პორტალი ადამიანის უფლებების შესახებ
საქართველოში ფსიქიკური პრობლემების მქონე პირთა რიცხვი 3-ჯერ გაიზარდა
30.01.2008
პარლამენტის ბიზნესის საერთაშორისო ასოციაციაში გაიმართა მრგვალი მაგიდა თემაზე: "უკეთესი ფსიქიკური ჯანმრთელობა მოსახლეობის დაუცველი ფენებისათვის".
ღონისძიების ორგანიზატორი იყო ფონდი "გლობალური ინიციატივა ფსიქიატრიაში - თბილისი" და საქართველოს ფსიქიკური ჯანმრთელობის კოალიცია. მასში მონაწილეობდნენ შრომის, ჯანმრთელობისა და სოციალური დაცვის სამინისტროს, პარლამენტის ჯანმრთელობის დაცვისა და სოციალურ საკითხთა კომიტეტის და ამ სექტორში მომუშავე არასამთავრობო ორგანიზაციების წარმომადგენლები.
როგორც ჯანდაცვის კომიტეტის წევრმა ოთარ თოიძემ განაცხადა, შეხვედრის მიზანია პარლამენტისა და მთავრობისათვის რეკომენდაციების შემუშავება, რომელსაც შემდგომში ფსიქიკური ჯანმრთელობის პოლიტიკის დოკუმენტის მოსამზადებლად გამოიყენებენ. დოკუმენტში უნდა აისახოს ღონისძიებები, რომელიც მომდევნო 5 წლის განმავლობაში სფეროში არსებული პრობლემების გადასაჭრელად განხორციელდება. Uპირველესი, რაც უნდა გაკეთდეს, სტაციონარების ინფრასტრუქტურის შექმნა და სათანადო მომსახურების ადგილზე გაწევის განვითარებაა.
ერთ-ერთი პრიორიტეტია ფსიქიკურად დაავადებული პირების სოციალური დაცვა და შრომით საქმიანობაში ჩაბმა. ასევე მნიშვნელოვანია ამ ტიპის პაციენტებისადმი საზოგადოების ნეგატიური დამოკიდებულების შეცვლა.
ოფიციალური ინფორმაციით, ბოლო 15 წლის განმავლობაში სოციალურ-ეკონომიკური მდგომარეობის გაუარესების გამო, საქართველოში ფსიქიკური პრობლემების მქონე პირთა რიცხვი 3-ჯერ გაიზარდა და 107 ათასს მიაღწია, რაც ქვეყნის მოსახლეობის 2 პროცენტია. როგორც წესი, არაოფიციალური მაჩვენებლები გაცილებით მაღალია.
შეხვედრის მონაწილეებმა ასევე იმსჯელეს სახელმწიფო ბიუჯეტში ფსიქიატრიის პროგრამების დაფინანსების ზრდის აუცილებლობაზე. მედიცინის აღნიშნული დარგის დაფინანსება ამჟამად დაახლოებით 9,5 მილიონი ლარია. იმისათვის, რომ ფსიქიკურად დაავადებულ პაციენტებს სრულფასოვანი ეფექტიანი დახმარება გაეწიოთ, 70-80 მილიონი ლარი მაინც არის საჭირო.
წყარო: მედიანიუსი
დატოვეთ თქვენი კომენტარი
სხვა სიახლეები
აშშ გმობს 17 მაისის ჰომოფობიურ ძალადობას თბილისში
17 მაისის ძალადობასთან დაკავშირებით ოთხი პირია დაკავებული
„არა ძალადობას“ - აქცია ბათუმში
საქართველო "საუკეთესო ქვეყნები დედობისთვის" რეიტინგში 94-ე ადგილზეა
რუსთავში დანაშაულის აღკვეთისას მოქალაქე დაიჭრა
არქივი
ბლოგი
ქართული პოლიტიკური რეკლამის ისტორიული ექსკურსი
2005 წელს ამერიკელმა მკვლევარებმა დაადგინეს, რომ სატელევიზიო პოლიტიკურ რეკლამებს ამომრჩევლის ნების ფორმირებაზე მხოლოდ ხანმოკლე (ასე - ორკვირიანი), ზეგავლენის მოხდენა შეუძლია.ვრცლად...
წინასაარჩევნო სარეკლამო დაპირებები
პოლიტიკური რეკლამების ხარისხი და მიზანი
რედაქტორის აზრი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
ადამიანის უფლებათა ცენტრი იწყებს ახალი პროექტის განხორციელებას, რომლის ფარგლებშიც, ცენტრის იურისტები და ჟურნალისტები ყოფილი მაღალჩინოსნების სასამართლო პროცესებს მონიტორინგს გაუწევენ. ვრცლად...
საერთაშორისო ზეწოლის შედეგად სახელმწიფო აუდიტმა და აღსრულების ეროვნულმა ბიურომ რეპრესიები შეაჩერეს
აგვისტოს ომი - ვინ არის დამნაშავე?
გამოკითხვა
თქვენი აზრით, პარლამენტის მიერ ცოტა ხნის წინ გათავისუფლებული პოლიტპატიმრები იმსახურებდნენ თუ არა განთავისუფლებას?