კახეთში მოსახლეობას ელექტროენერგიის საფასურს უკანონო ტარიფით ახდევინებდნენ

თბილისი.05.09.06.მედიანიუსი. კახეთის ენერგოსადისტრიბუციო კომპანია თავის აბონენტებს დენის საფასურს მომატებული ტარიფით ახდევინებდა. მოსახლეობა 1 კვ. ელექტროენერგიაზე 13 თეთრის ნაცვლად, 19 თეთრს იხდიდა, _ განუცხადა “მედიანიუსს” ელექტროენერგიისა და ბუნებრივი აირის მომხმარებელთა ინტერესების საზოგადოებრივმა დამცველმა დავით მიქაუტაძემ.
მისი თქმით, ეს დარღვევა კომპანიაში ჩატარებული შემოწმების შედეგად აღმოაჩინეს, რომელიც 29 აგვისტოს დაიწყო და 5 სექტემბერს დასრულდა.
დავით მიქაუტაძის განმარტებით, კომპანიამ აღიარა  აღნიშნული ფაქტი და მიღწეულია შეთანხმება, რომ კახეთის ენერგოდისტრიბუცია აბონენტებს უკან დაუბრუნებს ზედმეტად გადახდილ თანხებს.