რუსთავის სასჯელაღსრულებით დაწესებულებაში მყოფი მსჯავრდებულის, 38 წლის თამაზ ნადირაშვილის ჯანმრთელობის მდგომარეობა უკიდურესად მძიმეა. პატიმრის ოჯახის მიერ მოწოდებული ინფორმაციით, ნადირაშვილმა, რომელიც I ჯგუფის ინვალიდია, ციხის ადმინისტრაციას სამედიცინო დახმარება არაერთხელ სთხოვა, მაგრამ უშედეგოდ. ამ მოთხოვნით სასჯელაღსრულების დეპარტამენტს მსჯავრდებულის ადვოკატმაც მიმართა, თუმცა პატიმარი სამკურნალო დაწესებულებაში ამ დრომდე არ გადაუყვანიათ.
თამაზ ნადირაშვილს ნაგავსაყრელზე ჯართის პოვნისათვის გურჯაანის სასამართლომ 5 წლით თავისუფლების აღკვეთა მიუსაჯა. რაიონული სასამართლოს განაჩენი უცვლელი დატოვა თბილისის სააპელაციო სასამართლომაც. შრომისუუნარო ინვალიდმა, შეწყალება საქართველოს პრეზიდენტს სთხოვა, მაგრამ ამაოდ.
პატიმარს ორი ბავშვი ჰყავს, 15 წლის გოგონა და 6 წლის ბიჭი. ორივე მათგანი ეპილეფსიის მძიმე ფორმით არის დაავადებული.
გელა მთივლიშვილი, კახეთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
