29 ნოემბერს, საღამოს, სრულად აღდგა სტუდია „მაესტროს“ საკაბელო მაუწყებლობა. 30 ნოემბერს, 21.30 საათზე ეთერში პირველად გავა გადაცემა „პროფესია - ჟურნალისტი“.
„მაესტროს“ მაუწყებლობა, 28 ნოემბერს, საღამოს გაითიშა, ხსენებული გადაცემის ჩვენების წინ. კომპანია „გლობალ TV“, რომლის საშუალებითაც მაუწყებლობს მაესტრო, გათიშვის მიზეზად ტექნიკურ ხარვეზებს ასახელებს, თუმცა მამუკა ღლონტი ვარაუდობს, რომ „ეს გადაცემა ხელისუფლების რომელიღაც წარმომადგენელს არ მოუვიდა თვალში“.
ღლონტის ინფორმაციით, გადაცემის სტუმრები ისაუბრებენ, ზოგადად, არჩევნებზე და დემოკრატიაზე.
სტუდია „მაესტრო“ სპეციალიზებული სამაუწყებლო ლიცენზიას ფლობს, რომლის თანახმად, მას, გასართობ-მუსიკალური და შემეცნებით პროგრამების გაშვების უფლება აქვს.
„მაესტროს“ პროგრამები თბილისის საკაბელო არხებით ვრცელდება.
წყარო: Media.ge