კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

ტელეკომპანია "მაესტროს" სარჩელის განხილვა სექტემბრისთვის გადაიდო

14 ივლისი, 2008

დღეს თბილისის საქალაქო სასამართლოში ტელეკომპანია "მაესტროს" მიერ საქართველოს კომუნიკაციების ეროვნული მარეგულირებელი კომისიის წინააღმდეგ შეტანილი სარჩელის განხილვა გადაიდო.

როგორც ტელეკომპანია "მაესტროს" ხელმზღვანელობა აცხადებს, სარჩელის განხილვა მოპასუხე მხარის გამოუცხადებლობის გამო გადაიდო. მარეგულირებელი კომისიის ინტერესების დამცველი ორი წარმომადგენელი მივლინებით ბათუმში გაემგზავრა, სხვა სასამართლო პროცესიის მასალების გასაცნობად, მიუხედავად იმისა, რომ სასამართლოს თარიღი წინასწარ იყო შეთანხმებული ორივე მხარესთან.

ტელეკომპანია "მაესტრო" გამოთქვამს პროტესტს და აცხადებს, რომ მარეგულირებელი კომისიის უარი ლიცენზიის მიღებაზე არის სიტყვის თავისუფლების შეზღუდვა, ხოლო "მისმა დღევანდელმა ქმედებამ სერიოზული კითხვის ნიშნის ქვეშ დააყენა ტელეკომპანია "მაესტროს" არსებობა", ვინაიდან სექტემბერში დანიშნული სასამართლო პროცესიის მოგების შემთხვევაშიც კი "მაესტროს" გაუჭირდება იმავე წელს სატელევიზიო ფორმატის შეცვლა და წლის ბოლოს სარეკლამო კომპანიებთან ხელშეკრულებების გაფორმება.

ტელეკომპანია "მაესტროში" აცხადებენ, რომ არც ერთი წამით არ შეწყვეტენ კანონიერ ბრძოლას საქართველოში სიტყვის თავისუფლების დასაცავად და მოუწოდებს ქართულ მედია-საშუალებებს, საერთაშორისო ორგანიზაციებს, საქართველოში აკრედიტებულ  დიპლომატიური კორპუსის წარმომადგენლებსა და არასამთავრობო ორგანიზაციებს, გამოხატონ საკუთარი პოზიცია საქართველოს კომუნიკაციების ეროვნული მარეგულირებელი კომისიის ქმედების მიმართ, რომელიც "საქართველოს ამჟამინდელი ხელისუფლების ხელში თავისუფალი სიტყვის შეზღუდვვის მძლავრ იარაღად გადაიქცა".

წყარო: მედიანიუსი.

ახალი ამბები