ადმინისტრაციულ პატიმრობა შეფარდებული პირი პრესას საკუთარი ხარჯებით გაეცნობა

ადმინისტრაციულ პატიმრობა შეფარდებული პირი პრესას საკუთარი ხარჯებით გაეცნობა. სასჯელაღსრულების, პრობაციისა და იურიდიული დახმარების საკითხთა მინისტრის ბრძანებით, ადმინისტრაციულ პატიმრობა შეფარდებული მსჯავრდებულის უფლებები განისაზღვრა.

ბრძანების თანახმად, მსჯავრდებულს უფლება აქვს ჟურნალ-გაზეთები საკუთარ ხარჯზე გამოიწეროს. ამას გარდა, მსჯავრდებულს უფლება აქვს ისარგებლოს დამცველთან შეუზღუდავი შეხვედრის უფლებით, აგრეთვე საკონსულოს და სხვა დიპლომატიურ წარმომადგენლებთან (უცხო ქვეყნის მოქალაქეებისათვის) შეხვედრის უფლებით; შეუძლია ისარგებლოს დაწესებულების ტერიტორიაზე არსებული მაღაზიით; შეინახოს და კანონიერად გამოიყენოს განსაზღვრული პირველადი მოხმარების საგნები, ჰიგიენური საშუალებები და სხვა ნივთები და საგნები; იქონიოს მიმოწერა კანონმდებლობით დადგენილი წესით; ისარგებლოს დაწესებულების ბიბლიოთეკით; ადმინისტრაციას წარუდგინოს წინადადებები, განცხადებები და საჩივრები როგორც წერილობითი, ასევე ზეპირი ფორმით.

სასჯელაღსრულების, პრობაციისა და იურიდიული დახმარების საკითხთა მინისტრის ბრძანება უკვე ძალაშია.