15:56, Friday, 06.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნარკობიზნესში მხილებული სოდ-ის მაღალჩინოსნის წინააღმდეგ გამოძიება შეწყვიტეს

02.07.2008
კახეთის საოლქო პროკურორის მოადგილის ვაჟა მაღრაძის 2008 წლის 24 ივნისის დადგენილებით, შეწყდა წინასწარი გამოძიება სისხლის სამართლის საქმეზე, შს სამინისტროს სპეციალური ოპერატიული დეპარტამენტის კახეთის სამხარეო სამმართველოს განყოფილების უფროსის დავით ლეგაშვილის მიერ სამსახურებრივი უფლებამოსილების ბოროტად გამოყენების ფაქტზე.

როგორც დადგენილებაშია ნათქვამი, სისხლის სამართლის საქმეზე გამოძიების დაწყებას საფუძვლად დაედო საქართველოს გენერალური პროკურატურიდან გადმოგზავნილი საგაზეთო პუბლიკაციის მასალები, რომლის თანახმადაც საქართველოს შსს ყოფილი ოფიცერი გიორგი დალაქიშვილი ჟურნალისტ გელა მთივლიშვილთან მიცემულ ინტერვიუში აცხადებდა, რომ ის უკანონოდ დააკავეს ადმინისტრაციული წესით და მისგან სოდ-ის თანამშრომლებმა ზეწოლის შედეგად მიიღეს აღიარება ნარკოტიკული ნივთიერების მოხმარების შესახებ. ასევე გიორგი დალაქიშვილი ასახელებდა პირებს, რომლებიც სოდ-ის კახეთის სამმართველოს თანამშრომელთა მიერ მიწოდებული ნარკოტიკებით ვაჭრობდნენ.

დადგენილებაში პროკურორი განმარტავს, რომ საქმეზე წინასწარი გამოძიება სისხლის სამართლის კანონით გათვალისწინებული ქმედების არარსებობის გამო შეწყდა, რასაც გიორგი დალაქიშვილი არ ეთანხმება. მისი თქმით, სოდ-ის მაღალჩინოსანს კახეთის საოლქო პროკურატურიდან მფარველობენ. დალაქიშვილი პროკურატურის დადგენილების სასამართლოში გასაჩივრებას გეგმავს.

აღსანიშნავია, რომ ცოტა ხნის წინ, გიორგი დალაქიშვილი გააფრთხილეს ამ საქმესთან დაკავშირებით და ასევე გაერთიანებული ოპოზიციის მხარდასაჭერად არ ეაქტიურა, წინააღმდეგ შემთხვევაში მას ნარკოტიკების ჩადებით და დაპატიმრებით დაემუქრნენ.

გელა მთივლიშვილი, კახეთი

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC