10:17, Tuesday, 14.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მონიტორინგის ჯგუფმა პენიტენციარულ სისტემაში დარღვევები გამოავლინა

27.12.2007
საქართველოს ახალგაზრდა იურისტთა ასოციაციამ დღეს სასტუმრო "თბილისი მარიოტში" პენიტენციარული სისტემის 2006 წლის ფინანსური მონიტორინგის შედეგების  პრეზენტაცია გამართა. ანგარიში ორგანიზაციამ ეუთოს ფინანსური მხარდაჭერით მოამზადა.

კვლევა მოიცავს საქართველოს იუსტიციის სამინისტროს, სასჯელაღსრულების დეპარტამენტის 2006 წლის ფინანსური დოკუმენტაციის, საბიუჯეტო ანგარიშგების ანალიზისა და რეალური სურათის შედარებას კანონის მოთხოვნებთან.

პროექტის კოორდინატორის ირინა გაბუნიას თქმით, დოკუმენტაციის შესწავლის პროცესში მონიტორინგის ჯგუფმა არაერთი მნიშვნელოვანი დარღვევა გამოავლინა. კერძოდ, დეპარტამენტი საბიუჯეტო სახსრებს არაეფექტურად განკარგავდა და ოფიციალურ დოკუმენტაციაში არასათანადოდ ასახავდა, უგულებელყოფდა "სახელმწიფო შესყიდვების შესახებ" საქართველოს კანონით დადგენილ პროცედურებს, პარალიზებული იყო საჯარო ინფორმაციის ხელმისაწვდომობის კანონიერი მექანიზმები, რაც კანონის დადგენილი ვადების დაუცველობასა და არასრულყოფილი დოკუმენტაციის მიწოდებაში გამოიხატა. გარდა ამისა, მონიტორინგის ჯგუფის წევრები ფინანსების ხარჯვის პროცესების გაუმჭვირვალობაზეც საუბრობენ.

გაბუნიას განმარტებით, კვლევა მიზნად სასჯელაღსრულების დეპარტამენტის კრიტიკას კი არ ისახავს, არამედ მოწოდებულია შეახსენოს დეპარტამენტს, რომ მისი ფინანსური საქმიანობის გამჭვირვალობა და კანონიერება საზოგადოებისთვის უდავოდ მნიშვნელოვანი და საინტერესოა.

როგორც საქართველოს ახალგაზრდა იურისტთა ასოციაციის თავმჯდომარემ გიორგი ჩხეიძემ მონიტორინგის შედეგებზე საუბრისას განაცხადა, საბიუჯეტო სახსრების განკარგვისას ამოსავალ წერტილად უნდა იქცეს პატიმართა უფლება, იმყოფებოდნენ ჯანსაღ გარემოში. ჩხეიძის თქმით, კვლევამ კიდევ ერთხელ აჩვენა, რომ სასჯელაღსრულების დეპარტამენტი სერიოზულ რეფორმას საჭიროებს, რაც არაერთმა საერთაშორისო ანგარიშმა დაადასტურა.

საქართველოს სახალხო დამცველის ოფისის წარმომადგენელმა გიგა გიორგაძემ დადებითად შეაფასა არასამთავრობო სექტორის ასეთი აქტიურობა აღნიშნულ სფეროში და განაცხადა, რომ მსგავსი მონიტორინგის ჩატარება სახელმწიფო უწყებებს ხარვეზების გამოსწორებაში დაეხმარება.

წყარო: მედიანიუსი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC