17:20, Friday, 04.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი პროკურატურას პოლიციელთა ქმედებებზე რეაგირებას სთხოვს

13.05.2008
სახალხო დამცველი სოზარ სუბარი 26 აპრილს ზაჰესში პოლიციელების მიერ დაკავებული ადამიანების მიმართ შეურაცხყოფის მიყენების ფაქტზე გენერალურ პროკურატურას დაუყოვნებლივ რეაგირებას სთხოვს.

სახალხო დამცველმა შეისწავლა ზაჰესში მოქალაქეების _ გოჩა ცქიტიშვილის, აკაკი ხმალაძის, გიორგი ხალოევისა და შალვა ყორღანაშვილის დაკავების ფაქტი და 8 მაისს მის ხელთ არსებული მასალა  რეაგირებისთვის საქართველოს გენერალურ პროკურატურას გაუგზავნა.

როგორც დღეს გამართულ ბრიფინგზე სახალხო დამცველის მოადგილემ სოფიო ხორგუანმა განაცხადა, სახალხო დამცველს მიაჩნია, რომ აღნიშნული პირების დაკავების დროს პოლიციის თანამშრომლების ქმედებები შეიცავდა სისხლის სამართლის კოდექსის 144-ე მუხლის დარღვევას, რაც გულისხმობს დამამცირებელ და არადამიანურ მოპყრობას. 26 აპრილს, ინციდენტის დღეს, სახალხო დამცველის რწმუნებული იმყოფებოდა მცხეთის პოლიციის სამმართველოში, სადაც ზემოთ აღნიშნული პირები დაკავების დღეს გადაიყვანეს. რწმუნებული გაესაუბრა და ახსნა-განმარტებები ჩამოართვა ზაჰესში დაკავებულ პირებს. მათი განმარტებით, პოლიციამ დაკავებისას მცხეთის პოლიციის სამმართველოში შეყვანის შემდეგაც მათ ფიზიკური და სიტყვიერი შეურაცხყოფა მიაყენა. დაკავებული პირებისაგან პოლიციელები ითხოვდნენ ეღიარებინათ 26 აპრილს ქვის მონასტერთან მომხდარი ყაჩაღობა. მათი დაკავების ფაქტს ჰყავდა თივთმხილველები, რომლებიც სახალხო დამცველის რწმუნებულისათვის მიცემულ ახსნა-განმარტებაში ადასტურებენ,  დაკავების დროს პოლიციელების მხრიდან არსებულ ფიზიკურ და სიტყვიერ შეურაცხყოფას.

"29 აპრილს მცხეთის რაიონულმა სასამართლომ დაკავებულ პირებს აღკვეთის ღონისძიების სახით 2-თვიანი წინასწარი პატიმრობა შეუფარდა, 7 მაისს კი სააპელაციო სასამართლომ პირობითი პატიმრობა აღნიშნულ პირებს 2 ათას _ 2 ათას ლარიანი გირაოთი შეუცვალა. 12 მაისს მცხეთის რაიონულმა პროკურორმა ვანო ოქროპირიძემ დაიბარა ხმალაძე და ცქიტიშვილი მშობლებთან ერთად და მოსთხოვა პოლიციელების მხრიდან მათზე ფიზიკური და სიტყვიერი ფაქტის უარყოფა, წინააღმდეგ შემთხვევაში მათთან საპროცესო შეთანხმებას არ გააფორმებდა", - განაცხადა სოფიო ხორგუანმა.

მისი თქმით, დაკავებულების ახსნა-განმარტებებს და სახალხო დამცველის მოთხოვნას გენერალური პროკურატურა დღეს კიდევ ერთხელ შეიტყობს.

წყარო: მედიანიუსი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC