18:22, Wednesday, 23.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მეთიუ ბრაიზა: თუ „იმედი“ არ დაბრუნდა ეთერში, ვიმედოვნებ, სხვა, რომელიმე ახალი დამოუკიდებელი ტელევიზია გაჩნდება საქართველოში

05.02.2008
ვაშინგტონში, ჯორჯთაუნის უნივერსიტეტში,  საქართველოში მიმდინარე მოვლენები განიხილეს. საუბრის ძირითადი თემა იყო, საქართველოს პრეზიდენტის არჩევნები, 2007 წლის 7 ნოემბრის მოვლენები და კონფლიქტური რეგიონები.

როგორც ტელეკომპანია „რუსთავი 2“ იტყობინება,  შეხვედრას ესწრებოდნენ აშშ-ს სახელმწიფო მდივნის თანაშემწის მოადგილე მეთიუ ბრაიზა და საქართველოს ელჩი შეერთებულ შტატებში ვასილ სიხარულიძე.

ბრაიზა  შეეცადა აეხსნა მიზეზები რის გამო გამოუცხადა ვაშინგტონმა საქართველოს მთავრობას ნდობა. მისი თქმით, საქართველოს ამერიკასთან  საერთო ღირებულებები აკავშირებს.

ბრაიზამ ამავე დროს განაცხადა, რომ სახელმწიფო მდივანმა კონდოლიზა რაისმა ის  საქართველოში ამ ქვეყნის  მთავრობასთან მოსალაპარაკებლად,  არა მხოლოდ საგანგებო მდგომარეობის მოხსნის, არამედ ტელეკომპანია „იმედის“ სატელევიზიო ეთერში დაბრუნების მოთხოვნითაც გააგზავნა,  თუმცა, მისივე თქმით,  ტელეკომპანიასთან დაკავშირებით ბევრი შეხედულება შეიცვალა.

„იმედიდან" ბევრი ჟურნალისტი წავიდა, რამაც არხის მუშაობა შეაჩერა. პატარკაციშვილი, „ნიუს კორპი“ და საქართველოს მთავრობაც, მგონია, რომ ფიქრობენ,  როგორი იქნება „იმედის“ მომავალი. თუ „იმედი“ არ დაბრუნდა ეთერში, ვიმედოვნებ, სხვა,  რომელიმე ახალი დამოუკიდებელი ტელევიზია  გაჩნდება საქართველოში“, თქვა ბრაიზამ.

„იმედის“ მაუწყებლობა ხელმეორედ 2007 წლის 26 დეკემბერს შეწყდა  და ჯერაც არ არის ცნობილი,  გავა თუ არა საერთოდ ეთერში.

გაზეთი „ჯორჯიან თაიმსი“, 31 იანვრის ნომერში,  აქვეყნებს მოკლე  ინტერვიუს „იმედში“ დარჩენილ ჟურნალისტთან მაგდა ანიკაშვილთან, რომელმაც,  „იმედის“ ამუშავების პერსპექტივებზე საუბრისას,  განააცხადა, რომ ამ ეტაპზე „ძალიან გაურკვეველი და არასტაბილური სიტუაციაა“ და არავინ იცის, საერთოდ იარსებებს თუ არა ეს ტელეკომპანია.

„ძალიან მეეჭვება, რომ „იმედის“ მაუწყებლობა აღდგეს. პროცენტებით თუ ვისაუბრებთ, ალბათ, 50%-50%-ზეა“,  თქვა  ჟურნალისტმა.

წყარო: Media.ge


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC