სამუსიკო სკოლების 100 – ზე მეტი პედაგოგი კუთვნილ ხელფასებს ითხოვს
12 დეკემბერი, 2008
გელა მთივლიშვილი, კახეთი
გურჯაანის სამუსიკო სკოლების გაერთიანების 100-ზე მეტი პედაგოგი კუთვნილ ხელფასებს ითხოვს. როგორც პედაგოგებმა ადამიანის უფლებათა ცენტრს განუცხადეს, ადგილობრივი ხელისუფლების დაპირებების მიუხედავად, 2008 წლის ივლისის თვის ხელფასი მათ დღემდე არ მიუღიათ.
უნდა აღინიშნოს, რომ გურჯაანის სამუსიკო სკოლების გაერთიანება ადგილობრივი ბიუჯეტიდან ფინანსდება. გურჯაანის მუნიციპალიტეტის გამგეობის კულტურის განყოფილების უფროსის დავით მაჭარაშვილის განმარტებით, პედაგოგებმა აქამდე ხელფასები მწირი ბიუჯეტის გამო ვერ მიიღეს და დავალიანება უახლოეს დღეებში დაიფარება.
ახალი ამბები
პოპულარული
სტატია
13 თებერვალი, 2024
სტატია
28 დეკემბერი, 2023
სტატია
13 დეკემბერი, 2023