გურჯაანის რაიონის სოფელ კარდენახში აფხაზების საგვარეულო სასახლის განადგურების ფაქტით არც ადგილობრივი ხელისუფლება და არც სამართალდამცავები არ ინტერესდებიან. სოფლის მაცხოვრებლები დარჩენილ კედლებსაც ანგრევენ.
როგორც ადამიანის უფლებათა ცენტრისთვის გახდა ცნობილი, აფხაზების საგვარეულო სასახლის ძარცვა და გაპარტახება 2003 წლიდან დაიწყო. მანამდე აფხაზების სასახლის ეზოში უპატრონო ბავშვთა სახლი ფუნქციონირებდა, რომელიც გურჯაანის რაიონის ხელმძღვანელობის გადაწყვეტილებით გაუქმდა. უპატრონოდ მიტოვებული შენობიდან თავდაპირველად ავეჯი და ძვირფასეულობა მოიპარეს, შემდეგ სხვადასხვა ნივთები, სახურავი, კარ-ფანჯარა და ამჟამად შენობის კედლებსაც ანგრევენ. მიმდებარე ტერიტორიაზე გაჩეხილია მუხის ასწლოვანი ხეები.
ქურდობისა და ძარცვის ფაქტების შესახებ პოლიციის რაიონულ სამმართველოს და გურჯაანის მუნიციპალიტეტის გამგეობას არაერთხელ აცნობეს, მაგრამ უშედეგოდ.
გელა მთივლიშვილი, კახეთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
