პორტალი ადამიანის უფლებების შესახებ
I ჯგუფის ინვალიდ პატიმარს ციხეში ინჰალატორისა და ხის ჯოხის შეტანის უფლებას არ აძლევენ
28.07.2008
თბილისის #8 სასჯელაღსრულების დაწესებულებაში მოთავსებულ პატიმარს ილია თარაშვილს საპყრობილის ადმინისტრაცია საკანში ხის ჯოხის და ინჰალატორის შეტანის უფლებას არ აძლევს. ამ მოთხოვნით, გასულ კვირას სასჯელაღსრულების დაწესებულების დირექტორის მოადგილეს, ილია თარაშვილის ადვოკატმა, „ადამიანის უფლებათა ცენტრის“ იურისტმა ნინო ანდრიაშვილმაც მიმართა, მაგრამ უშედეგოდ.
ილია თარაშვილის წინააღმდეგ სისხლის სამართლის საქმე სიღნაღის პროკურატურამ 2003 წელს მომხდარი ძროხების ქურდობის ბრალდებით აღძრა. როგორც თარაშვილი აღნიშნავს, მას ქურდობა არ ჩაუდენია, დანაშაულის დაბრალება კი დედოფლისწყაროს გამომძიებელმა სანდრო კუტიბაშვილმა სთხოვა. გამომძიებელი თარაშვილს დაპირდა, რომ ჯანმრთელობის მძიმე მდგომარეობის გამო, სასამართლო მას სასჯელს გადაუვადებდა. ორი კვირის წინ, გურჯაანის რაიონული სასამართლოს მოსამართლე შალვა მჭედლიშვილმა თარაშვილს 8 წლითა და 7 თვით თავისუფლების აღკვეთა შეუფარდა.
ილია თარაშვილი არის მძიმე ავადმყოფი. იგი დაავადებულია ფილტვების ფიბროზულ - კავერნოზული ტუბერკულოზით, ფილტვებიდან სდის სისხლი და უკიდურესად უჭირს სუნთქვა. ასევე მარჯვენა დიდი წვივის ირიბი შეუხორცებელი მოტეხილობა აქვს, რის გამოც დამოუკიდებლად ვერ გადაადგილდება. პატიმრის ჯანმრთელობის მდგომარეობა ყოველდღიურად მძიმდება. მიუხედავად ამისა, მას საპყრობილეში ინჰალატორის და ხის ჯოხის შეტანის უფლებას არ აძლევენ.
გელა მთივლიშვილი,კახეთი
დატოვეთ თქვენი კომენტარი
სხვა სიახლეები
დეპუტატი საქმის ობიექტურ მოკვლევას ითხოვს
საიას ყოფილი თავმჯდომარე პრეზიდენტის მრჩევლად დაინიშნა
ჩხრეკა-ამოღებისას გამომძიებლის დადგენილების გამოტანის ვალდებულება კვლავ ძალაში დარჩება
მუსლიმებს ჭელის მეჩეთთან მისასვლელი ჭიშკარი ჩახერგილი დახვდათ
გეგუთში 60-მდე ადამიანი სახელფასო დავალიანების გამოა გაფიცული
არქივი
მუსლიმებს ჭელის მეჩეთთან მისასვლელი ჭიშკარი ჩახერგილი დახვდათ
გეგუთში 60-მდე ადამიანი სახელფასო დავალიანების გამოა გაფიცული
არქივი
გამოკითხვა
ბლოგი
მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოსვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
რედაქტორის აზრი
რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. ვრცლად...
პატიმართა მასობრივი პროტესტის მიზეზები
შემოდგომის ბუზი
თემები
