საქართველოს თავდაცვის სამინისტრომ კონფლიქტის რეგიონში სულ 168 სამხედრო მოსამსახურე დაკარგა.
როგორც დღეს სასტუმრო „შერატონ მეტეხი პალასში“ გამართულ პრესკონფერენციაზე თავდაცვის მინისტრის მოადგილემ ბათუ ქუთელიამ განაცხადა, მათი სამინისტროს რიგებს ცხინვალისა და შიდა ქართლის რეგიონში მომხდარი საომარი მოქმედებების შედეგად 168 სამხედრო მოსამსახურე გამოაკლდა, მათგან 156 სამხედრო უკვე გადმოსვენებულია. მათ შორის კი მხოლოდ 110 სამხედროა იდენტიფიცირებული.
საქართველოს თავდაცვის მინისტრის მოადგილე ბათუ ქუთელია დაღუპული სამხედროების ოჯახებს სამძიმარს უცხადებს
წყარო: მედიანიუსი.