ომისა და სამხედრო ძალების ვეტერანი, 79 წლის მიშა ხიმშიაშვილი დახმარებას ითხოვს. შრომისუუნარო ინვალიდი, რომელიც 1941 - 1945 წლებში დიდ სამამულო ომში მამაცური შრომისათვის მედლით არის დაჯილდოვებული, 3 კვადრატული მეტრის ფართში, რკინის ჯიხურში ცხოვრობს.
მოხუცმა დახმარებისათვის სოციალური სუბსიდიების სააგენტოს მიმართა, თუმცა სოციალურმა აგენტებმა რკინის ჯიხური მუდმივ საცხოვრებელ ადგილად არ ჩათვალეს და მოხუცისთვის ოჯახის დეკლარაციის შევსებაზე უარი განაცხადეს.
მიშა ხიმშიაშვილს, რომელსაც მარჯვენა ხელი არ გააჩნია, წასასვლელი არსად აქვს. გურჯაანის მუნიციპალიტეტის გამგეობის ბალანსზე მყოფ მრავალბინიან საცხოვრებელ სახლებში თავშესაფრის გამოყოფის თხოვნით, მოხუცმა ადგილობრივ ხელისუფლებას ერთი კვირის წინ მიმართა, თუმცა ამ დრომდე გამგეობაში ამ საკითხით არავინ დაინტერესდა.
ადამიანის უფლებათა ცენტრი