თბილისი.06.01.08.მედიანიუსი. გაერთიანებული ოპოზიციის წარმომადგენელთა მტკიცებით, თბილისში, მათ სათავო ოფისთან (თოფურიას ქ. )ასაფეთქებელი ნივთიერება დღეს ორჯერ აღმოაჩინეს.
ერთიანი საბჭოს წევრი კახა კუკავა ასაფეთქებელი ნივთიერების ოფისთან დამონტაჟებაში სპეციალურ ოპერატიულ დეპარტამენტს აბრალებს.
როგორც ოპოზიციონერები აცხადებენ, ასაფეთქებელი ნივთიერება მათ ოფისის ფანჯრიდან შეამჩნიეს და იგი გია თორთლაძემ გააუვნებელყო.
გაერთიანებული ოპოზიციის ოფისთან აღმოჩენილი ნივთიერება კრიმინალური პოლიციის თანამშრომლებმა ექსპერტიზის ჩასატარებლად შესაბამის დაწესებულებაში წაიღეს. სამართალდამცავები მომხდართან დაკავშირებით ჯერჯერობით კომენტარს არ აკეთებენ.