ზესტაფონში საქართველოს ლეიბორისტული პარტიის იმერეთის შტაბ-ბინასთან აფეთქება მოხდა. როგორც "მედიანიუსს" ზესტაფონის საკრებულოს წევრმა ლეიბორისტული პარტიიდან და ამავე შტაბ-ბინის ხელმძღვანელმა გიორგი გოგლიჩიძემ განუცხადა, შემთხვევა 3 იანვარს, ღამით, 23:00 საათის შემდეგ, დავით აღმაშენებლის ქუჩა #51-ში მოხდა, სადაც მდებარე ორსართულიან შენობაში ლეიბორისტების იმერეთის შტაბ-ბინაა განთავსებული.
როგორც გიორგი გოგლიჩიძემ აღნიშნა, ექსპერტების დასკვნით, შენობას, სავარაუდოდ, ახალი მოდელის ხელყუმბარა შენობასთან ჩავლილი მანქანიდან ესროლეს. აფეთქებამ შენობის კედლები დააზიანა და ფანჯრის მინები ჩაამსხვრია. მომხდარის შედეგად არავინ დაშავებულა. მიმდინარეობს გამოძიება.
წყარო: მედიანიუსი.