დევნილები ამ წუთებში პარლამენტის შენობასთან არიან შეკრებილი და მათი წარმომადგენლები პარლამენტის წევრებთან შეხვედრას მართავენ.
როგორც "ინტერპრესნიუსთან" საუბარში დევნილები აცხადებენ, აღნიშნულ სკოლაში 69 დევნილი ცხოვრობდა. მათი ინფორმაციით, დღეს სკოლის დირექტორმა პოლიციის ძალით დაატოვებინა სკოლის შენობა იმ მიზეზით, რომ სწავლა უნდა დაიწყოს და დევნილებს ამ სკოლაში ვეღარ გააჩერებდა.
დევნილები ამბობენ, რომ შენობაში იმყოფებოდნენ როგორც მცირეწლოვანი ბავშვები, მათ შორის ერთი ახალშობილი და ორსული ქალი, რომლებსაც თუნდაც ამაღამ წასასვლელი არსად აქვთ.
დევნილები იმასაც აღნიშნავენ, რომ მათ პრობლემები ჰქონდათ კვებასთან დაკავშირებითაც და შენობაში, სადაც 69-მდე დევნილი ცხოვრობდა, მხოლოდ 5 ლეიბი მიიტანეს.
წყარო:ინტერპრესნიუსი