ოსმა სეპარატისტებმა ქართველი მწყემსი ცემით მოკლეს

ახალგორის რაიონის სოფელ ყანჩავეთში ოსმა სეპარატისტებმა მწყემსი ნოდარ ტატუნაშვილი ცემით მოკლეს.

რუსულ ჯარში მომსახურე ეთნიკურად ოსმა ჯარისკაცმა, სხვა ჯარისკაცებთან ერთად ქართველი მწყემსი ცხვრის გამო სცემა.

როგორც „მედიანიუსს“ ახალგორის რაიონის გამგებელმა ზურაბ ფიცხელაურმა განუცხადა, ჯარისკაცებმა ნოდარ ტატუნაშვილისთვის ცხვრის წართმევა მოინდომეს. ტატუნაშვილმა წინააღმდეგობა გაუწია და  კაცი ცემით მოკლეს.

„ოსური კრიმინალური დაჯგუფებების გასვლის მიუხედავად, ახალგორში ვითარება ისევ დაძაბულია. სოფელ კორინთაში ოსური ფორმირებების მცირე ნაწილია დარჩენილი. ისინი ყველა სახლში შედიან და ძარცვავენ. ამ სოფელში მოსახლეობის ათი პროცენტია დარჩენილი და ისინიც ეთნიკურად ოსები არიან“, _ განუცხადა „მედიანიუსს“ ზურაბ ფიცხელაურმა.

წყარო: მედიანიუსი.