08:28, Saturday, 11.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზემოაჭარელი მძღოლების პროტესტი

22.07.2008
ბათუმის ავტოსადგურში სამარშრუტო მიკროავტობუსების მძღოლები გაიფიცნენ. ისინი დირექციის მიერ გადასახადის გაზრდის მოთხოვნას აპროტესტებენ. ავტოსადგურის დირექცია ითხოვს, რომ ბილეთები მხოლოდ სალაროში გაიყიდოს და ღირებულების 20 პროცენტი სადგურშივე დარჩეს. „მარშრუტკების“ მძღოლები დღემდე ასეთ გადასახადს არ იხდიდნენ.

ავტოსადგურიდან ძირითადად, ზემოაჭარის სოფლების „მარშრუტკები“ გადიან. მძღოლების თქმით, ახალი გადასახადის მოთხოვნა აუცილებლად გაზრდის მგზავრობის ღირებულებას, რასაც სოფლის მოსახლეობა ვეღარ შეძლებს რომ გადაიხადოს.

"სოფლის ხალხი ისედაც გაჭირვებულია. ქალაქში ჩამოსვლის ფული ისედაც არ აქვთ და ახლა მგზავრობის ტარიფი კიდევ უნდა გავუზარდოთ. გასაყიდად ჩამოტანილი კიტრი და მწვანილი გზის ფულად არ ჰყოფნით. 10 პროცენტი რომ ეთხოვათ, კიდევ შეიძლებოდა მოლაპარაკება, მაგრამ 20 ძალიან ბევრია", _ განაცხადა ქედის რაიონის, სოფელ ჯალაბაშვილების „მარშრუტკის“ მძღოლმა რამაზ ჩხუბაძემ.

ხოლო სოფლის მკვიდრები მგზავრობის ღირებულების გაზრდის წინააღმდეგი არიან: „მუდამ რომ იზრდება მგზავრობის ფასი, ჩვენ საიდან გადავიხადოთ? ბოლოს გლეხი იმასაც ვეღარ შეძლებს, რომ ბათუმში ჩამოვიდეს“.

მძღოლების განცხადებით, ისინი წამოყენებულ პირობებს ვერ შეასრულებენ და იძულებულნი არიან სადგური დატოვონ. მძღოლების თქმით, ჯერჯერობით, სადგურში თავისუფლად შედიან, მაგრამ როცა გადასახადს მოსთხოვენ, ტერიტორიის დატოვება მოუწევთ. ხოლო, სოფლის ხაზების დისპეჩერებს მუშაობა უკვე შეჩერებული აქვთ, დაკეტილია ამ ხაზების სალაროებიც. 
ავტოსადგურის სამეურვეო საბჭოს თავმჯდომარე, ზაურ სოლომონიძე მძღოლების პროტესტს არ იზიარებს: "სადგური საქველმოქმედო საზოგადოება ხომ არ არის, მუდამ შეღავათებს რომ ითხოვენ? აქამდე გაწეული შეღავათისთვის მადლობა არავის უთქვამს. როგორც კი კანონიერების დაცვა დაიწყო, მძღოლები აბუნტდნენ".

ბათუმის ავტოსადგური სააქციო საზოგადოებაა. სახელმწიფოს წილი მასში 31 პროცენტი იყო. 2008 წლის 8 მაისს, აჭარის ავტონომიური რესპუბლიკის მთავრობის თავმჯდომარის ბრძანებულებით, აღნიშნული წილი პირდაპირი მიყიდვის წესით შპს "ფორტუნა სტეიშენს" გადაეცა, რომლის მფლობელიც ებრაელი ინვესტორი იაკობ ელიგულაა. ბათუმის ავტოსადგურში მძღოლების მდგომარეობა სწორედ ახალი ინვესტორის გამოჩენის შემდეგ შეიცვალა.

მაკა მალაყმაძე, ბათუმი

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC