სლოვაკეთის საგარეო საქმეთა მინისტრი, ევროპის საბჭოს მინისტრთა კომიტეტის თავმჯდომარე იან კუბიში მიიჩნევს, რომ ტელეკომპანია „იმედის“ მაუწყებლობის უახლოეს მომავალში აღდგენა იქნება ერთ-ერთი ინდიკატორი, თუ რამდენად ჯანსაღად მიმდინარეობს პოლიტიკური პროცესები საქართველოში.
იან კუბიშმა ამის შესახებ საქართველოს საგარეო საქმეთა მინისტრთან გელა ბეჟუაშვილთან თბილისში 27 ნოემბერს გამართული მოლაპარაკებების შემდეგ განაცხადა.
სლოვაკეთის საგარეო საქმეთა მინისტრის განცხადებით, ასევე მნიშვნელოვანია, რომ 5 იანვარს საქართველოში დაგეგმილი რიგგარეშე საპრეზიდენტო არჩევნების წინ ოპოზიციას თავისუფალი წინასაარჩევნო კამპანიის ჩატარების შესაძლებლობა ჰქონდეს.