გაფართოებული ძიება

სტატია

აირჩიეთ წელი

აირჩიეთ თვე

რეინტეგრაცია, არასათანადო მოპყრობა, ჯანდაცვა - კიდევ რა გამოწვევების წინაშე დგას პენიტენციური სისტემა

2 ივნისი, 2017

რეინტეგრაცია, არასათანადო მოპყრობის ფაქტები, დაზიანებების დოკუმენტირება, სამედიცინო მომსახურებაზე ხელმისაწვდომობა - კიდევ რა გამოწვევების წინაშე დგას პენიტენციური სისტემა სახალხო დამცველის 2016 წლის საპარლამენტო ანგარიშში ვრცელი ადგილი უკავია პენიტენციურ სისტემაში არსებულ მდგომარეობას. სახალხო დამცველის აპარატის სპეციალურმა პრევენციულმა ჯგუფმა საანგარიშო პერიოდში წამებისა და სხვა სასტიკი, არაადამიანური ან ღირსების შემლახავი მოპყრობის ან დასჯის პრევენციის კუთხით არსებული მდგომარეობის შესაფასებლად, ქვეყნის მასშტაბით, 12 პენიტენციურ დაწესებულებაში 35 ვიზიტი განახორციელა. შესაბამისად, გამოიკვეთა სფეროში არსებული პრობლემები და დადებითი ტენდენციები.

კოალიცია იუსტიციის საბჭოში მოსამართლეთა დანიშვნის გაუმჭვირვალე პროცესს აპროტესტებს

30 მაისი, 2017

იუსიტიციის უმაღლეს საბჭოში სააპელაციო სასამართლოს თავმჯდომარის ვალერიან ცერცვაძის განცხადება გადადგომის შესახებ 4 დღის წინ მიიღეს, რის შემდეგაც 29 მაისს იუსტიციის უმაღლესი საბჭოს სხდომა ჩაინიშნა. გუშინდელი სხდომა არასამთავრობო ორგანიზაციების პროტესტის ფონზე მიმდინარეობდა. მესამე სექტორის ნაწილისთვის საეჭვოა ვალერი ცერცვაძის მიერ 4 დღის წინ თანამდებობის დატოვება. არასამთავრობო ოორგანიზაციის წარმომადგენლები ვარაუდობენ, რომ მან პოსტი იმიტომ დატოვა, რომ ადგილი მისი ადგილმონაცვლისთვის გაეთავისუფლებინა.

აღარ აირჩიოთ - საპროტესტო პლაკატები გორში

24 მაისი, 2017

ქალაქ გორის საკრებულოს ცხრა წევრის პლაკატები გორში საზოგადოების თავშეყრის ადგილებსა და მიწისქვეშა გადასასვლელში გამოაკრეს. საზოგადოების ნაწილის პროტესტი 19 მაისს საკრებულოს სხდომაზე მათი მხრიდან მუნიციპალიტეტების გაერთიანების საკითხის მოწონებამ გამოიწვია. სხდომას 15 დეპუტატიდან 13 ესწრებოდა, საკითხს მხარი საკრებულოს ცხრა წევრმა დაუჭირა, მათ შორის იყვნენ ,,ქართული ოცნებისა” და ,,ქართული პარტიის" და დამოუკიდებელი წევრები.

მოსახლეობას ხელისუფლების დახმარების იმედი არ აქვს

23 მაისი, 2017

გორის მუნიციპალიტეტის სოფელ ვარიანში მცოვრებ ნათელა მაყაშვილს ერთი თვის წინ, ყინვის შედეგად, ხეხილის ბაღები მთლიანად გაუნადგურდა. მისი ოჯახი იმედს ბოსტნეულზე ამყარებდა, თუმცა რამდენიმე დღის წინ მოსულმა სეტყვამ ბოსტნეულიც გაუნადგურა.

სიღნაღის პოლიციაში 37 წლის მამაკაცს ნეკნები ჩაუმტვრიეს

23 მაისი, 2017

37 წლის ვლადიმერ მჭედლიშვილი სიღნაღის პოლიციაში სრულიად ჯანმრთელი შეიყვანეს, სხეულის დაზიანებების გარეშე. რამდენიმე წუთის შემდეგ კი, წინასწარი დაკავების იზოლატორში მოთავსებისას სისხლნაჟღენთები ჰქონდა მარცხენა თვალბუდის და მენჯის არეში. იზოლატორში ყოფნისას, ერთ ღამეში 2–ჯერ დასჭირდა სასწრაფო სამედიცინო დახმარების გაწევა. სააადმყოფოში გამოკვლევების ჩატარების შემდეგ კი აღმოჩნდა, რომ მას მე–6, მე–7 და მე–8 ნეკნების მოტეხილობა აქვს. ვლადიმერ მჭედლიშვილის თქმით, ის სიღნაღის პოლიციის შენობაში პოლიციელმა გიორგი ნოზაძემ ცემა.

როგორ „ზოგავს“ ბიუჯეტს ახმეტის გამგებელი - ქალაქში გაუქმებული წყლები და ვიზიტი აშშ-ში

23 მაისი, 2017

ახმეტის გამგებელმა ბექა ბაიდაურმა ახმეტის ცენტრში სასმელი წყლის ყველა წერტილი ბიუჯეტის დაზოგვის მოტივით გააუქმებინა, მეორე დღეს კი იმავე ბიუჯეტის ხარჯზე ამერიკის შეერთებულ შტატებში 11-დღიანი მივლინებით გაემგზავრა. გამგებლის თანამდებობაზე ყოფნის პერიოდში ეს ბექა ბაიდაურის მესამე ვიზიტია აშშ-ში. საერთო ჯამში მან 10-ზე მეტ სახელმწიფოში რამდენჯერმე იმოგზაურა.

კონსტიტუციის სახალხო განხილვა თბილისში ვერ შედგა

16 მაისი, 2017

თბილისში 15 მაისს კონსტიტუციის საყოველთაო სახალხო განხილვა ფილარმონიაში ჩაიშალა. პარლამენტის თავმჯდომარის, ირაკლი კობახიძის განცხადებით, სამშაბათს გაიმართება საორგანიზაციო კომისიის სხდომა და გადაწყდება, როგორ გაგრძელდება საყოველთაო სახალხო განხილვის პროცესი.

პანკისის სოფელ ჯოყოლოში ქრისტიანული სალოცავის დანგრევას პოლიცია იძიებს

3 მაისი, 2017

ახმეტის პოლიცია სისხლის სამართლის კოდექსის 187–ე მუხლით (ნივთის დაზიანება ან განადგურება) იძიებს პანკისის ხეობის სოფელ ჯოყოლოში მშენებარე ქრისტიანული სალოცავის დანგრევის ფაქტს. სოფელ ჯოყოლოს მკვიდრი მაყვალა ცისკარიშვილი, რომელიც სალოცავს აშენებდა, პანკისის სათემო რადიოსთან საუბარში არ ადასტურებს ინფორმაციას, რომ მშენებლობის გაგრძელების შემთხვევაში მას ადგილობრივი მუსლიმები სახლის გადაწვით ემუქრებოდნენ. მშენებარე სალოცავის დანგრევის შესახებ ხეობაში სხვადასხვა ვერსიები ვრცელდება.

მთავრობის არჩევანი მოქალაქეთა ჯანმრთელობასა და თამბაქოს ბიზნეს შორის

26 აპრილი, 2017

18 აპრილს პარლამენტის ჯანმრთელობის დაცვისა და სოციალურ საკითხთა კომიტეტში „თამბაქოს კონტროლის შესახებ“ კანონპროექტთა პაკეტის მეორე მოსმენის ნაცვლად „სამუშაო შეხვედრა“ გაიმართა. მეორე მოსმენის გადადება მთავრობამ ითხოვა, რის გამოც კომიტეტში დისკუსია არაფორმალურ ფორმატში გაიმართა. მიუხედავად იმისა, რომ მოსმენის გადადების ინიციატორიც მთავრობა იყო და დისკუსიის ძირითადი ნაწილიც მის მიერ წარმოდგენილ შენიშვნებს ეხებოდა, შეხვედრას მთავრობის წარმომადგენლები არ დასწრებიან.

სასამართლო დავა საფეხბურთო სტადიონისთვის

25 აპრილი, 2017

ქ. გორში თენგიზ ბურჯანაძის სახელობის ფეხბურთის სტადიონის დაბრუნების მოთხოვნით მიხეილ ლურსმანაშვილმა მთავარ პროკურატურას და სასამართლოს მიმართა. ლურსმანაშვილის განცხადებით, ნაციონალური მოძრაობის ხელისუფლებაში ყოფნის დროს მას სტადიონი იძულებით დაათმობინეს და სახელმწიფოზე გადააფორმებინეს. მიხეილ ლურსმანაშვილის ინტერესებს ადვოკატი ამირან გიგუაშვილი იცავს, მოპასუხე მხარეს გორის მერია წარმოადგენს.

ბრალდებები ხაშურის ქონების მართვის სამსახურის წინააღმდეგ

25 აპრილი, 2017

ხაშურში მცხოვრები ზაზა მეხრიშვილი ხაშურის მუნიციპალიტეტის გამგეობის ეკონომიკური სამსახურის უფროსს და მის ორ თანამშრომელს სიტყვიერი და ფიზიკური შეურაცხყოფის მიყენებაში ადანაშაულებს. მეხრიშვილის განცხადებით, დაპირისპირების მიზეზი მის მიერ სოციალურ ქსელში ქონების მართვის სამსახურის მიმართ გამოქვეყნებული კრიტიკული პოსტი გახდა.

ესტონეთის საგარეო საქმეთა მინისტრმა ცხინვალში ჩატარებულ არჩევნებს არალეგიტიმური უწოდა

25 აპრილი, 2017

საქართველოში ოფიციალური ვიზიტით მყოფი ესტონეთის დელეგაციის წევრები 24 აპრილს სოფელ ხურვალეთში ჩავიდნენ და საოკუპაციო ხაზთან არსებულ მდგომარეობას ადგილზე გაეცნენ. ესტონეთის საგარეო საქმეთა მინისტრმა სვენ მიკსერმა და დელეგაციის წევრებმა საოკუპაციო ხაზთან არსებულ მდგომარეობაზე ინფორმაცია სახელმწიფო უსაფრთხოების სამსახურის წარმომადგენელ კახა ქემოკლიძისგან მიიღეს. ესტონეთის დელეგაციის წარმომადგენლები საოკუპაციო ხაზს იქეთ დარჩენილ 83 წლის დავით ვანიშვილსაც გაესაუბრნენ. ესტონეთის საგარეო საქმეთა მინისტრმა საოკუპაციო ხაზთან გააკეთა განცხადება და საქართველოს სუვერენიტეტს და ტერიტორიულ მთლიანობას მხარი დაუჭირა, სვენ მიკსერი ოკუპირებულ ცხინვალის რეგიონში ჩატარებულ არჩევნებსაც გამოეხმაურა და არალეგიტიმური უწოდა.

'მეკუთვნის და ავიღე' – ნახევარ მილიონამდე ლარი სააღდგომო პრემიებში

22 აპრილი, 2017

აღდგომის დღესასწაულთან დაკავშირებით კახეთის გამგეობებსა და საკრებულოებში 440 582 ლარი პრემიებში დაიხარჯა. მუნიციპალიტეტებს შორის ყველაზე მეტი თანხა, 88 ათასი ლარი გურჯაანში გაიცა. „მეკუთვნის და ავიღე“, – აცხადებს გურჯაანის გამგებელი გივი გერგიძე. რა დამსახურებისთვის წაიხალისა თავი გურჯაანის გამგებელმა, ამ კითხვაზე მისგან პასუხი ვერ მივიღეთ. როგორც გამოვარკვიეთ, გივი გერგიძეს კორპორატიულ ნომერზე 599 75 04 14 კახეთის საინფორმაციო ცენტრის და მისი რეპორტიორების ტელეფონებიდან შემავალი ზარები დაბლოკილი აქვს. სხვა ნომრიდან დარეკვის შემდეგ კი განაცხადა, რომ „არ უნდა შევაწუხოთ“.

გარდაცვლილი სპეცრაზმელის ოჯახი გამოძიებას უნდობლობას უცხადებს

21 აპრილი, 2017

2017 წლის 25 თებერვალს შსს სპეცდანიშნულების კარალეთის ბაზის მიმდებარე ტერიტორიაზე ნორმატივების ჩაბარებისას გარდაცვლილ სულიკო ანესაშვილის ოჯახის წევრები, მომხდარიდან ორი თვის შემდეგ, გამოძიებას უნდობლობას უცხადებენ. ამის მიზეზად კი ძიების პროცესის გაჭიანურებასა და მის არასათანადოდ წარმართვას ასახელებენ.

ყოფილი მთავარი პროკურორის მამამ სოფელ მანავში 28 მიწის ნაკვეთი დაირეგისტრირა

14 აპრილი, 2017

საქართველოს ყოფილი მთავარი პროკურორისა და ამჟამად ფინანსთა სამინისტროს საგამოძიებო სამსახურის უფროსის გიორგი ბადაშვილის მამა - ნუგზარ ბადაშვილი სხვადასხვა სახელმწიფო საწარმოებშია დასაქმებული, მისი ხელფასი კი ყოველწლიურად ორმაგდება. ნუგზარ ბადაშვილმა 2016 წლის განმავლობაში საგარეჯოს სოფელ მანავში 227 467 მ2 სასოფლო მიწის ნაკვეთი დაირეგისტრირა.

„რა მოხდა ქუჩაში“

10 აპრილი, 2017

„რამდენიმე თვის წინ სახლიდან სამსახურში ტაქსით მივდიოდი, ტაქსის მძღოლი მასტურბირებდა...ვერც ვიყვირე, ვერც გაჩერება მოვითხოვე. ვისაც ეს არ შემთხვევია ვერ მიხვდება, როგორი დამაბნეველი და გულისამრევია ეს ამბავი. მისამართზე როგორც კი მივედი, ფული დავუგდე უკან და მანქანიდან რაც შეიძლება სწრაფად გადმოვედი”.

მძიმე სანიტარულ-ჰიგიენურ პირობებში მყოფი შშმ მსჯავრდებული გათავისუფლებას ითხოვს

30 მარტი, 2017

ხერხემლის ტრავმული დაზიანება (არის ეტლით მოსარგებლე, ვერ ახერხებს დამოუკიდებლად გადაადგილებას), მიელოპათია, პოსტტრავმული ქვედა პარაპლეგია, მცირე მენჯის ღრუს ორგანოთა დისფუნქცია. ცხვირის ძგიდის გამრუდება, ქრონიკული C ჰეპატიტი. ტერფის მიკოზი, ონიქომიკოზი. შფოთვითი მდგომარეობა - ამ დაავადებების მქონე მსჯავრდებული ს.ს. უკვე 2 წელიწად-ნახევარია სასჯელს იხდის სასჯელაღსრულების №18 დაწესებულებაში.

გორის მერიაში რეორგანიზაცია მიმდინარეობს

28 მარტი, 2017

გორის მერიამ მის დაქვემდებარებაში მყოფი 41 ა(ა)იპი-სა და შპს-ს რაოდენობის შესამცირებლად რეორგანიზაცია დაიწყო. გორის მერიის იურიდიულმა სამსახურმა ა (ა)იპ-ის დირექტორებს წერილობითი განცხადებები გაუგზავნა და შესაძლო გათავისუფლების შესახებ გააფრთხილა.

გორში პრეზიდენტთან გამართულ შეხვედრებს ადგილობრივი ხელისუფლების წარმომადგენლები არ დაესწრნენ

28 მარტი, 2017

24 მარტს, საქართველოს პრეზიდენტმა, გიორგი მარგველაშვილმა გორში ,,კონსტიტუცია ყველასია" კამპანიის პრეზენტაცია გამართა. პრეზიდენტი პოლიტიკური პარტიების ლიდერებთან ერთად, კამპანიის ფარგლებში, გორის უნივერსიტეტის სტუდენტებსა და პროფესორ-მასწავლებლებს შეხვდა.

ადამიანის უფლებათა ცენტრის წარმატებული საქმეები (ნოემბერი, დეკემბერი, იანვარი და თებერვალი)

24 მარტი, 2017

სასჯელაღსრულებისა და პრობაციის სამინისტროს მსჯავრდებულის სასარგებლოდ 60 000 ლარის გადახდა დაეკისრა თბილისის საქალაქო სასამართლომ დააკმაყოფილა ადამიანის უფლებათა ცენტრის მიერ მომზადებული სასარჩელო მოთხოვნა და სასჯელაღსრულებისა და პრობაციის სამინისტროს, წამებისა და არაადამიანური მოპყრობის მსხვერპლის სასარგებლოდ, 60 000 ლარის გადახდა დააკისრა, მხოლოდ მორალური ზიანის კომპენსაციის სახით.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC