორის მოადგილეებს ტესტირებაში მონაწილეობა არ მიუღიათ.

2008-12-22
დევნილი ბავშვები ტყეში იყინებიან
ოფიციალური მონაცემებით, ამ დროისთვის კახეთში შიდა ქართლიდან და ცხინვალის რეგიონიდან დევნილი 200-მდე ადამიანი ცხოვრობს. აქედან 120-ზე მეტი დევნილი ლაგოდეხში, თელავსა და საგარეჯოში გაუქმებული საგანმანათლებლო დაწესებულებების შენობებში შეასახლეს. გაეროს სასურსათო პროგრამით გათვალისწინებული მწირი დახმარება მხოლოდ კომპაქტურად ჩასახლებულ დევნილებს ეძლევათ. ნათესავებთან და მიტოვებულ სახლებში მცხოვრებ იძულებით გადაადგილებულ პირებს კი ხშირად პურიც არ აქვთ.

2008-12-22
ახალციხის სახანძროდან ორ კილომეტრში სახლები დაიწვა
18 დეკემბერს, საღამოს, ქალაქ ახალციხეში ქეთევან წამებულის ქუჩაზე მოულოდნელად გაჩენილმა ხანძარმა ოთხი საცხოვრებელი სახლი მნიშვნელოვნად დააზიანა. იმის გამო, რომ სახანძრო სამსახურში ტელეფონი არ მუშაობს, სამაშველო სამსახური შემთხვევის ადგილზე ნახევარი საათის დაგვიანებით გამოჩნდა. აღსანიშნავია, რომ სახანძრო სამსახური ქეთევან წამებულის ქუჩიდან ორ კილომეტრში მდებარეობს.     

2008-12-19
არასწორი რუკების მიხედვით გაცემული მიწები
შიდა ქართლში მასობრივად დაიწყო იჯარით გაცემული მიწების შესყიდვა. ამის პარალელურად რამდენიმე სოფელში აქციებიც კი გაიმართა. მაგალითად სოფელ ზეღდულეთის მცხოვრებლები აპროტესტებენ სოფლის საძოვრების პრივატიზების ფაქტს და აცხადებენ, რომ არასასოფლო-სამეურნეო დანიშნულების მიწას ღარიბი და უქონელი გლეხი ვერ შეისყიდის. ერთადერთი გამოსავალი სოფელმაც მოძებნა. დაიწყეს თანხის შეგროვება. შეგროვებული თანხა გლეხებს ხელში შერჩათ. მიწის ფართობები უკვე სხვისი საკუთრება აღმოჩნდა. როგორც ირკევევა, წლების განმავლობაში მიწების გაცემა არასწორი რუკების მიხედვით ხდებოდა.
2008-12-19
უპრეცედენტო სასამართლო პროცესი
ქობულეთის მკვიდრი პაატა კაიკაციშვილი, რომელიც ზურაბ ნოღაიდელის ნათესავია 27 ნოემბერს დააკავეს. საბრალდებო დასკვნის თანახმად, „პაატა კაიკაციშვილს მარჯვენა ფეხის წინდაში ვერცხლისფერ ფურცელში გახვეული 0,255 გრამი ნარკოტიკული საშუალება, ჰეროინი, აღმოაჩნდა“. უკვე 3 დეკემბერს მის მიმართ სასამართლომ გამამტყუნებელი განაჩენი გამოიტანა. მას 7 წლით პატიმრობა და 5 ათასლარიანი ჯარიმა დაეკისრა. ატვოკატის მტკიცებით, სასამართლო მიკერძოებული იყო.

2008-12-11
ახალშობილების დახმარების პროგრამა გაუქმდა
საქართველოს მთავრობის 2008 წლის 3 დეკემბრის დადგენილებით, ხელმოკლე ოჯახებში დაბადებული ახალშობილების დახმარების მიზნობრივი სახელმწიფო პროგრამა გაუქმდა. 2008 წლის 5 იანვრის საპრეზიდენტო არჩევნების წინ, მიხეილ სააკაშვილის მიერ დაპირებული 1000 ლარიანი დახმარება ახალშობილებზე 5 დეკემბრიდან აღარ გაიცემა.

[1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC