პორტალი ადამიანის უფლებების შესახებ

4 წლის მარიამის მდგომარეობით მას შემდეგ დავინტერესდით, რაც თავად ვნახეთ, ნასვამ მდგომარეობაში მყოფი გამზრდელი, ბავშვს ფიზიკურად როგორ შეურაცხყოფდა. თვითმხილველთა თქმით, გურჯაანში მცხოვრები ლილი ჩუგოშვილი აღსაზრდელს სისტემატურად შეურაცხყოფს, აიძულებს მისი სურვილისამებრ მოიქცეს და რასაც უბრძანებს ის შეასრულოს. მიუხედავად იმისა, რომ მომხდარის თაობაზე ადგილობრივი პოლიცია დეტალურადაა ინფორმირებული, „ალკოჰოლიკი“ ქალის მიმართ კანონით გათვალისწინებული ღონისძიებები არ ტარდება. ჩუგოშვილის მეზობლები ამას იმით ხსნიან, რომ ვინც მას შენიშვნას მისცემს ფიზიკურად უსწორდება.

საზოგადოებაში არსებობს აზრი, რომ ბავშვთა სოციალური ადაპტაციის ცენტრი ზოგიერთებს საკუთარი ინტერესებისა და ჯიბის გასასქელებლად აინტერესებთ და არა ბავშვების მომავლისთვის. ამას ისიც ადასტურებს, რომ ამ პრობლემის მოსაგვარებლად სახელმწიფო პოლიტიკა არ არსებობს.