09:29, Tuesday, 17.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტატია

აირჩიეთ წელი: 2019 2018 2017 2016 2015 2014 2013 2012 2011 2010 2009 2008 2007 2006 2005 2004 2003
აირჩიეთ თვე: 1 2 3 4 5 6 7 8 9 10 11 12
2009-01-30
პოლიციის გულგრილობით მუზეუმები მასობრივად იძარცვება
ბოლო რამდენიმე წლის განმავლობაში კახეთში მუზეუმების გაძარცვის 20-ზე მეტი შემთხვევა დაფიქსირდა. პოლიციის რაიონულ სამმართველოებში ყველა ფაქტზე სისხლის სამართლის საქმეა აღძრული, მაგრამ გამოძიებას ამ დრომდე არცერთი საქმე არ გაუხსნია.

2009-01-29
დისევის ნაცვლად საბავშვო ბაღი
სოფელ დისევიდან დევნილი სულიკო ბეღელური მეუღლესთან ერთად დღემდე გორის მეათე საბავშვო ბაღში ცხოვრობს. ბეღელურის მეუღლე ვენერა ლაღოშვილი ამბობს, რომ ხელისუფლებამ მათ კოტეჯი მხოლოდ იმიტომ არ მისცა, რომ ორნი იყვნენ. მათ ხელისუფლებისგან ჯერ არც შეპირებული 10 000 ლარიანი დახმარება მიუღიათ.

2009-01-28
7 წელი ციხე არყის დალევისათვის
გურჯაანის რაიონული სასამართლო 28 წლის ამირან ცერცვაძეს ასამართლებს. როგორც სისხლის სამართლის საქმის მასალებიდან და სასამართლო პროცესზე დაკითხული მოწმეების ჩვენებებიდან ჩანს, უკიდურესად ნასვამ მდგომარეობაში მყოფი ცერცვაძე მამამისის საცხოვრებელი სახლის მეზობლად მდებარე სხვის ფარდულში შებარბაცდა და არაყი დალია. მიუხედავად ამისა, პროკურატურა განსასჯელს სხვის ბინაში უკანონო შეღწევით ქურდობის მცდელობაში ადანაშაულებს და მისთვის, ამ დანაშაულისთვის სისხლის სამართლის კოდექსით გათვალისწინებული სასჯელის მაქსიმუმს, 7 წლით თავისუფლების აღკვეთას ითხოვს.

2009-01-28
მოსახლეობას კნოლევში დაბრუნებას ისევ აიძულებენ
კნოლევის მოსახლეობას, რომელიც დღეს რუსთავის მე–17  პროფესიული სასწავლებლის  შენობაში დროებით იმყოფება, სოფელში დარუნებას ისევ აუიძულებენ. მოსახლეობას დაბრუნების ეშინია. ქარელის რაიონის სოფელი კნოლევი ოკუპანტების მიერ კონტროლირებად ზნაურის რაიონს ესაზღვრება. კნოლევის ერთ მხარეს ოკუპანტების ბლოკპოსტია განლაგებული, ხოლო მეორე მხარეს ოსი „ბოევიკები“ იმყოფებიან.

2009-01-28
ადგილობრივი ბიუჯეტები მოსახლეობის რეალურ საჭიროებებს არ ემთხვევა
"ადგილობრივი თვითმმართველი ერთეული ბიუჯეტის შესახებ" საქართველოს კანონის თანახმად, ბიუჯეტის პროექტი საკრებულოს სხდომაზე განხილვის დაწყებამდე 1 თვით ადრე  უნდა გამოქვეყნდეს საჯარო განხილვისათვის, იმ მიზნით, რომ მოქალაქეებმა გადაწყვეტილებების მიღების პროცესში მონაწილეობის მიღება შეძლონ. კანონით დადგენილ ამ ვალდებულებას ადგილობრივი ხელისუფლება არ ასრულებს. შესაბამისად, რეგიონის მოსახლეობისთვის ინფორმაცია იმის შესახებ, რა თანხას შეადგენს ბიუჯეტი და რა პროექტების დაფინანსებას ითვალისწინებს, რამდენად ეფექტურად იხარჯება საბიუჯეტო რესურსები,  უცნობია.

2009-01-22
უკანონო გადასახადი და უწყლოდ დარჩენილი მოსახლეობა
სოფელ ციხისძირში წყლის პრობლემა პრეზიდენტმა სააკაშვილმა ორი წლის წინ „მოაგვარა“. საზეიმოდ გახსნილი წყალსაცავი დღეს მოსახლეობის სარჩენია. მუშა-მოსამსახურეთა ხელფასები ადგილობრივი მცხოვრებლებისგან აკრეფილი 5-5 ლარით გაიცემა. ხოლო თვითონ წყალსაცავი, ჯერ კიდევ საქართველოს ეკონომიკური განვითარების სამინისტროს ბალანსზეა.

2009-01-20
მარტოხელა მოხუცს საარსებო შემწეობა შეუწყვიტეს
მარტოხელა სირანუშ აივაზიანი 2006 წლიდან სოციალურად დაუცველ ოჯახების მონაცემთა ერთიან ბაზაშია რეგისტრირებული და გასული წლის სექტემბრამდე საარსებო შემწეობასაც იღებდა. მას დახმარება  ქულათა რაოდენობის გაზრდის გამო შეუწყვიტეს. მიუხედავად იმისა, რომ ორი თვის შემდეგ შეფასების სისტემა შეიცვალა და ქულათა რაოდენობა განახევრდა სირანუშ აივაზიანს შემწეობას მაინც არ აძლევენ.  სუბსიდიების სააგანეტოს აჭარის ფილიალის ხელმძღვანელობის განმარტებით, აივაზიანი საარსებო შემწეობა 1 მარტიდან მიიღებს. 

2009-01-20
მუზეუმების თანამშრომლები ისევ 40 ლარზე დარჩნენ, გამგებლის ხელფასი კი 2500 ლარამდე გაიზარდა
საქართველოს პრეზიდენტის 2008 წლის 30 დეკემბრის ბრძანებულებით, მუნიციპალიტეტების საკრებულოების და გამგეობების თანამშრომლებს ხელფასების გაზრდის უფლება მიეცათ. რაიონების ხელმძღვანელები საკუთარი შემოსავლების გაზრდაზე მანამდეც აქტიურად ზრუნავდნენ. ამას ადასტურებს ყოველთვე თუ არა, ორ თვეში ერთხელ მაინც ადგილობრივი ბიუჯეტებიდან ძირითადად პირველი პირებისთვის გაწერილი პრემიები. ეს მაშინ, როცა გამგებლებმა მუზეუმების თანამშრომლებს, რომელთა ყოველთვიური ანაზღაურება 40 ლარს არ აღემატება, ხელფასების გაზრდაზე უარი არაერთხელ უთხრეს და ამის მიზეზად ბიუჯეტში საკმარისი თანხების არ ქონა დაასახელეს.

2009-01-14
პედაგოგი დირექტორს შრომით ტრეფიკინგში ადანაშაულებს
ქალაქ თელავში მცხოვრები ეკა ჯანდიერი თელავის მე-5 საჯარო სკოლის დირექტორს ნინო ვაყელიშვილს შრომით ტრეფიკინგში ადანაშაულებს. ჯანდიერის თქმით, დირექტორმა ის ერთი წლის განმავლობაში ანაზღაურების გარეშე ამუშავა. ამასთან ერთად, სკოლაში მუშაობის დროს დირექტორის  მოადგილე მას მცირეწლოვანი შვილიშვილის მოვლას და სხვადასხვა დავალებების შესრულებას აიძულებდა.

2009-01-13
სახალხო დამცველი შალვა რამიშვილის ვადამდე გათავისუფლებას ითხოვს
სახალხო დამცველმა ჟურნალისტ შალვა რამიშვილის პირობით ვადამდე გათავისუფლების თხოვნით მიმართა საქართველოს იუსტიციის მინისტრს მინისტრს ზურაბ ადეიშვილს.

2009-01-13
სახალხო დამცველი პარლამენტის საგამოძიებო კომისიის შექმნას ითხოვს
საქართველოს სახალხო დამცველმა წერილობით მიმართა საქართველოს პარლამენტის თავმჯდომარეს დავით ბაქრაძეს და 2007 წლის 4 ნოემბრის საიდუმლო თათბირთან დაკავშირებით პარლამენტის დროებითი საგამოძიებო კომისიის შექმნა სთხოვა.

2009-01-13
ნიკო ორველაშვილი: ენერგოდამოუკიდებლობის საკითხში საქართველო აღმოჩნდა ერთადერთი იდიოტური გამონაკლისი
ეკონომიკის დამოუკიდებელი ექსპერტი ნიკო ორველაშვილი, „ენგურჰესის“ 10-წლიანი მართვის უფლებით რუსულ კომპანია „ინტერ რაოსთვის“ გადაცემას კატეგორიულად ეწინააღმდეგება. მემორანდუმს კი, რომელიც საქართველოსა და ამ კომპანიას შორის 2008 წლის 28 დეკემბერს გაფორმდა, სრულ იდიოტიზმს და ბრიყვულ ნაბიჯად აფასებს. ამ საკითხზე საინფორმაციო სააგენტო „მედიანიუსი“  ნიკო ორველაშვილს ესაუბრა.

2009-01-09
რეფორმირებული სასამართლოს ფიასკო
პროკურორმა მოსამართლის გადაწყვეტილება წინასწარ გამოაცხადა

გურჯაანის სასამართლოს მოსამართლე ლია ოთარაშვილმა მთლიანად დააკმაყოფილა პროკურატურის შუამდგომლობა და კრივში საქართველოს ჩემპიონს 22 წლის ბიძინა სეფიაშვილს და ფეხბურთელს 19 წლის სპარტაკ სალთხუციშვილს წინასწარი აღკვეთის ღონისძიების სახით ორთვიანი პატიმრობა შეუფარდა. მიუხედავად იმისა, რომ ადვოკატები ბრალდებულებისთვის გირაოს შეფარდებას და პირად თავდებობას ითხოვდნენ, არასამთავრობო ორგანიზაციების წარმომადგენლებმა და რეგიონალურმა ჟურნალისტებმა პროკურორ გიორგი ქოქიაშვილისგან პროცესის დაწყებამდე გაიგეს, რომ სასამართლო დაკავებულებს ორთვიან პატიმრობას შეუფარდებდა.

2009-01-08
პოლიციის უფროსი ჟურნალისტებს დაკავებით ემუქრება
შს გურჯაანის სამმართველოს უფროსი   რეგიონულ ჟურნალისტებს  სპორტსმენების უკანონოდ დაპატიმრების ფაქტის გაშუქების გამო ატერორებს. პოლიციის უფროსმა კორესპონდენტები გააფრთხილა, რომ თუ ისინი სპორტსმენების საქმეზე მუშაობას არ შეწყვეტენ, ნარკოტიკები შესაძლოა, არა მარტო მათ, არამედ მათი ოჯახის წევრებსაც აღმოაჩნდეთ.

2009-01-08
მოსახლეობა მაღალმთიან და საზღვრისპირა სოფლებს მასობრივად ტოვებს
სიღნაღის რაიონის სოფელ ერისიმედის მოსახლეობა მეექვსე თვეა სასმელად მდინარის წყალს იყენებს. ილტოს ხეობის სოფლებში მცხოვრები არაერთი ოჯახი კი, რომელიც სტიქიამ დააზარალა, ამ დრომდე უსახლკაროდ არის დარჩენილი. მდინარე თუ ადიდებულია, ადგილობრივები ვერც რაიონულ ცენტრს უკავშირდებიან, რადგან მეწყერმა 2005 წელს სავალი გზაც წაიღო. 16 წელია ელექტროენერგიის გარეშეა დარჩენილი გურჯაანის რაიონის სოფელი ჭერემი. უკიდურესად დაზიანებული გზის გამო მოსახლეობა ხშირად დიდი ხნით გარე სამყაროს არის მოწყვეტილი. პრობლემების მოგვარებას მაღალმთიანი და საზღვრისპირა სოფლების მოსახლეობას არაერთხელ დაპირდნენ, ძირითადად წინასაარჩევნოდ. ადგილობრივი თუ ცენტრალური ბიუჯეტიდან დიდი ოდენობით თანხებიც არის გახარჯული, მაგრამ გაუსაძლისი პირობების გამო მოსახლეობა სოფლებს მასობრივად ტოვებს.
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC