გურჯაანის გურამ ჭილაშვილის სახელობის გიმნაზიის დაწყებით კლასებში სასწავლო პროცესი შეწყდა. ამის მიზეზად სკოლის ხელმძღვანელობა "ა" ჰეპატიტის გავრცელების საშიშროებას ასახელებს.
როგორც ჩვენთვის გახდა ცნობილი, ექიმებმა 1 კლასის მოსწავლეს "ა" ჰეპატიტი დაუდგინეს. საზოგადოებრივი ჯანდაცვის რაიონული სამსახურის ექიმი – ეპიდემიოლოგი მარინა კაპანაძე ირწმუნება, რომ მდგომარეობა საგანგაშო არ არის. მისი თქმით, სკოლის საკლასო ოთახებს დეზინფექცია უკვე ჩაუტარდა. ეპიდემიოლოგების განცხადებით, იმ შემთხვევაში თუ გიმნაზიის ხელმძღვანელობა სკოლაში სასმელი წყლის სისტემას სასწრაფოდ არ მოაწესრიგებს, დაავადების გავრცელების საშიშროება ნამდვილად არსებობს.
გელა მთივლიშვილი, კახეთი