ოპოზიციის აქცია პრეზიდენტის ავლაბრის რეზიდენციისკენ მიემართება
7 ნოემბერი, 2008
პარლამენტის შენობის წინ შეკრებილი მომიტინგეები პრეზიდენტის ავლაბრის რეზიდენციისკენ დაიძრნენ. კონსერვატიული პარტიის წარმომადგენელმა კახა კუკავამ საპატრულო პოლიციის თანამშრომლებს მოუწოდა, რომ საავტომობილო გზები გაათავისუფლონ თავისუფლების მოედნიდან ავლაბრის მიმართულებით. რეზიდენციასთან ოპოზიციის ლიდერები საქართველოს პრეზიდენტს იმ მოთხოვნებს გადასცემენ, რომელიც არასაპარლამენტო ოპოზიციის წარმომადგენელმა პოლიტიკურმა პარტიებმა ერთობლივად შეიმუშავეს.
ცნობისთვის: აღნიშნული მოთხოვნების დასაკმაყოფილებლად ოპოზიცია ხელისუფლებას ვადას 23 ნოემბრამდე აძლევს. წინააღმდეგ შემთხვევაში 23 ნოემბერს გაერთიანებული ოპოზიცია და მისი მხარდამჭერები ტელეკომპანია „იმედის“ 24-საათიანი პიკეტირებით იმუქრებიან.
წყარო: მედიანიუსი
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023