ძებნილმა ვალერი გელბახიანმა საქართველოს სახალხო დამცველ სოზარ სუბარს წერილით მიმართა.
როგორც გელბახიანის ადვოკატმა შალვა ხაჭაპურიძემ "მედიანიუსს" განუცხადა, მასში აღნიშნულია, რომ ვალერი გელბახიანისა და ბადრი პატარკაციშვილის მიმართ საქმის აღძვრას საფუძვლად დაედო შინაგან საქმეთა სამინისტროს და პროკურატურის მიერ გაყალბებული ნივთმტკიცებები. ამიტომაც გელბახიანი სრულ ნდობას უცხადებს სახალხო დამცველს და ითხოვს, შეიქმნას საგანგებო კომისია, რომელიც მის საქმე გამოიძიებს.
გელბახიანის წერილში აგრეთვე მიუთითებს, რომ კომისიის შემადგენლობაში უნდა შევიდნენ როგორც სახალხო დამცველი, ისე სახალხო დამცველის აპარატის თანამშრომლები, საზოგადოების თვალსაჩინო წარმომადგენლები, რომლებსაც იურიდიული განათლება და პრაქტიკა აქვთ, აგრეთვე, დამოუკიდებელი მასმედიის წარმომადგენლები. გელბახიანი კი თავის მხრივ კომისიას წარუდგენს საქმის მასალებს და დაცვის მხარის მიერ მოპოვებულ მტკიცებულებებს.
"იმ შემთხვევაში, თუ კომისია დამნაშავედ მცნობს, მზად ვარ გამოვცხადდე", - ნათქვამია განცხადებაში.
ადვოკატი შალვა ხაჭაპურიძე განცხადებას სახალხო დამცველს გადასცემს
წყარო: მედიანიუსი