რეინტეგრაციის საკითხებში საქართველოს მინისტრის აპარატი შეშფოთებას გამოთქვამს აფხაზი ე.წ. სამართალდამცავების მიერ ტელეკომპანია "მზის" ზუგდიდის ბიუროს ხელმძღვანელის მალხაზ ბასილაიას დაკავების გამო.
ბასილაია აფხაზებმა რუსეთის სამშვიდობო ძალების 201-ე საგუშაგოსთან დააკავეს. ბასილაია გალის რაიონში რუსეთის წინასწარი საპრეზიდენტო არჩევნების მიმდინარეობას აშუქებდა.
სახელმწიფო მინისტრის აპარატი მიმართავს გაეროს ადამიანის უფლებათა უმაღლეს კომისარს ლუიზ არბურს, გაეროს გენერალური მდივნის სპეციალურ წარმომადგენელს ჟან ანროს და ეუთოს ქვეყნების ელჩებს, გამოიყენონ ყველა შესაძლებლობა უკანონო პატიმრობაში მყოფი ქართველი ჟურნალისტის დაუყოვნებლივ გათავისუფლებისთვის.
წყარო: მედიანიუსი