პორტალი ადამიანის უფლებების შესახებ

რუსული აგრესიის წინააღმდეგ სრულიად საქართველო გაერთიანდა. 1 სექტემბერს ცოცხალი ჯაჭვი  მთელ ქვეყანას შემოევლო. მასშტაბები გასცდა ოკუპირებული საქართველოს ფარგლებსაც. პატრიოტულმა განწყობამ მსოფლიო მოიცვა. ამ დღისთვის ყველგან, საქართველოს ყველა რეგიონში თავისებურად ემზადებოდნენ. საინტერესო იყო ქუთაისური სამზადისი.

23-ე ბატალიონის სერჟანტი, როინ (რომან) შავაძე ცხინვალის ბრძოლებიდან დაბრუნების მეორე დღეს, 16 აგვისტოს, ბათუმში, ნიღბიანმა სპეცრაზმელებმა დააკავეს. თვითმხილველების თქმით, სპეცოპერაციის დროს ნიღბიანები იძახდნენ, რომ სამშობლოს მოღალატეს აკავებდნენ. საღამოს შავაძე ოჯახის წევრებმა მორგში მკვდარი იპოვეს. ოფიციალური ინფორმაციით, სერჟანტი ნარკოტიკული საშუალების შენახვა-რეალიზაციისთვის დააკავეს. ხოლო მისი ლიკვიდაცია გაქცევის მცდელობის გამო მოხდა. ახლობლების მტკიცებით, შავაძე სასტიკად იყო ნაწამები.

ამ კითხვაზე პასუხი ჯერჯერობით არავის გაუცია - საქართველოს ხელისუფლება და ძალოვანი სტრუქტურები ამ დრომდე დუმილს არჩევენ. დუმილს ჯერჯერობით არც კოდორის ხეობის მოსახლეობა არღვევს, რომელიც რუსულ ბომბდამშენებს პირველი დარტყმებისთანავე გამოექცა. თუმცა არის გამონაკლისი შემთხვევებიც - რამდენიმე სვანი, რომელიც გულწრფელად ყვება ხეობიდან გახიზვნის დეტალებზე და პარლამენტარი პაატა დავითაია, რომელსაც ხეობის დაკარგვის თაობაზე თავდაცვის მინისტრისთვის მხოლოდ კითხვები აქვს შემონახული. 12 აგვისტოდან ზემო აფხაზეთის ტერიტორიას აფხაზურ-რუსული სამხედრო შენაერთები აკონტროლებენ, კოდორის ხეობა კი ქართველებისგან დაცარიელდა. 1600-მდე დევნილმა ზუგდიდამდე გაეროს სამშვიდობო მისიისა და საქართველოს ლტოლვილთა და განსახლების სამინისტროს დახმარებით ჩამოაღწია.

ქართულ – ოსური კონფლიქტის ზონაში საომარი მოქმედებების შედეგად დაიღუპა ოთხი და დაიჭრა თოთხმეტი ჟურნალისტი. ფოტორეპორტიორი ალექსანდრე კლიმჩუკი და ტელეკომპანია "ალანიას" საინფორმაციო სამსახურის რედაქტორი, ჟურნალ "ნიუსვიქის" კორესპონდენტი გიგა ჩიხლაძე 10 აგვისტოს ცხინვალში დახვრიტეს. ოსმა სეპარატისტებმა ტყვედ აიყვანეს კლიმჩუკთან და ჩიხლაძესთან ერთად მყოფი კიდევ ორი კორესპონდენტი, თბილისში გამომავალი ინგლისურენოვანი გაზეთის "მესინჯერის" მთავარი რედაქტორის მოადგილე, აშშ-ს მოქალაქე უინსტონ ფედერლი და ამავე გაზეთის ჟურნალისტი თემურ კიღურაძე, რომლებიც დაჭრილები არიან. 12 აგვისტოს, რუსული ავიაციის მიერ ქალაქ გორის დაბომბვისას დაიღუპა ჰოლანდიის ტელევიზიის ოპერატორი ტანს ტორიმანსი. კიდევ ერთი გარდაცვლილი ჟურნალისტის გვარი ჯერ ვერ სახელდება. ამასთან ერთად, რუსი ჯარისკაცები და ოსი სეპარატისტები, კონფლიქტის ზონაში და მის გარეთ მომუშავე ქართველ და უცხოელ ჟურნალისტებს მასობრივად ძარცვავენ და ცეცხლს უხსნიან.

სამეგრელოს ტერიტორიაზე საოკუპაციო ჯარები ჯერ კიდევ რჩებიან. რუსეთის სამხედრო შენაერთებისა და მძიმე ჯავშანტექნიკის ფართომასშტაბიანი გადაადგილება ბოლოს 14 აგვისტოს, ზუგდიდში განხორციელდა. საღამოს 7 საათისათვის ზემო აფხაზეთიდან სენაკის მიმართულებით 150-მდე ერთეული ტანკი დაიძრა. პარალელურად, ენგურის ცენტრალური ხიდის მიმართულებით თბილისი-სენაკი-ლესელიძის ავტომაგისტრალი 40-მდე სატვირთო ავტომანქანამ გადაკვეთა, რომელიც ფოთისა და სენაკის სამხედრო ბაზებიდან ნაძარცვით დატვირთული აფხაზეთში ბრუნდებიდა. ნადავლით კმაყოფილ რუს ჯარისკაცებს გზის გასაყარზე ნანახით უკმაყოფილო ზუგდიდელები ხვდებოდნენ, რომლებიც კბილებამდე შეიარაღებულ სამხედროებს მხოლოდ წყევლა-კრულვას აყოლებდნენ. ქალაქი პარალიზებულია. მოსახლეობის დიდი ნაწილი გახიზნული. მოსალოდნელი სამხედრო აგრესიის გამო მოსახლეობა პანიკურ მდგომარეობაშია.