05:56, Wednesday, 26.11.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტატია

აირჩიეთ წელი: 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2008-08-29
ოსებმა ,,დამოუკიდებლობა“ ქართველების დაწიოკებით აღნიშნეს
დევნილების თბილისიდან გორში დაბრუნების პროცესი შეჩერდა. როგორც გორის მუნიციპალიტეტის სოციალურ განყოფილებაში გვითხრეს, დიდი რაოდენობით დევნილების მიღების საშუალება გორის მუნიციპალიტეტს აღარ აქვს. თბილისიდან გორში გადაადგილებული  დევნილებიდან ზოგი რუსების მიერ ოკუპირებულ სოფლებში: შინდისი, ფხვენისი, ვარიანი, ტყვიავი, მერეთი, მარანა, ძევერა, შერთული... დააბრუნეს. სოფელში დაბრუნებულ მოსახლეობას ოსმა მოროდიორებმა ახალი ძალით შეუტიეს.

2008-08-29
დევნილებს თბილისშიც დევნიან
48-ე საშუალო სკოლაში დევნილები აუტანელ პირობებში ცხოვრობენ.  მათ არც წყალი აქვთ, არც საკვები. ამასთან გაურკვეველი პირები აიძულებენ, შენობა დაცალონ და საცხოვრებლად გორში გადავიდნენ. დევნილები უკან დაბრუნების წინააღმდეგნი არიან, რადგან  იქ აღარც სახლები აქვთ და  არც მათი უსაფრთხოებაა დაცული. 

2008-08-29
სამშობლოს ღალატი თუ ნარკოტიკი- გარდაცვლილის მეუღლის თქმით, სპეცრაზმმა ჯარისკაცი წამებით მოკლა
23-ე ბატალიონის სერჟანტი, როინ (რომან) შავაძე ცხინვალის ბრძოლებიდან დაბრუნების მეორე დღეს, 16 აგვისტოს, ბათუმში, ნიღბიანმა სპეცრაზმელებმა დააკავეს. თვითმხილველების თქმით, სპეცოპერაციის დროს ნიღბიანები იძახდნენ, რომ სამშობლოს მოღალატეს აკავებდნენ. საღამოს შავაძე ოჯახის წევრებმა მორგში მკვდარი იპოვეს. ოფიციალური ინფორმაციით, სერჟანტი ნარკოტიკული საშუალების შენახვა-რეალიზაციისთვის დააკავეს. ხოლო მისი ლიკვიდაცია გაქცევის მცდელობის გამო მოხდა. ახლობლების მტკიცებით, შავაძე სასტიკად იყო ნაწამები.
2008-08-27
გორის 10 დღიანი ბლოკადა
გორის მოსახლეობის უდიდესი ნაწილი ჰუმანიტარული დახმარების გარეშე რჩება. რამდენიმე უბანში მეგობარი ქვეყნების ნაჩუქარი პროდუქტი ბევრს თვალითაც არ უნახავს. ბლოკირებულ ქალაქში ზოგი დახმარებას სამჯერ იღებდა, ზოგი - არცერთხელ. ამ ფაქტს ადგილობრივი ხელისუფლება მოსახლეობას აბრალებს. ,,ადამიანის უფლებათა ცენტრის" ინფორმაციით, ადგილობრივი ხელისუფლების მაღალჩინოსნები საკვებით უკმაყოფილო მოსახლეობას აშინებდნენ კიდეც: რუსების გასვლის შემდეგ გასწავლით ჭკუასო...

2008-08-26
სამხედრო ბაზაზე მერადარე რომ ყოფილიყო, რეზერვისტები არ დაიღუპებოდნენ!
"მოვა დრო და აუცილებლად გამოვიძიებ! მერადარე ოპერატორს მასზე დაკისრებული მოვალეობა რომ შეესრულებინა, ჩემი შვილიც და სხვა რეზერვისტებიც რუსულ ჭურვებს გადაურჩებოდნენ!" _ ამ განცხადებას სენაკის სამხედრო ბაზაზე რუსული ავიაციის მიერ განხორციელებული დაბომბვის შედეგად დაღუპული ერთ-ერთი რეზერვისტის, გოგა ჭითანავას მამა აკეთებს. ტარიელ ჭითანავამ 9 აგვისტოს დილას, სამხედრო ბაზის ტერიტორიაზე ორსაათიანი უშედეგო ძებნის შემდეგ საკუთარი შვილის ცხედარი სენაკის საავადმყოფოს პროზექტურაში აღმოაჩინა.

2008-08-24
დაღუპულია 215, დაჭრილია 1 469 ადამიანი
საქართველოში განხორციელებული რუსული აგრესიის შედეგად, ამ დროის მონაცემებით, დაღუპულია 215 ადამიანი, დაჭრილია 1 469 მოქალაქე, 70 კი უგზო-უკვლოდ დაკარგულად მიიჩნევა. ეს მონაცემები ჟურნალისტებს საქართველოს პარლამენტის თავდაცვისა და უშიშროების კომიტეტის თავმჯდომარემ გივი თარგამაძემ დაღუპულთა და უგზო-უკვლოდ დაკარგულთა მოძიების კომისიის სხდომის დასრულების შემდეგ მიაწოდა. საომარი მოქმედებების თვითმხილველების თქმით კი, მსხვერპლი უფრო დიდია.

2008-08-24
“ჰუმანური რუსები” ანაკლიელებს ბომბდამშენებისგან იცავდნენ
შესაძლოა დაუჯერებელიც იყოს, მაგრამ ფაქტია - შავიზღვისპირა სოფლის მოსახლეობა რუსული საჰაერო ავიაციის შეტევას გაურბოდა და თავს რუსეთის სამხედრო ძალების ბლოკ-პოსტს აფარებდა. 10 აგვისტოს, სოფელ ანაკლიაში, რუსული ავიაციის მიერ განხორციელებული საჰაერო იერიშის პარალელურად საკუთარი სახლებიდან გახიზნულ ადამიანებს სოფლის ცენტრში განლაგებული რუსი სამხედროები რკინის კარებს ფართოდ უღებდნენ. მათი მხრიდან გამოვლენილი ჰუმანურობის დასტურად კი რუსები ფოტო-ვიდეო კამერებს განუწყვეტლივ აჩხარუნებდნენ. რუსი სამხედროების "წუხილი" ანაკლიელებმა ცინიზმად შეაფასეს. 

2008-08-22
რა მოხდა ზემო აფხაზეთში და რატომ დაცარიელდა კოდორის ხეობა ქართველებისგან?!
ამ კითხვაზე პასუხი ჯერჯერობით არავის გაუცია - საქართველოს ხელისუფლება და ძალოვანი სტრუქტურები ამ დრომდე დუმილს არჩევენ. დუმილს ჯერჯერობით არც კოდორის ხეობის მოსახლეობა არღვევს, რომელიც რუსულ ბომბდამშენებს პირველი დარტყმებისთანავე გამოექცა. თუმცა არის გამონაკლისი შემთხვევებიც - რამდენიმე სვანი, რომელიც გულწრფელად ყვება ხეობიდან გახიზვნის დეტალებზე და პარლამენტარი პაატა დავითაია, რომელსაც ხეობის დაკარგვის თაობაზე თავდაცვის მინისტრისთვის მხოლოდ კითხვები აქვს შემონახული. 12 აგვისტოდან ზემო აფხაზეთის ტერიტორიას აფხაზურ-რუსული სამხედრო შენაერთები აკონტროლებენ, კოდორის ხეობა კი ქართველებისგან დაცარიელდა. 1600-მდე დევნილმა ზუგდიდამდე გაეროს სამშვიდობო მისიისა და საქართველოს ლტოლვილთა და განსახლების სამინისტროს დახმარებით ჩამოაღწია.
2008-08-21
შეტევა ჟურნალისტებზე: საომარი მოქმედებებისას დაიღუპა 4 და დაიჭრა 14 ჟურნალისტი
ქართულ – ოსური კონფლიქტის ზონაში საომარი მოქმედებების შედეგად დაიღუპა ოთხი და დაიჭრა თოთხმეტი ჟურნალისტი. ფოტორეპორტიორი ალექსანდრე კლიმჩუკი და ტელეკომპანია "ალანიას" საინფორმაციო სამსახურის რედაქტორი, ჟურნალ "ნიუსვიქის" კორესპონდენტი გიგა ჩიხლაძე 10 აგვისტოს ცხინვალში დახვრიტეს. ოსმა სეპარატისტებმა ტყვედ აიყვანეს კლიმჩუკთან და ჩიხლაძესთან ერთად მყოფი კიდევ ორი კორესპონდენტი, თბილისში გამომავალი ინგლისურენოვანი გაზეთის "მესინჯერის" მთავარი რედაქტორის მოადგილე, აშშ-ს მოქალაქე უინსტონ ფედერლი და ამავე გაზეთის ჟურნალისტი თემურ კიღურაძე, რომლებიც დაჭრილები არიან. 12 აგვისტოს, რუსული ავიაციის მიერ ქალაქ გორის დაბომბვისას დაიღუპა ჰოლანდიის ტელევიზიის ოპერატორი ტანს ტორიმანსი. კიდევ ერთი გარდაცვლილი ჟურნალისტის გვარი ჯერ ვერ სახელდება. ამასთან ერთად, რუსი ჯარისკაცები და ოსი სეპარატისტები, კონფლიქტის ზონაში და მის გარეთ მომუშავე ქართველ და უცხოელ ჟურნალისტებს მასობრივად ძარცვავენ და ცეცხლს უხსნიან.
2008-08-18
ოკუპირებული სამეგრელო - რუსი სამხედროები რეგიონს არ ტოვებენ
სამეგრელოს ტერიტორიაზე საოკუპაციო ჯარები ჯერ კიდევ რჩებიან. რუსეთის სამხედრო შენაერთებისა და მძიმე ჯავშანტექნიკის ფართომასშტაბიანი გადაადგილება ბოლოს 14 აგვისტოს, ზუგდიდში განხორციელდა. საღამოს 7 საათისათვის ზემო აფხაზეთიდან სენაკის მიმართულებით 150-მდე ერთეული ტანკი დაიძრა. პარალელურად, ენგურის ცენტრალური ხიდის მიმართულებით თბილისი-სენაკი-ლესელიძის ავტომაგისტრალი 40-მდე სატვირთო ავტომანქანამ გადაკვეთა, რომელიც ფოთისა და სენაკის სამხედრო ბაზებიდან ნაძარცვით დატვირთული აფხაზეთში ბრუნდებიდა. ნადავლით კმაყოფილ რუს ჯარისკაცებს გზის გასაყარზე ნანახით უკმაყოფილო ზუგდიდელები ხვდებოდნენ, რომლებიც კბილებამდე შეიარაღებულ სამხედროებს მხოლოდ წყევლა-კრულვას აყოლებდნენ. ქალაქი პარალიზებულია. მოსახლეობის დიდი ნაწილი გახიზნული. მოსალოდნელი სამხედრო აგრესიის გამო მოსახლეობა პანიკურ მდგომარეობაშია.
2008-08-10
გადავარჩინოთ მშვიდობა!
,,ადამიანის უფლებათა ცენტრის“ მიმართვა

,,ადამიანის უფლებათა ცენტრი“ უკიდურესად შეშფოთებულია ცხინვალის რეგიონში მიმდინარე მოვლენებით. ვფიქრობთ, საქართველოს ხელისუფლებამ და მთლიანად საზოგადოებამ ყველა ღონე უნდა იხმაროს სამხედრო დაპირისპირების განსამუხტად.

2008-08-08
ადამიანის უფლებათა ცენტრის მიმართვა
ცხინვალის რეგიონში საომარი მოქმედებების მიმდინარეობის გამო, შეწყდა სატელეფონო კავშირი შიდა ქართლში „ადამიანის უფლებათა ცენტრის“ წარმომადგენლებთან. მანამდე ჩვენს მიერ მოპოვებული ბოლო ინფორმაციით, როგორც ქართველების, ასევე ოსების მხარეს არიან დაჭრილები და მძიმედ დაშავებულები. მსხვერპლის შესახებ ამ დრომდე ცნობები არ ვრცელდება. ცოტა ხნის წინ, საქართველოს პრეზიდენტმა რეზერვისტების საყოველთაო მობილიზაცია გამოაცხადა. საქართველოს თავდაცვის სამინისტროს ინფორმაციით, ცხინვალის გარშემო მდებარე სოფლებს, რუსეთის ავიაცია ბომბავს.
„ადამიანის უფლებათა ცენტრი“ შეშფოთებას გამოთქვამს მომხდართან დაკავშირებით და საერთაშორისო ორგანიზაციებს სასწრაფო რეაგირებისაკენ მოუწოდებს.

2008-08-07
პარალელები - რა საერთო აქვთ ცხინვალის 2004 წლის და 2008 წლის მოვლენებს ერთმანეთთან?
ქართული სამშვიდობო ძალების სარდალი მამუკა ყურაშვილი მზადაა სეპარატისტებს ,,შეაკვდეს". მართალია, ქართველების გენერალი სიტყვებს საქმით ადასტურებს, რადგან ოსებისგან ნასროლ 82 მმ ნაღმტყორცნებს 100 მმ ნაღმტყორცნების სროლით პასუხობს, მაგრამ მთლიანობაში ეს საქმეს ვერ შველის. საბოლოოდ, მხარეები თანხმდებიან იმაზე, რომ საჭიროა ორმხრივი მოლაპარაკება. ქართული და სხვათა შორის, რუსული მხარეც ადასტურებს, რომ დაპირისპირებული მხარეები 7 აგვისტოს მრგვალ მაგიდასთან შეხვდებიან.

2008-08-07
როგორ გაუყიდა „სახალხო ბანკმა“ რესტორანი „სოხუმი“ მისი მფლობელი დანელიების ოჯახს
15 000 დოლარს შეწირული მილიონიანი ქონების წართმევის დეტალები

თუ დღეს სანაპიროზე რესტორან „სოხუმს“ ჩაუვლით გვერდზე, დაინახავთ, რომ იქაურობა ჩამკვდარია, პალმები გამხმარი, განათება გამორთული. „სოხუმი“ მის მფლობელ დანელიებს ისევე წაართვეს, როგორც არაერთი სხვა ობიექტი კერძო მესაკუთრეებს. სასამართლო დავა დღემდე გრძელდება. „სოხუმი“ კი,  ოფიციალურად, ბრილიანტებითა და ძვირფასი ქვებით მოვაჭრე შპს „მ.ტ.ბ. დაიმონდის“ მფლობელობაშია. არაოფიციალურად კი,  როგორც დანელიებისთვისაა ცნობილი, ნამდვილი მესაკუთრე „სახალხო ბანკის“ ყოფილი მმართველი ახლანდელი პარლამენტარი გიორგი გოგუაძეა.

2008-08-06
საია საჯარო ინფორმაციის ხელმისაწვდომობაზე კვლევას აქვეყნებს
ინფორმაციის თავისუფლების კვირეულის ფარგლებში „ახალგაზრდა იურისტთა ასოციაციამ“ 5 აგვისტოს კიდევ ერთი შეხვედრა გამართა. სასტუმრო „ამბასადორში“ „ინფორმაციასთან დაკავშირებული სასამართლო პრაქტიკის ანალიზის“ მესამე გამოცემის პრეზენტაცია გაიმართა.

2008-08-06
ნარკომანია ციხეში
მოხარშული ტუალეტის ქაღალდი ვენებში - ნარკოტიკი ციხეში ყოველთვის შევა

რა კეთდება ნარკომანი პატიმრებისთვის ?

ნარკოტიკის ციხეში შემოტანა ე.წ. „პერედაჩებით“ ხდებოდა. ხან საჭმელში მალავენ, ხან სხვა რამეში. მე რაც მინახავს, ყველაზე ხშირად ტუალეტის ქაღალდში შპრიცით შეყვანილი შემოჰქონდათ. მერე იმ ქაღალდს ხარშავდნენ და ამ ნაგავს ვენებში უშვებდნენ“ – დღეს თავისუფლებაზე მყოფი ყოფილი პატიმრის ამ სიტყვებს კომენტარი აღარც სჭირდება - ციხე ნარკოტიკების გარეშე ილუზიაა - ამ აზრს იზიარებს ყველა, ვისაც იქ ერთხელ მაინც შეუხედავს. ასეა მსოფლიოს ყველა სასჯელაღსრულებით დაწესებულებაში, მაგრამ ნარკომანიას სხვადასხვა ქვეყანაში სხვადასხვაგვარად ებრძვიან. ჩვენთან ნარკომანია დაავადებად კი არა, კრიმინალად არის მიჩნეული და მასთან ბრძოლაც შესაბამისი მეთოდებით მიდის.

2008-08-06
ქუთაისის რეკონსტრუქციაში ძეგლებიც „ჩაერთნენ“
რეკონსტრუქციის პირველი ეტაპის დასრულებას ქუთაისში, გაბაშვილის პარკის გახსნით, წინასწარ ზეიმობენ. თუმცა, ქალაქში სარეკონსტრუქციო სამუშაოები ჯერ ისევ მიმდინარეობს. გადათხრილი გზები და ჩახერგილი ქუჩები ცხადყოფს, რომ პრეზენტაციას ცოტა კიდევ დააგვიანდება.

2008-08-06
გამოყრა საქანელას ქუჩაზე
ღამის პირველი საათი იყო, როდესაც ტელეფონმა დარეკა. ახლობელს ვესაუბრებოდი. ამ დროს გავიგე, როგორ შემოლეწეს კარი. ყველაფერი კარგად ჰქონდათ დაგეგმილი. ყველა ბინის კარი ერთდროულად შემოანგრიეს. უცხო ადამიანებმა შიშველ, მძინარე ბავშვებს მოჰკიდეს ხელი და სახლიდან გაათრიეს. ჩვენ პატიმრებივით გავყავდით. ხელიდან მობილური ტელეფონები წაგვართვეს, გავვარდით სანაპიროზე, მაგრამ კაციშვილი არ იყო. მობილურებიც აღარ გვქონდა. სასწრაფოს გამოძახებაც შეუძლებელი იყო. ქალები ისტერიკაში ჩავარდნენ, შეშინებულმა ბავშვებმა ტირილი მორთეს... ვერასდროს წარმოვიდგენდი, რომ ასეთი რამ შესაძლებელი იქნებოდა...“ - ასე იხსენებს საქანელას ქუჩის ერთ-ერთი მაცხოვრებელი 27 ივლისის ღამეს, როდესაც მას სხვებთან ერთად საკუთარი სახლი მოულოდნელად დაატოვებინეს. ზედამხედველობის სამსახურში, რომლის წარმომადგენლებიც ამ ადამიანების გაყვანაში მონაწილეობდნენ, ამბობენ, რომ ყველაფერი მაცხოვრებლების უსაფრთხოების დაცვიდან გამომდინარე მოხდა.

2008-08-05
კახეთში ჟურნალისტები საკუთარ ნივთებში ნარკოტიკებს პოულობენ
გუშინ, ჟურნალისტმა გელა მთივლიშვილმა ხელჩანთაში, ცელოფნის პარკში გახვეული ნარკოტიკული საშუალების მსგავსი ფხვნილი იპოვა. ჟურნალისტის თქმით, ამგვარი რამ მის თავს უკვე მეორედ ხდება. პირველად მთივლიშვილმა საკუთარ ხელჩანთაში ასეთივე ფხვნილი გასული წლის ოქტომბერშიც ნახა და ორივე შემთხვევაში გაანადგურა. აღსანიშნავია, რომ ცოტა ხნის წინ, ნარკოტიკული საშუალების მსგავსი ფხვნილი, ხელჩანთაში, კახეთში მომუშავე ჟურნალისტმა მადონა ბატიაშვილმაც იპოვა.

2008-08-05
უმწეო ოჯახები სოციალური სუბსიდიების სააგენტოს უპირისპირდებიან
ზუგდიდის რაიონში მცხოვრები უმწეო ოჯახები, რომლებმაც ფულადი დახმარების მიღების უფლება ვერ მოიპოვეს, სოციალური სუბსიდიების სააგენტოს უპირისპირდებიან. განსაკუთრებით მძიმე სოციალურ პირობებში მყოფი ადამიანები სოციალურ აგენტებს არაობიექტურობაში ადანაშაულებენ. მათ უმრავლესობას თანხის მისაღებად 2-3 ქულა დააკლდა. ამ დროისათვის სოციალურად დაუცვლი ოჯახების მონაცემთა ერთიან ბაზაში სამეგრელო-ზემო-სვანეთს რეგიონიდან 5 500-მდე ოჯახია რეგისტრირებული, თუმცა მათი რაოდენობა დღითიდღე კლებულობს.

[1] 2
სხვა სიახლეები
გამოკითხვა
თავდაცვის სამინისტროს მაღალჩინოსნების დაკავება არის:
კორუფციასთან და სამოხელეო დანაშაულთან ბრძოლა ბრძოლა ევროატლანტიკური კურსის წინააღმდეგ პოლიტიკური დევნა მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC