08:36, Monday, 22.12.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტატია

აირჩიეთ წელი: 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2008-10-31
რუსულ-აფხაზური პროვოკაციის შედეგები და მორიგი ქართული შეცდომა
წალენჯიხის რაიონის სოფელ მუჟავაში განხორციელებულ აფეთქებას ორი ადამიანის სიცოცხლე ემსხვერპლა. რაიონის გამგებელი გია მებონია და ადგილობრივი მცხოვრები ოთარ საბულუა აფეთქების შედეგად ადგილზევე დაიღუპნენ. შემთხვევის ადგილზე დაჭრილი ზვიად ლაგვილავა კი ურთულესი ქირურგიული ოპერაციის შედეგად მკურნალობას ზუგდიდის ცენტრალურ საავადმყოფოში გადის. ოფიციალური ინფორმაციით აფეთქება მართვადი ნაღმის საშუალებით რუსულ-აფხაზური ბლოკ-პოსტიდან მაშინ განხორციელდა, როცა სამართალდამცავები, გამნაღმველები, ხელისუფლების წარმომადგენლები და ჟურნალისტები ღამით დაცხრილული საბულუას სახლის დასათვალიერებლად იყვნენ მისულები.

2008-10-31
კონფლიქტის ზონაში დაბრუნებული დევნილების უსაფრთხოება დღემდე არ არის დაცული
დაბრუნების იძულება თუ საკუთარი სურვილი?

მოროდიორობის, ადამიანების ცემისა და წამების ფაქტების, ეზოებსა და ბაღებში დატოვებული ნაღმების მიუხედავად, 38 ათასი დევნილი კონფლიქტის ზონაში, საკუთარ სოფლებში მაინც დაბრუნდა. ბევრ მათგანს ბოსლებში ან მეზობლებთან უწევს ცხოვრება, რადგან მათი სახლები დამწვარია. მთავრობა ირწმუნება, რომ დევნილები სოფლებში საკუთარი სურვილით ბრუნდებიან. მათ კი, ვისაც  დაბრუნების ეშინია ან სახლი აქვთ დანგრეული, ალტერნატიულ საცხოვრებელ ფართს სთავაზობენ. თუმცა ექსპერტები, რომლებიც ასევე უშუალოდ დევნილებთან მუშაობენ, დაბრუნების სხვა მიზეზებზე საუბრობენ.

2008-10-29
შიდა ქართლის პროკურატურა მფარველობს ყოფილ გამგებელს
გორის რაიონის სოფელ ატენში მაცხოვრებელი  გურამ მიხანაშვილი ძმის,  რობიზონ მიხანაშვილის წყალობით იძულებული გახდა სოფელი ცოლ-შვილიანად დაეტოვებინა. ისინი 2 წელია ცდილობენ მამა-პაპური მიწა-წყალი რობიზონ მიხანაშვილისგან დაიბრუნონ, თუმცა ამაოდ. შიდა ქართლის პროკურატურა მიიჩნევს, რომ რობიზონ მიხანაშვილს, რომელიც ერთ დროს სოფელ ატენის გამგებელი იყო, საეჭვო არაფერი ჩაუდენია. გამოძიების მასალების მიხედვით კი, სოფლის ყოფილმა გამგებელმა აჩეხა ძმის ოჯახის ვაზი, დაანგრია ხეივნის რკინის კონტრუქციები, ასევე საწნახელი... საწნახელის სამშენებლო ქვა კი უკვალოდ გააქრო.

2008-10-29
არადამიანურად მოპყრობის საქმეს სტრასბურგის სასამართლოსთვის ამზადებენ
სიღნაღის რაიონული პროკურორის მოადგილემ იოსებ გულოშვილმა მოქალაქე გელა კუტიბაშვილის მიმართ არაადამიანური მოპყრობის ფაქტზე აღძრულ სისხლის სამართლის საქმეზე გამოძიება შეწყვიტა. პროკურორი დადგენილებაში მიუთითებს, რომ სიღნაღის პოლიციის უფროსის მოადგილეს ოთარ დიღმელაშვილს გელა კუტიბაშვილისთვის ფიზიკური შეურაცხყოფა არ მიუყენებია. გულოშვილის მტკიცებით, კუტიბაშვილმა ჯანმრთელობის დაზიანება პოლიციის თანამშრომლებისთვის წინააღმდეგობის გაწევის დროს მიიღო, რასაც დაზარალებული კატეგორიულად უარყოფს. მისი თქმით, პოლიციის უფროსის მოადგილემ მას სახე მანქანის ძარაზე რამდენჯერმე დაარტყმევინა, რის შედეგადაც დაინვალიდდა.

2008-10-27
ქეიფი და დროსტარება პედაგოგების ხელფასების ხარჯზე
ბაკურციხის აგრარულ-სამრეწველო კოლეჯის 35 პედაგოგი მეორე წელია 2006 წლის აგვისტოს, სექტემბრის, ოქტომბრის, ნოემბრის და დეკემბრის თვეების ხელფასებს უშედეგოდ ითხოვს. ოფიციალური ინფორმაციით, პედაგოგები უხელფასოდ გურჯაანის მუნიციპალიტეტის საკრებულოს 2006 წლის 24 მაისის გადაწყვეტილების საფუძველზე დარჩნენ. საკრებულომ ბაკურციხის კოლეჯს დაფინანსება შეუმცირა და ბიუჯეტში სასწავლებლის ხარჯები 49 100 ლარის ნაცვლად 33 600 ლარით განსაზღვრა. სამაგიეროდ, ამავე საკრებულოს სხდომაზე გაიზარდა გამგეობის ოფისის ხარჯები სტუმრების მომსახურებისათვის. ეს თანხები გურჯაანის მაშინდელი გამგებლის და ამჟამად სოფლის მეურნეობის სამინისტროს ერთ-ერთი დეპარტამენტის ხელმძღვანელის, აკაკი სიხარულიძის, გურჯაანის რესტორანში ქეიფსა და დროსტარებას მოხმარდა.

2008-10-24
„კავკასუს ონლაინსა“ და „გაერთიანებულ ტელეკომს“ შორის ომს მომხმარებლთა უფლებები ეწირება
უკვე რამდენიმე დღეა „კავკასუს ონლაინის“ აბონეტები ინტერნეტის გარეშე არიან დარჩენილი. მიზეზად თბილისის მერიის ზედამხედველობის სამსახურის მიერ გასული კვირიდან კომპანიის კუთვნილი საკომუნიკაციო ქსელის დემონტაჟი სახელდება. მერიის სამსახურში აცხადებენ, რომ  დემონტაჟი იმ მიზეზით დაიწყო, რომ „კავკასუს ონლაინს“ კორპუსის ერთი სახურავიდან მეორეზე კაბელის გადაყვანის ნებართვა არ გააჩნია. კომპანიაში კი მიაჩნიათ, რომ მათი ქსელის დემონტაჟს სხვა მიზეზი აქვს, რომელიც მათსა და „გაერთიანებულ ტელეკომს“ შორის არსებულ დაპირისპირებას უკავშირდება და მიზნად კომპანიის დანგრევას ისახავს. ყველა ვარიანტში „კავკასუს ონლაინის“ აბონენტები ზარალდებიან. შექმნილმა ვითარებამ გვიჩვენა, რომ საქართველოში ინტერნეტმომხმარებელთა უფლებები დაცული არ არის.

2008-10-24
პატიმარი დევნილები დახმარებას ვერ იღებენ
დაახლოებით ოთხი თვის წინ ქუთაისის №2 სასჯელაღსრულების დაწესებულებაში პატიმარ დევნილებს  ერთი მარტივი შეკითხვა დაუსვეს. შეკითხვა 14 ლარიან სახელმწიფო დახმარებას   ეხებოდა, რომელსაც საქართველოში დარეგისტრირებული ყველა დევნილი (პატიმარიც და არაპატიმარიც) ერთნაირად იღებს. თანხა პატიმართა ანგარიშზე, ამ შეკითხვის  დასმის შემდეგ აღარ დარიცხულა.

2008-10-24
ციხეში გაუსაძლისი პირობების გამო ტუბერკულოზით დაავადებული პატიმარი გარდაიცვალა
პატიმარი ილია თარაშვილი ციხის საავადმყოფოში შესაბამისი დახმარების გარეშე გარდაიცვალა. მიუხედავად იმისა, რომ ილია თარაშვილის ჯანმრთელობის უმძიმესი მდგომარეობის გამო ოჯახის წევრები და ადვოკატები საქმის გადავადებას ითხოვდნენ, სასამართლომ ეს არ გაითვალისწინა და მას 8 წელი და 7 თვე მიუსაჯა.

2008-10-23
კიდევ ერთი ტყე გასხვისდა
სამცხე-ჯავახეთის წინუბნის სატყეოზე ხე-ტყის დამზადების გრძელვადიანი ლიცენზია გაიცა. მოსახლეობა აღშფოთებულია. გარემოს დაცვის ორგანიზაციები და საპარლამენტო უმცირესობა გრძელვადიანი ტყითსარგებლობის ლიცენზიების გაცემისას კანონმდებლობის სრულ დაცვას მოითხოვენ.
2008-10-23
სოციალურად დაუცველ ოჯახებს საარსებო შემწეობები მასობრივად შეუწყვიტეს
სიღარიბის დაძლევის სახელმწიფო პროგრამის ბიუჯეტი 2007 წელს 82 მილიონი ლარით განისაზღვრა, 2008 წელს 115 მილიონი ლარით. 2009 წლის ბიუჯეტის პროექტის მიხედვით სოციალური დახმარების პროგრამის ბიუჯეტი თითქმის ორმაგდება. ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ საქართველოს მთავრობის დადგენილება სახელმწიფოს მიერ გამოყოფილი სახსრების ეფექტიანად გამოყენებას ისახავს მიზნად. მიუხედავად ამისა, უკიდურეს გაჭირვებაში მცხოვრები ბევრი ოჯახი სოციალურ დახმარებას ვერ იღებს. ამასთან ერთად, რამდენიმე დღის წინ, სოციალური სუბსიდიების სააგენტომ სოციალურად დაუცველ ოჯახებს სიღარიბის დაძლევის სახელმწიფო პროგრამის ფარგლებში დანიშნული საარსებო შემწეობები მასობრივად შეუწყვიტა.
2008-10-23
წინასაარჩევნო დაპირებებით დაღლილი ამომრჩეველი
3 ნოემბერს, აჭარის ავტონომიური რესპუბლიკის უმაღლესი საბჭოს არჩევნებია. წინასაარჩევნო კამპანია აჭარაში საკმაოდ პასიურად მიმდინარეობს. ჯერჯერობით არც ქუჩები აჭრელებულა წინასაარჩევნო პლაკატებით. ხალხი ამბობს, რომ  დაპირებებით ყველა დაიღალა.
2008-10-22
ჟურნალისტების სიძულვილის ენა კონფლიქტების გაშუქებისას

,,სეპარატისტი ოსები"... „აგრესორი რუსები"...  „მძარცველი და მაიმუნი ჩრდილოელი მტრები"... ასეთი ტერმინები ხშირია ქართულ მედიაში გამოქვეყნებულ სტატიებში, მომზადებულ რადიო ან ტელე-სიუჟეტებში. ამ ტენდენციას ქართველი ექპერტები მიზანშეუწონლად მიიჩნევენ და აღნიშნავენ, რომ ჟურნალისტების საქმიანობა კონფლიქტის არა თუ გაღვივების, არამედ პრევენციის ხელმშემწყობი უნდა იყოს.
 


2008-10-22
საქართველოში სამოქალაქო თავდაცვა არ არსებობს
ომის შემდეგ ცხინვალის რეგიონიდან იძულებით გადაადგილებული პირები ყვებოდნენ, როგორ უწევდათ მათ საკუთარი სახლების დატოვება და შემოვლითი გზებით, ფარულად ოკუპანტებისგან თავის დაღწევა. აფეთქებებს პანიკა თბილისშიც მოყვა, რამაც თავის  პიკს 11 აგვისტოს მიაღწია, როდესაც კახეთისკენ მიმავალი საავტომობილო ტრასა იმდენად გადაიტვირთა, რომ გადაადგილება პრაქტიკულად შეუძლებელი გახდა.  ომმა გვიჩვენა, რომ საქართველოში სამოქალაქო თავდაცვის სექტორი პრაქტიკულად არ არსებობს. რას ითვალისწინებს სამოქალაქო თავდაცვა? ვის ევალება ამის განხორციელება და რა საფრთხეს მოიცავს ამ სექტორის არარსებობა სამოქალაქო მოსახლეობისთავის?

2008-10-21
"გენერალური გეგმა" შესრულდა - 300 ზუგდიდელი მედიკოსი უმუშევარი დარჩა
საქართველოს ეკონომიკური განვითარების მინისტრის 2007 წლის 10 აპრილის ბრძანებით "ჰოსპიტალური სექტორის განვითარების გენერალური გეგმის" განსახორციელებლად ზუგდიდში არსებული 4 სამედიცინო დაწესებულება პირდაპირი მიყიდვის ფორმით, სიმბოლურ ფასად _ 1000 აშშ დოლარად შპს "ბლოკ-ჯორჯიას" გადაეცა. მათ შორისაა "ზუგდიდის ცენტრალური საავადმყოფო", რომლის აქციათა 10%-ის მფლობელი მედიკოსები არიან. საავადმყოფოს გასხვისების წინააღმდეგ სწორედ ისინი გამოდიან. ექიმებმა საპროტესტო აქცია უკვე ორჯერ გამართეს.

2008-10-21
სასტუმრო უნებართვოდ აშენდა - კანონი კი მისი მფლობელის მიმართ უმოქმედოა
"ჯორჯიან ჰოუთელ პალასი" აჭარაში ერთ-ერთი ხუთვარსკვლავიანი სასტუმროა. სასტუმრო მიმდინარე წლის 16 ივნისს ისე გაიხსნა, რომ მასზე მშენებლობის ნებართვაც არ გაცემულა. ნებართვა არც ახლა არსებობს. სასტუმროს მშენებლობაში ბიზნესმენმა თემურ ჭყონიამ 30 მილიონიანი ინვესტიცია ჩადო.

2008-10-20
ოთხთვიანი სიბნელე
ახალციხის მუნიციპალიტეტის სოფელ ურაველში ოთხი თვის წინ ტრანსფორმატორი დაზიანდა. დაზიანებული ტრანსფორმატორის გამო, სოფლის 63 ოჯახს ელექტროენერგია  არ მიეწოდება.  მოსახლეობა შუქს და მაღალი ძაბვით მიყენებული ზარალის ანაზღაურებას დღემდე უშედეგოდ ითხოვს. 

2008-10-20
,,გამოყრილი," ,,არამორალური" და ,,გაღორებული" დევნილები
,,გავიდნენ რუსები და მე მოგხედავთ, ხალხო" - ასე თქვა ორჯერ კამერების წინ შიდა ქართლის გუბერნატორმა ლადო ვარძელაშვილმა. კამერების მიღმა კი: - ,,თქვე ღორებო, რით ვერ გაძეხით!" -  მიმართა შიდა ქართლის გუბერნატორმა ავნევიდან და ნულიდან დევნილებს. ამ ინციდენტს რადიო ,,ჰერეთის" ჟურნალისტის რომან ქევხიშვილის აუდიოაპარატურა შეეწირა. სახალხო დამცველის ჩარევის შედეგად გუბერნატორმა რომან ქევხიშვილს აპარატურა დაუბრუნა. აუდიომაგნიტოფონში ვარძელაშვილის ყვირილი მშვენივრად ისმის...

2008-10-20
პროკურატურის „მე ასე მინდა“
„სამართლადმაცავი სისტემა დამყარებულია პრინციპზე „მე ასე მგონია“, „მე ასე მინდა“. პროკურატურას პოზიციების დათმობა არ სურს. ეს არის ქვეყანაში ზოგადად არსებული ტენდენცია“ - ამბობს ადვოკატი რაულ გამისონია. როგორც თავად აღნიშნავს, ამის ფიქრის საფუძველს ის საქმე აძლევს, რომელშიც ის ბრალდებულის მხარეს წარმოადგენს. პროკურატურას ადვოკატის დაცვის ქვეშ მყოფი ნიკა კანთელაძის წინააღმდეგ მხოლოდ დაზარალებულის ჩვენება გააჩნია და ისიც საეჭვო, რაც ძალიან ბევრ კითხვას ბადებს. ყველა დანარჩენი მტკიცებულება მის უდანაშაულობაზე მეტყველებს. 

2008-10-17
პროფესორები რექტორის მოვალეობის შემსრულებელს ფინანსურ მაქინაციებში ადანაშაულებენ
რას და ვის ინტერესებს ეწირებიან პროფესორები?!

ორხელისუფლებიანობა ზუგდიდის შოთა მესხიას სახელობის სახელმწიფო ინსტიტუტში რექტორატსა და პროფესორ-მასწავლებლებს შორის არსებულმა ხანგრძლივმა დაპირისპირებამ გამოიწვია. რექტორის მოვალეობის შემსრულებლის, თეონა ხუფენიას განკარგულებით უფლებამოსილება 23-მდე აკადემიურ პერსონალს შეუწყდა. აკადემიური და წარმომადგენლობითი საბჭოს გათავისუფლებული წევრები ხუფენიას გადაწყვეტილებას უკანონოდ მიიჩნევენ და მას თვითნებობაში ადანაშაულებენ. რექტორის  მოვალეობის შემსრულებლის წინააღმდეგ ზუგდიდის რაიონულ სასამართლოში სარჩელი უკვე შევიდა. პროფესორ-მასწავლებლები რექტორატის ქმედებებში სისხლის სამართლის დანაშაულის ნიშნებსაც ხედავენ და გამოძიების მოთხოვნით ფინანსური პოლიციის რეგიონალურ სამმართველოსაც მიმართეს. თეონა ხუფენია ყველა ბრალდებას უარყოფს და მის აბსოლუტურ უფლებამოსილებაზე საუბრობს.

 

2008-10-17
„რატომ მოვიდნენ, უნდა გაგვასახლონ?“
საქართველოში გასახლების პროცესი დღეს არავის უკვირს. თვალი (და ყურიც) დიდი ხანია შეეჩვია იმას, რომ ადამიანებს საკუთარი ბინიდან ნახირივით ერეკებიან და მერე მათი ბედი აღარავის აღელვებს. მაგალითები ბევრია. ამბები გაჭრილი ვაშლივით ჰგავს ერთმანეთს. „საქმეს ასე ჭირდება და უნდა წახვიდეთ. სად? თქვენი გადასაწყვეტია“, - ასეთია საკითხის მიმართ ქვეყნის მთავრობის მიდგომა.

[1] 2 3
სხვა სიახლეები
გამოკითხვა
თავდაცვის სამინისტროს მაღალჩინოსნების დაკავება არის:
კორუფციასთან და სამოხელეო დანაშაულთან ბრძოლა ბრძოლა ევროატლანტიკური კურსის წინააღმდეგ პოლიტიკური დევნა მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC